იაკინტა : ” კონტეს იმედი მაქვს ”

ნახევარ წლიანი არენდის შემდეგ , ვინჩენცო იაკინტა კვლავ ტურინში ბრუნდება . მისი კონტრაქტი ” იუვენტუსსთან ” 2013 წლამდეა ძალაში და იტალიელ ფორვარდს იმედი აქვს , რომ ანტონიო კონტე მისცეს მას კიდევ ერთ შანსს თავის გამოსაჩენად …

რა იგრძენი მაშინ , როდესაც ” იუვემ ” სკუდეტო მოიპოვა ?

” ძალიან გამიხარდა თანაგუნდელების წარმატება , განსაკუთრებით მარკიზიოსი , ჩვენ ერთმანეთს ხშირად ვეკონტაქტებოდით . სრულიად დამსახურებული სკუდეტოა , მთელი ჩემპიონატის მანძილზე კალჩოში მხოლოდ ერთი გუნდი დომინირებდა და ეს იუვე იყო . ეს ყველაფერი იმ სწორი ვარჯიშების და ათლეტიკური წვრთნების დამსახურებაა , რომელსაც კონტე ანიჭებდა უპირატესობას . ნამდვილად არ მიკვირდა ის ფაქტი , რომ მატჩის ბოლოსთვის მეტოქეს ძალა აღარ ჰქონდა , ხოლოდ ტურინელებს პირიქით . განსაკუთრებული აღნიშვნის ღირსია პირლო , ფანტასტიური სეზონი ჰქონდა ანდრეას ! ” .

გრძნობ , რომ ეს სკუდეტო შენიც არის ?

” არა , რადგან ერთი მატჩშიც კი არ მიმიღია მონაწილეობა . ხოლო , როდესაც განაცხადში ვხვდებოდი ხოლმე , ტრიბუნებიდან მიწევდა თვალყურის დევნება ”  .

განიცდი ამის გამო ?

” მარკიზიომ და არა მარტო მარტო მან , მითხრა რომ სწუხს . მათ სურდათ , რომ მათთან ერთად მეზეიმა წარმატება . თუმცა , თავად სხვა რამის გამო განვიცდი . ტრავმები , რომელიც მთელი ნახევარი წელი ჩემი მეგზური იყო . მათ არ მომცეს საკუთარი თავის რეალიზების საშუალება . ასეთ პრობლემებთან ნებისმიერი უძლურია  ” .

იმედი გქონდა , რომ უკეთეს შედეგს მიაღწევდი ” ჩეზენასთან ” ერთად ?

” საკუთარი დებიუტი გატანილი გოლით აღვნიშნე . ვფიქრობ , იმ მატჩში ” ლაციოსთან ” რომ არ დავმარცხებულიყავით , საბოლოო შედეგი სხვაგვარი იქნებოდა . სამწუხაროა , რომ ვერ შევინარჩუნეთ ადგილი უმაღლეს ლიგაში , აქ თავს მართლა ძალიან კარგად ვგრძნობდი , ხოლო ტიფოზერია მხურვალედ უჭერდა კლუბს მხარს ” .

როგორ გრძნობ თავს ამჟამად ?

” მშვენივრად . მოვახერხე და თავი დავაღწიე ბოლო ტრავმას . ამასთან ერთად ექიმებმა იმ პრობლემას მიაგნეს , რომელიც არ მაძლევდა საშუალებას 100 % – ით გამოვჯანმრთელებულიყავი . იმედი ვიქონიოთ , რომ პრობლემები უკან დარჩა , რადგან თამაშს ვარ მოწყურებული . რამდენიმე დღეში ვარჯიშს შევუდგები , რადგან მსურს წინასასეზონო შეკრების დროს კარგ ფორმაში ვიმყოფებოდე ” .

შენ კიდევ ერთი წელი გაქვს კონტრაქტის მიხედვით ” იუვენტუსსთან ” …

” ბედნიერი ვიქნები თუ დარჩენას მოვახერხებ , დაველოდოთ მოვლენების განვითარებას . ძნელია ეხლა რაიმე პროგნოზის გაკეთება . გაზეთებში ისიც კი წავიკითხე , რომ გუნდი შესაძლოა მატრიმ და კუალიარელამაც კი დატოვონ . უპირველესყოვლისა მომიწევს კონტესთან და ხელმძღვანელობასთან გასაუბრება ” .

არ გეშინია , რომ მომავალ სეზონში იზოლაციაში აღმოჩნდები , როგორც თავის დროზე ამაური ?

” იმედი მაქვს ასეთი არა სასიამოვნო გამოცდილებას არ გავიზიარებ ” .

ვიღაც ვიღაცეები დარწმუნებულნი არიან ამაში , ოღონდ გუნდში დარჩე …

” ხო მაგრამ , თამაშის გარეშე არ შემიძლია ” .

რაზე ოცნებობ ?

” გულით მსურს შეკრებაზე წასვლა და კონტესთვის თავსატეხის გაჩენა ფორვარდის ამორჩევისას . ძალიან ვარ მიჯაჭვული კლუბზე და გულშემატკივრებზე . თუმცა , ნაადრევია ამაზე საუბარი ჯერ ჯერობით ” .

ბოლოს  როდის ესაუბრე კონტეს ?

” ბოლოს , იანვარში მანამ სანამ ” ჩეზენაში ” გადავიდოდი . ზაფხულში შეკრების დროს ისე ჩანდა თითქოს მას ჩემი იმედი ჰქონდა . აქტიურად ვსაუბრობდით ხოლმე და რამდენიმეჯერ დამიდასტურა , რომ დარწმუნებული იყო ჩემს საფეხბურთო მახასიათებლებში . შემდგომ კვლავინდებურად ტრავმა მივიღე და ბოლოს მივიღეთ გადაწყვეტილება , რომ უმჯობესი იქნებოდა თუ დავტოვებდი გუნდს ” .

შენი აზრით , რომელი ტოპ ფორვარდი მოუხდება იუვეს ?

” ჩემი არჩევანი ვან პერსია , თუმცა არც კავანია ურიგო ” .

ჯიოვინკო კი მზადაა დაბრუნდეს …

” ბედნიერი ვარ მის გამო . საერთოდ იუვეში რომ ასპარეზობდე , საფეხბურთო მახასიათებლების გარდა , მტკიცე ხასიათიც არის საჭირო . ჯიოვინკოს კი ორივე აქვს და იმედი ვიქონიოთ ისეთივე მონდომებული იქნება როგორიც ” პარმაში ” .

დელ პიერომ კი დატოვა ტურინი …

” ახალი ისტორია , ახალი შეგრძენები … ალექსი ისტორიას ქმნიდა , მისი შეცვლა ადვილი როდი იქნება . ბოლოს მას  ჩემპიონობის მოპოვების პერიოდში ვესაუბრე და მივულოცე ” .

შენი აზრით სად შესძლებს უკეთესად თავის გამოჩენას ? ” ფლამენგოში ” თუ ” რივერ პლეიტში ” ?

” ჩემი აზრით ის იდეალურად მოერგებოდა ამერიკულ ლიგას ან იაპონიისას . დელ პიეროს ყველგან იცნობენ , მაგრამ ამ ორ ქვეყანაში ის როგორც კუმირი ისე ჰყავთ ” .

რა გაღიზიანებს ყველაზე მეტად პრესის ფურცლებზე , როდესაც ის შენ გეხება ?

” ყველაზე მეტად ის , რომ თითქოს სულ ტრავმირებული ვარ ” .

ევროპის ჩემპიონატზე , რომელმა ფეხბურთელმა მოახდინა შენზე შთაბეჭდილება ?

” მარიო გომესმა . ”

წყარო : TuttoJuve