სატრანსფერო ციებ ცხელება …

სამშაბათი დღე , სატრანსფერო კუთხით საკმაოდ მნიშვნელოვანი იქნება ტურინის ” იუვენტუსისთვის ” . საქმე იმაშია , რომ ამ დღეს მილანში ლიგის უკლებლივ ყველა კლუბის წარმომადგენელი იკრიბება . იტალიური პრესის ინფორმაციით ,  მარკო ვერატის ტრანსფერის შემდეგ , ჯუზეპე მაროტა სებასტიან ჯიოვინკოს გაფორმებასაც შეეცდება  . გენერალური დირექტორი მზადაა 10-11 მილიონი ევრო შესთავაზოს ” პარმას ” , მაშინ როცა მოკრძალებული კლუბი 13 – ს ითხოვს . ” იუვენტუსი ” სიმშვიდეს ინარჩუნებს და დარწმუნებულია მოლაპარაკების წარმატებით დასრულებაში … სხვა სატრანსფერო სიახლეები იხილეთ სრულიადში …

რაც შეეხება მარკო ვერატის საკითხს . ბიანკონერის წერტილის დასმა სურს და მის 50 % უფლებას 4 მილიონ ევროდ გამოისყიდის  , ხოლო ” პესკარაში ” არენდის წესით ორი საკუთარი ფეხბურთელი წავა , ესენი იქნებიან ან მარტინესი და ოსამა ბუი ანაც ჩისბა და სპინაცოლა .

მოდით შევხედოთ ვინ შეიძლება დატოვოს კლუბი ზაფხულში …

” ფიორენტინას ” ახალ მთავარ მწვრთნელს , ვინჩენცო მონტელას , ძალზედ ესიმპატიურება მარკო ბორიელო და მის ტრანსფერს სხთოვს ფლორენციული კლუბის ხელმძღვანელობას . თავის მხრივ ტურინული კლუბი ერთი პერიოდი დაინტერესებული იყო მის გამოსყიდვაში , თუმცა ” რომას ” მიერ დადგენილი თანხა მაროტას ეძვირა .

მას შემდეგ რაც კრისტიან პასკუატოს კონტრაქტის ნახევარი 2.5 მილიონ ევროდ ” უდინეზემ ” გამოისყიდა , ფრიულზე სავარაუდოდ მორიგი ტურინელი წავა და ეს იქნება მარკო მოტა , რომელიც გასულ სეზონში სიცილიური კატანიას ღირსებას არენდის წესით იცავდა . პასკუატოზე დავამატებდი იმას , რომ მომავალ სეზონს იგი არა ” უდინეზეში ” არამედ არენდით ” ბოლონიაში ” გაატარებს . პაციენცას თაობაზე შეუვიდა საკმაოდ ბევრი წინადადება ” იუვეს ” . მალაგა , ვოლფსბურგი და კიდევ ორი იტალიური კლუბია ნახევარმცველით დაინტერესებული . ” ნაპოლის ” ექს ფეხბურთელის სატრანსფერო ღირებულება 2-3 მილიონი ევროა . ახლოს არის ” ლივერპულში ” გადასვლასთან მილოშ კრასიჩი . მოარული ხმების თანახმად ბრიტანელები 7.5 მილიონ ევროს იხდიან . ელჯერო ელიათი კი საუტჰემპტონი , ვესტ ჰემი , ბენფიკა და შალკე არიან დაინტერესებულნი . ფელიპე მელოს საკითხიც გაურკვეველია . გალათასარაის სურს მისი დატოვება , თუმცა ფასის დაკლებას მოითხოვენ რაზეც მაროტა არ თანხმდება . მეორეს მხრივ სპარტაკი 10-11 მილიონ ევროს იხდის ბრაზილიელში . თავად მელო კი ” ნაპოლის ” პრესპექტივას განიხილვას . რეტო ციგლერი კი ” ფენებახჩეში ” დარჩება .

დავუბრუნდეთ შენაძენებს . ბიანკონერი აქტიურად განაგრძობს ტოპ ფორვარდის ძიებას და არ კარგავენ იმედს , რომ გაიფორმებენ ლუის სუარეს . მართალია ურუგვაელმა სულ ცოტახნის წინ განაცხადა , რომ თავს ბრიტანეთში კარგად გრძნობდა , მაგრამ ინგლისური კლუბი კრისტიან ტელოს ყიდვას გეგმავს . კატალონიური ” ბარსელონას ” ახალგაზრდა თავდამსხმელი 9 მილიონი ევრო ღირს . ნიჭიერი მოთამაშის მოსვლა კი სავარაუდოდ სუარესის გაცილებით ნაკლებ სათამაშო დროს მოასწავებს . თავის მხრივ , მაროტა სათავისოდ ეცდება ამ ხელსაყრელი მომენტის გამოყენებას და ლუისის ტურინში ჩამოყვანას .

წყარო : Сalcionews24, Tuttojuve