სატრანსფერო ჭორები და სიახლეები

ტურინის “იუვენტუსის” ლეგენდარული კაპიტანი, ალესანდრო დელ პიერო მის მომავალს უახლოეს 15 დღეში გაარკვევს.37 წლის ფორვარდს ბებერ ქალბატონთან კონტრაქტი 2012 წლის 30 ივნისს დაუმთავრდა და ისღა დარჩენია, კარიერის გასაგრძელებლად სხვა რომელიმე კლუბთან გააფორმოს ხელშეკრულება.ყველაზე რეალური ვარიანტი ბრაზილიური “ფლამენგოა”, რომელიც რონალდინიოს შემცვლელს ეძებს და დელ პიერო მართლაც იდეალური კანდიდატია, თუმცა უსაქმოდ ყოფნას არც “მალაგას” არაბი შეიხი აპირებს და მზადაა, ლეგენდარულ ათიანს სოლიდური ხელფასი შესთავაზოს.სრულიადში იხილეთ მეტი..

ჩვენი ვებ-გვერდის საშუალებით შეიტყობდით, ბებერი ქალბატონის სერიოზულ ინტერესს ნერიაძურის აწ უკვე ყოფილი მცველის, ლუსიოს მიმართ.მართლაც, Sky Sport – ზე დაყრდნობით, ბრაზილიელის აგენტთან კონტრაქტის დეტალები უკვე მოგვარებულია და უახლოეს დღეებში ( თუ არა უახლოეს საათებში ) 34 წლის ვეტერანი ტურინელებთან პროფესიონალურ ხელშეკრულებას გააფორმებს.ლუსიო ტურინში 2 წელს დაჰყოფს, ყოველწლიურად კი მისი ანაზღაურება 2,2 მილიონი ევრო იქნება.

რაც შეეხება ალექსანდრ კოლაროვს, მის უფლებათა პაკეტზე აპენინებზე დიდი ბრძოლაა გაჩაღებული.ნისლიან ალბიონზე სათამაშო დროის ნაკლებობით უკმაყოფილო სერბი მანჩესტერ “სიტის” დატოვებას აპირებს და იტალიაში დაბრუნება სურს.განსაკუთრებულ ინტერესს მარცხენა ფლანგელის მიმართ მილანის “ინტერი” და ტურინის “იუვენტუსი” არიან, რომლებიც მზად არიან კოლაროვის სანაცვლოდ გარკვეული თანხა გადაიხადონ.ტრანსფერში სავარაუდოდ გადამწყვეტ როლს თავად ფეხბურთელის სურვილი ითამაშებს, ბიანკონერებში სურს კარიერის გაგრძელება თუ, ნერიაძურიში.

იტალიური პრესის ერთ-ერთი მთავარი სასაუბრო თემა კვლავაც მატია დესტროს მომავალია.დღეს დილით გავრცელებული ინფორმაციით, U21 ნაკრების ლიდერისთვის ბრძოლაში “მილანიც” ჩაერთო, მაგრამ რამდენად დროულია როსონერის ინტერესი, მეორე საკითხია.მთავარ კანდიდატებად კვლავ ტურინის “იუვენტუსი”, მილანის “ინტერი” და დედაქალაქური “რომა” რჩებიან, არაა გამორიცხული, ყველაფერი ბრმა აუქციონის წესით გაირკვეს.

წყარო : Tuttojuve