სატრანსფერო ჭორები და სიახლეები

ნიკოლა ლეალის, მაურისიო ისლას, კვადვო ასამოასა და სებასტიან ჯიოვინკოს გაფორმების შემდეგ ტურინის “იუვენტუსის” გენერალური დირექტორი, ჯუზეპე მაროტა იმ ფეხბურთელების გასხვისებას ცდილობს, რომელიც გუნდის სამომავლო გეგმებში არ შედიან.ერთ-ერთი პირველი ამ მოთამაშეებს შორის მარკო მოტაა, რომელმაც გასული სეზონი არენდის წესით “კატანიაში” გაატარა.Corriere Dello Sport – ის მიერ გავრცელებული ინფორმაციის თანახმად, ტურინელთა მარჯვენა მცველით ბერგამოს “ატალანტა” ინტერესდება, ეს ის გუნდია, რომელშიც იტალიელმა უკანახაზელმა საფეხბურთო კარიერა დაიწყო.უახლოეს დღეებში ბერგამული კლუბი ოფიციალური წინადადებით მიმართვას გეგმავს, მაროტა კი, თავისმხრივ, ტრანსფერის შედეგად ეიზიკელ სკელოტოს ხელში ჩაგდებას შეეცდება, რომელიც “ატალანტაში” გამოდის და ანტონიო კონტე მისი დიდი გულშემატკივარია.

Tuttosport – ის მტკიცებით, ზაფხულის სატრანსფერო ფანჯრის პერიოდში ბებერ ქალბატონს ფაბიო კვალიარელა დატოვებს.იტალიელი ფორვარდით ესპანური “მალაგა” ინტერესდება და შეიხი აბდულა ალ ტაინი მზადაა, “ნაპოლის” ყოფილი მოთამაშის სანაცვლოდ სოლიდური თანხა გამოისყიდოს.

ამავე ტუტოსპორტის ინფორმაციით, ელჯერო ელიას “იუვენტუსიდან” წამსვლელთა სიაში წამყვანი პოზიცია უჭირავს.ჰოლანდიელი გარემარბის მიმართ შედარებით რეალურ ინტერესს ბრიტანული “ვესტ ჰემი” იჩენს და მათი მთავარი მწვრთნელი, სემ ელარდაისი მზადაა, ბიანკონერებთან მოლაპარაკებებს თავად ჩაუდგეს სათავეში.თანხა, რომელსაც “ვესტ ჰემი” ელიას სანაცვლოდ იხდის 7 მილიონ ევროს შეადგენს.

Sky Sport 24 მატია დესტროს ტრანსფერის თაობაზე საკმაოდ საინტერესო ინფორმაცია ავრცელებს.საქმე იმაშია, რომ ბიანკონერები მზად არიან ახალგაზრდა ფეხბურთელს კონტრაქტი უკეთესი პირობებით შესთავაზონ, ვიდრე ამას მილანის “ინტერი” აკეთებს.ტურინში თამაშის შემთხვევაში ახალგაზრდული ნაკრების წინახაზელის ანაზღაურება 1.5 მილიონი ევრო იქნება, როცა ნერიაძური 1.3 მილიონის შეთავაზებას აპირებს.

წყარო : Calcionews24; Tuttojuve; Tuttosport