მოტა სავარაუდოდ “ბოლონიაში” ითამაშებს

ტურინის “იუვენტუსის” მარჯვენა მცველი, მარკო მოტა კარიერას “ბოლონიაში” გააგრძელებს, ამის შესახებ ინფორმაცია დღეს დილით იტალიურმა პრესამ გაავრცელა.26 წლის ფეხბურთელი, რომელმაც გასული სეზონის მეორე ნახევარი არენდის წესით სიცილიურ “კატანიაში” გაატარა, ტურინში დაბრუნდა და ახალი კლუბის ძიებას შეუდგა, რამეთუ ანტონიო კონტეს სამომავლო გეგმებში მოტა არ შედის.დაინტერესებულ გუნდებს შორის განსაკუთრებული აქტიურობა სწორედ რუსობლუმ გამოიჩინა და უახლოეს დღეებში, იტალიის ახალგაზრდული ნაკრების ყოფილი წევრი “ბოლონიასთან” კონტრაქტს მოაწერს ხელს.მოტასადმი ინტერესს კლუბის სპორტული დირექტორი, რობერტო სანსიც ადასტურებს : “მარკოს ჯერ კიდევ “ატალანტადან” ვიცნობ, მასთან კარგი დამოკიდებულება მაქვს.”ბოლონიამ” იცის, რა ტიპის ფეხბურთელები სჭირდება და მოტასადმი ინტერესი შემიძლია დაგიდასტუროთ.ბიანკონერებთან მოლაპარაკებები დაწყებულია, ფრედერიკ სორენსენისა და საფირ ტაიდერის ტრანსფერების შემდეგ “იუვენტუსის” ხელმძღვანელობასთან საქმიანი ურთიერთობა გვაკავშირებს”. ასე რომ, “ბოლონიაში” გადაბარგების შემთხვევაში მოტა იგი ფრედერიკ სორენსენის თანაგუნდელი გახდება, რომელიც არენდის წესით გამოდის რუსობლუში, ფეხბურთელები ერთმანეთს ლუიჯი დელ ნერის დროინდელი “იუვენტუსიდან” იცნობენ.

წყარო : Tuttojuve