სატრანსფერო ჭორები და სიახლეები – 4 ივლისი

ტურინის “იუვენტუსი” ახალგაზრდა ტალანტების ძიებაშია.Sportmediaset – ის მიერ გავრცელებული ინფორმაციით, ანტონიო კონტეს გუნდში ამჟამად შანსი “პრო ვერჩელის” ცენტრალურ მცველს, ალბერტო მასის მიეცემა.19 წლის უკანახაზელი წინასასეზონი მომზადებას ბიანკონერებთან ერთად გაივლის და სავარაუდოდ, მონაწილეობას Trofeo Tim – ის გათამაშებაშიც მიიღებს, რომელიც 21 ივლისს ჩატარდება ბარიში.სწორედ ამის შემდეგ გადაწყდება, რომელ კლუბში გაუშვებენ მასის არენდით, მანამდე კი მას საშუალება ექნება, ისეთი მცველების გვერდით ივარჯიშოს, როგორებიც ჯორჯო კიელინი, ანდრეა ბარძალი, ლეონარდო ბონუჩი და ლუსიო არიან.სრულიადში იხილეთ მეტი…

“სიენას” სპორტული დირექტორი, სტეფანო ანტონელი დღეს მილანში ფაბიო პარატიჩისა და ჯუზეპე მაროტას შეხვდა, სასაუბრო თემა რა თქმა უნდა მატია დესტროს საკითხი გახლდათ.La Gazzetta Dello Sport – ის მტკიცებით, ბიანკონერების ხელმძღვანელობა ცდილობს, ახალგაზრდა ფორვარდის უფლებათა პაკეტის ის 50 % შეიძინოს, რომელსაც “სიენა” ფლობს და მხოლოდ ამის შემდეგ დაიწყოს მოლაპარაკებები “ჯენოასთან”.

დესტროს ხელში ჩასაგდებად ჯუზეპე მაროტას კიდევ ერთი გეგმა აქვს : მანოლო გაბიადინის “სიენაში” არენდით გაშვება.”ატალანტას” ახალგაზრდა ფორვარდი ბიანკონერებთან კონტრაქტს სავარაუდოდ უახლოეს დღეებში გააფორმებს, შემდეგ კი არენდის წესით სიენას მიაშურებს, მის სანაცვლოდ კი ტურინში მატია დესტრო ჩამოფრინდება.

Il Corriere Dello Sport – ის მიერ გავრცელებული ინფორმაციით, უახლოეს 48 საათში ჯუზეპე მაროტა ოფიციალურ ვიზიტს დიდ ბრიტანეთში გეგმავს, მისი მთავარი მიზანი კი ტოპ კლასის ფორვარდის ხელში ჩაგდება იქნება.ბიანკონერების გენერალური დირექტორი ეწვევა ლონდონს და “არსენალთან” მოლაპარაკებებს რობინ ვან პერსის თაობაზე გამართავს, ასევე ლივერპულს ლუის სუარესის ტრანსფერთან დაკავშირებით და მანჩესტერს, ედინ ჯეკოს ან მარიო ბალოტელის გასაფორმებლად.ვნახოთ, როგორ დასრულდება იტალიელების “გალაშქრება” ნისლიან ალბიონზე.

ნიკოლა ლეალის, ლუსიოს, მაურისიო ისლას, კვადვო ასამოასა და პოლ პოგბას გაფორმების შემდეგ ბებერი ქალბატონის მთავარი საფიქრალი ახლა წინახაზის გაძლიერებაა.ანტონიო კონტეს გუნდისთვის იდეალური ვარიანტი “ლივერპულის” ფორვარდი, ლუის სუარესია და ყველაზე მეტად ჯუზეპე მაროტა სწორედ მის შეძენას ეცდება.ურუგვაელის ხელში ჩაგდება არც ისე ადვილი მისიაა, მითუმეტეს, წითლების ახალ დამრიგებელს 24 წლის შემტევთან შესანიშნავი ურთიერთობა აქვს და მის გასხვისებას არ აპირებს.Daily Mail – ის ცნობით კი, ლივერპულელები კარგი შემოთავაზების შემთხვევაში სუარესს შეელევიან და მის სანაცვლოდ გუნდში “ნიუკასლის” წინახაზელს, სენეგალელ დებმა ბას მოიყვანენ.

წყარო : Calcionews24; Tuttojuve; Tuttosport