Live Ata Hotel …

TuttoJuve.com კვლავინდებურად ყურადღებით აკვირდება მოვლენებს , რომელიც მილანში მდებარე სასტუმრო  Ata Hotel- ში მიმდინარეობს სხვადასხვა კლუბის წარმომადგენლებს შორის . ბიანკონერის მთავარი ინტერესი დღევანდელ დღეს იყო ალბინ ეკდალის საკითხის გარკვევა , რომლის კონტრაქტს ორი კლუბი თანაბრად ფლობს , საუბარია რა თქმა უნდა ” იუვეზე ” და შესაბამისად ” ბოლონიაზე ” . თუმცა , უმთავრესი საკითხი მარკო ვერატი და მატეა დესტროა …

10:35 – ” პესკარამ ” დროებით საერთოდ მოხსნა ტრანსფერიდან მარკო ვერატი . ამიტომ ყველანაირი მოლაპარაკებები ჯერ ჯერობით დაბლოკილია .

10:40 – ბიანკონერის ხელმძღვანელობას სურს გაარკვიოს იმ ფეხბურთელების ბედი , რომლებიც საერთო თანამფლობელობაში იმყოფებიან .

12:20 – სიენას გენერალურმა დირექტორმა სტეფანო ანტონელიმ შემდეგი სახის კითხვებს უპასუხა :

მას შემდეგ რაც დესტროს კონტრაქტის მეორე 50 % – ი გამოისყიდეთ , გქონდათ თუ არა კონტაქტი რომასთან ?

” არა , მათთან არანაირი შეხვედრა არ გაგვიმართავს ” .

დესტრო იმისთვის გამოისყიდოთ , რომ გუნდში დატოვოთ თუ გაყიდოთ ?

” ჯერ ჯერობით ამასთან დაკავშირებით პასუხს ვერ გაგცემთ ” .

12:35 – ერთმანეთს კალიარის და იუვენტუსის წარმომადგენლები ხვდებიან , რომლებიც ალბინ ეკდალის საკითხს განიხილავენ . ორივე კლუბის მიზანია , თავიდან აიცილონ კონვერტებით  მოთამაშის მომავლის გადაწყვეტა .

12:40 – ამ წუთებში დასრულდა მოლაპარაკება ჯენოასა და სიენას შორის დესტროს საკითხზე . მალე კი განახლდება მოლაპარაკებები ეკდალზე .

14:50 – ოთხი საათი აქვთ კლუბების იმისთვის , რომ გადაწყვიტონ თანამფლობელობაში მყოფი მოთამაშეების ბედი . იუვე დარწმუნებულია , რომ კონვერტებით ეს საკითხი არ გადაწყდება . ვერატისთან დაკავშირებით კი იმის თქმა შეგვიძლია , რომ მოლაპარაკებები ორ კლუბს შორის არ მიმდინარეობს . მარკო ელოდება ტურინელთა წინადადებას . პარატიჩი თავს მშვიდად გრძნობს , მაგრამ ამასობაში ნაპოლი და კონკრეტულად დე ლაურენტისი ერთვებიან თამაშში . დესტრო ? ჯენოა და სიენა კიდევ ერთხელ შეხვდნენ ერთმანეთს , მაგრამ კონკრეტული არაფერია .

16:55 – პესკარას პრეზიდენტის მცირე კომენტარი ვერატისთან დაკავშირებით : ” ვერატით ორი კლუბია დაინტერესებული , ესენი არიან ნაპოლი და იუვენტუსი . თუ რამდენიმე დღის წინ , ფავორიტი იუვე იყო , ეხლა სიტუაცია შეიცვალა . ნეაპოლიტანელები სერიოზულ კონკურენციას უწევენ ბიანკონერის . რაც შეეხება თავად ვერატის , მას უარით ნაპოლი არ გაუშვია . დიახ , მან რამდენიმეჯერ გამოხატა სიმპატია იუვეს მიმართ , მაგრამ არ ავიწყდება ის გარემობაც რომ პროფესიონალია და ბედნიერია დიდი კლუბების ინტერესით . ერთი რამ ფაქტია , მომავალ სეზონს მარკო პესკარაში გაატარებს , თუმცა ტრანსფერი უკვე მომავალი კვირისთვის იქნება განხორციელებული , იმ შემთხვევაში თუ კლუბების ინტერესი ასეთივე იქნება . ყველაფერს უახლოეს ხანებში შეიტყობთ , დავამატებდი მხოლოდ იმას , რომ ფავორიტი ნაპოლია .

17:20 – მომავალ სეზონს , პრიმავერას კაპიტანი ალბერტო ლიბერტაცი ნოვარაში გაატარებს . მოკრძალებული კლუბის ოფიციალურმა ვებ გვერდმა გამოაქვეყნა ინფორმაცია , რომლის მტკიცებითაც ნოვარამ ფეხბურთელის 50 % – ი გამოისყიდა ტურინული გრანდისგან .

17:56 – კალიარი და იუვენტუსი ჯერ კიდევ მოლაპარაკებებს აწარმოებენ ეკდალის საკითხზე . შესაძლოა მათ თანამფლობელობა კიდევ ერთი სეზონით გაახანგრძლივონ .

18:00 – ჯენოას პრეზიდენტი : ” ჩემს გარეშე მატეა დესტრო არსად არ გადავა სიენადან და ამიტომ უმჯობესი იქნება თუ საქმეს ჩემთან დაიჭერთ ” .

სიენას გენერალური დირექტორი : ” ის კლუბები რომლებიც დაინტერესებულნი არიან დესტროთი , ამაზე კონკრეტული რეაგირებები უნდა მოახდინონ . უახლოეს ხანებში ფორვარდის თაობაზე უფრო მეტი ინფორმაცია გვექნება . მასსზე პრეტენზიას ჯერ ჯერობით ინტერი , რომა და იუვენტუსი აცხადებენ . სამი გრანდი როგორც ხედავთ . ახალგაზრდა ფორვარდს კი იქ სურს ასპარეზობა სადაც მეტი სათამაშო პრაქტიკა და სრულყოფილების საშუალება ექნება . სტრამაჩიონი ან კონტე ან ზემანი , მათ ძალუძთ მისთვის იმის მიცემა რასაც დესტრო ითხოვს . მაგრამ ჯერ ჯერობით უმჯობესი იქნება თუ ყველანი სიმშვიდეს შეინარჩუნებთ ” .

18:27 – კარეზემ ჯუზეპე ჯიოვინკო გამოისყიდა . დეტალებზე ოდნავ მოგვიანებით.

18:36 – მაროტამ ისე დატოვა სასტუმროს ტერიტორია , რომ ჟურნალისტებისთვის ინტერვიუ არ მიუცია .

18:37 – ეკდალი რჩება კალიარის რიგებში .

გთავაზობთ სებასტიან ჯიოვინკოს აგენტის , ანდრეა დ’ამიკოს მცირე ინტერვიუს …

ისტორია ჯიოვინკოსთან დაკავშირებით დასრულებულია , თუმცა კონტრაქტი გასახანგრძლივებელია …
” უახლოეს ხანებში ვისაუბრებთ იუვესთან ამ თემაზე . ჩინებული ურთიერთობა გვაქვს , ამიტომ ვფიქრობ ამ საკითხზე პრობლემებს არ წავაწყდებით ” .

ფეხბურთელი ბედნიერია . კონტრაქტის გახანგრძლივებასთან დაკავშირებით , რაიმე გარანტიებს ხომ არ მოითხოვთ ?

” ის მართლაც ბედნიერია და კმაყოფილია შექმნილი სიტუაციით . ვფიქრობ . თანამედროვე ფეხბურთში მას იმის გაკეთება მოუწევს , რასაც ყოველთვის ძალიან კარგად აკეთებდა . სწორედ ამის მერე დაიმსახურებ გულშემატკივრების , პარტნიორების და მწვრთნელის ნდობას . ის რასაც აქამდე აკეთებდი , უკვე წარსულია . ეხლა უკვე აუცილებელია ხარისხის კიდევ უფრო აწევა . მუშაობა და კიდევ უფრო მეტი მუშაობა . სწორედ ასე მოდის შედეგი ” .

18:57 – დასტურდება ინფორმაცია იმის შესახებ , რომ ” იუვენტუსი ” ბრუნო ალვეშის შეძენას გეგმავს . ზენიტში მოთამაშე პორტუგალიელს ჯერ კიდევ იანვარში შეეძლო ბიანკონერიში გადასვლა , თუმცა მაშინ რუსეთში დარჩენა გადაწყვიტა . ეხლა კი როგორც ჩანს ტრანსფერის განხორციელება მეტ ნაკლებად რეალური ხდება . კონტრაქტის მიხედვით ის კიდევ ორი სეზონი უნდა დარჩეს ზენიტში , თუმცა ლუჩანო სპალეტის თავის მხრივ სიმონე პეპეს ხილვა სურს თავისთან , რომელიც 4-3-3 სქემაში იდეალურად ჯდებოდა კონტეს გეგმებში , მაგრამ მას შემდეგ რაც გუნდი 3-5-2 ტაქტიკურ მოდულზე გადავიდა , პეპე თანდათანობით სათადარიგოთა სკამს მიეჩვია  …