პალაცი 15 თვეს ითხოვს

მას შემდეგ რაც სასამართლომ უარი განაცხადა შეთანხმების შესრულებაზე , ანტონიო კონტეს მხარემ ვერ მოახერხა კომპრომისის პოვნა ფედერალურ პროკურორთან ( პალაცისთან ) . გამომდინარე აქედან , ამ უკანასკნელმა მოითხოვა ბიანკონერის მთავარი მწვრთნელის 15 თვით დისკვალიფიკაცია . შეგახსენებთ , რომ ეს ყველაფერი გამოწვეულია კონტეს ექს ფეხბურთელის კორობიოს ჩვენებების გამო , რომელიც თვლის რომ თითქოს კონტემ იცოდა სიენა – ალბინოლეფეს მატჩის შედეგი . უკვე მალე კი ბარის პროკურატურის მიერ გატარებული მუშაობის შედეგად , დაიწყება ახალი პროცესი , რომელშიც ბრალდებულები ბიანკონერის ორი ფეხბურთელი სიმონე პეპე და ლეონარდო ბონუჩი არიან . მათ ბრალი გარიგებულ მატჩში მონაწილეობაში ედებათ . საუბარია ბარი – უდინეზეს დაპირისპირებაზე . ეს მატჩი მასიელოს დაკითხვის შემდეგ დადგა კითხვის ნიშნის ქვეშ . სრულიადში კი შეგიძლიათ იხილოთ ანდრეა ანიელის განცხადება …

” უკვე მივხვდით , რომ ფედერაცია და სპორტული სამართალი აგრძელებს ყოველგვარი ლოგიკის გარეშე მუშაობას . ეს ყოველივე რაც ეხლა ხდება , მიმართულია იმისკენ , რომ დაზარალდეს კონკრეტული კლუბი . სასამართლოში არსებული დოკუმენტები , ურთიერთ გამომრიცხავ ეფექტს ჰქმნის . ამასთან ერთად ფაქტია , რომ ის ადამიანები რომლებიც უშუალო მონაწილეები იყვნენ სხვადასხვა სახის გარიგებებში , მინიმალურ სასჯელს იღებენ . გუშინ , ფედერაციის მიერ გამოტანილმა ვერდიქტმა კიდევ ერთხელ დაგვანახა არა ადეკვატური სპორტული  სამართლის  არსებობაში . მაშინ როდესაც შეთანხმება არსებობდა და მოსამართლე უარყოფს მათ აღიარებით ჩვენებას , ფაქტიურად უუნაროს ხდის ყველა იმ პირს ვინც ამაზე მიდიოდა , ისინი ფაქტიურად დაუცველნი ხდებიან . მათი ავტორიტეტი ილახება , თუმცა კლუბი ბოლომდე დაუჭერს საკუთარ წევრებს მხარს ” .

საპასუხოდ ფედერაციამ ოფიციალური განცხადება გააკეთა :

” იტალიის ფეხბურთის ფედერაცია მოქმედებს კანონის დაცვით და უზრუნველყოფს , სპორტული სამართლის დამოუკიდებლობას . ანდრეა ანიელის შეფასება მიუღებელია და სცილდება ყოველგვარ საზღვრებს “.

წყარო : Football Italia