სატრანსფერო ციებ ცხელება

ტურინის ” იუვენტუსი ” განაგრძობს ბრძოლას გასტონ რამირესისთვის . შესანიშნავმა დებიუტმა ოლიმპიურ თამაშებზე ურუგვაის ნაკრების შემადგენლობაში , უყურადღებოდ არ დატოვა იგი და რამდენიმე სერიოზული კლუბის დაინტერესების ქვეშ მოექცა . არ არის გამორიცხული , იუვემ დროებით შეაჩეროს იდეა ტოპ ფეხბურთელის შეძენასთან დაკავშირებით და მთელი თავისი ძალა რამირესის ტრანსფერს მოახმაროს , რითაც დასძლევს კიდევაც ინტერის წინააღდეგობას . ურუგვაელის ტრანსფერი ტურინელებს მინიმუმ 15 მილიონი ევრო დაუჯდებათ .

სხვა სატრანსფერო სიახლეები იხილეთ სრულიადში …

ბიანკონერის მარცხენა მცველი რეტო ციგლერი , შესაძლოა უახლოეს პერიოდში ” რუბინის ” მოთამაშე გახდეს . იმ შემთხვევაში თუ არ შესდგება მისი ტრანსფერი ” ბენფიკაში ” , მაშინ შვეიცარიელი კარიერას რუსეთში განაგრძობს . თუმცა , SkySport24 – ის ინფორმაციით ყაზანელთა მხრიდან ოფიციალური შემოთავაზება რეტოს თაობაზე , მაროტას არ მიუღია .

Gazzetta Dello Sport – ის ცნობით , ” ზენიტს ” ძალზედ სურს საკუთარ რიგებში ფაბიო კუალიარელა იხილოს . რუსული კლუბი , სხვადასხვა წყაროს მტკიცებით მზადაა 10-12 მილიონი ევრო გადაიხადოს იტალიელი ფორვარდის სანაცვლოდ . კონტე თითქოს ფაბიოს დატოვებას გეგმავდა , მაგრამ რუსების წინადადებამ და სატრანსფერო ფასმა იგი დააფიქრა . ამასთან ერთად ჩნდება რეალური სახსრები სტეფან იოვეტიჩის შესაძენად . თავის მხრივ ჩერნოგორიელი , შესაძლოა უახლოეს პერიოდში გახდეს იუვენტუსის სრულუფლებიანი წევრი , მას შემდეგ რაც მაროტა მატრის მილანში გაუშვებს , ხოლო კუალიარელას რუსეთში .

ორშაბათი შესაძლოა ის დღე გახდეს, როდესაც მანოლო გაბიადინი ოფიციალურად გახდება ტურინის ” იუვენტუსის ” ფეხბურთელი . იტალიური პრესის ინფორმაციით , გაბიადინი თანამფლობელობაშია გადასული და პლიუს ბიანკონერიმ ჯეიმს ტროისის 50 % მიჰყიდა ბერგამოს ატალანტას . გაბიადინი კი სასურველი პრაქტიკის მისაღებად , ერთ სეზონს ბოლონიაში გაატარებს , რის შემდეგაც ” იუვენტუსში ” დაბრუნდება .

Tuttosport – ის ცნობით კი , ბიანკონერი ძალზედ ახლოს არის პაბლო არმეროს ტრანსფერის დასრულებასთან . დღეისათვის , ორივე კლუბი დეტალების მოგვარებით არის დაკავებული . ფეხბურთელის ღირებულება 10 მილიონი ევროა , ეხლა კი დროა დამტკიცდეს ტრანსფერის ფორმა . უდინეზეს სურს იგი თანამფლობელობაში გაუშვას , როგორც ასამოა და ისლა , ხოლო ბიანკონერის არენდით სურს აყვანა , გამოსყიდვის უფლებით . ამ შემთხვევაში მაროტა დაზოგავს გარკვეულ თანხებს თავდამსხმელების შესაძენად . ტრანსფერი აუცილებლად გაფორმდება 21 აგვისტომდე , რადგან ფრიულის ბინადრებს ჩემპიონთა ლიგაზე უწევთ ასპარეზობა და სათანადო დონეზე სურთ კოლუმბიელის შეცვლა .

წყარო : Tuttosport, Calcionews24, Tuttojuve