სატრანსფერო ჭორები და სიახლეები – 22 აგვისტო

მანამ, სანამ ფერნანდო ლორენტეს მომავალი გაირკვევა, ჯუზეპე მაროტა სტეფან იოვეტიჩის კანდიდატურას უბრუნდება და იებთან მოლაპარაკებების წამოწყებას კიდევ ერთხელ გეგმავს.სპორტმედიასეტის ინფორმაციით, ანტონიო კონტე ჩერნოგორიელი ფეხბურთელის მოსვლას დიდად მიესალმება და ტურინელები, ახალგაზრდა შემტევის სანაცვლოდ 30 მილიონიან წინადადებას ამზადებენ, ტრანსფერში შესაძლოა ჩაერთოს ფაბიო კვალიარელაც, რომლის “იუვენტუსიდან” აბარგებაზე ბოლო დროს იტალიური პრესა საკმაოდ აქტიურად წერს.იოვეტიჩის კვალდაკვალ სამიზნეა ფერნანდო ლორენტე, ედინ ჯეკოს ტრანსფერს კი სერხიო აგუეროს ერთთვიანი ტრავმა ფაქტიურად შეუძლებელს ხდის.

განვაგრძოთ კვლავ ფერნანდო ლორენტეს თემა და ბილბაოს “ატლეტიკის” ყოველდღიური ვარჯიშებიც მიმოვიხილოთ.საქმე იმაშია, რომ ნანდო და ბასკების კიდევ ერთი ფეხბურთელი, ხავი მარტინესი განცალკევებით ვარჯიშებს აგრძელებენ და იმ დღის მოლოდინში არიან, როცა მათი ტრანსფერები ოფიციალურად დადასტურდება.ლორენტესადმი ინტერესს ბებერ ქალბატონთან ერთად რამდენიმე ბრიტანული კლუბი იჩენს, მარტინესით კი მიუნხენის “ბავარიაა” მოხიბლული.”ატლეტიკის” მთავარი მწვრთნელი, მარსელო ბიელსა კი მათ სამატჩო განაცხადებს მიღმა ტოვებს მანამ, სანამ შექმნილ სიტუაციას ბოლომდე არ მოეფინება ნათელი.დღესვე გავრცელდა ინფორმაცია იმის შესახებ, რომ ბასკური კლუბის ხელმძღვანელობასთან შეხვედრა ლორენტეს ძმამ და პირადმა აგენტმა, ხესუს ლორენტემ გამართა, რომელმაც ესპანურ მხარეს სხვადასხვა შემოთავაზებების განხილვა და მოთამაშის გაშვება მოსთხოვა.ფაქტია, მაროტა/პარატიჩის დუეტი ფურია როხას ფორვარდისთვის იბრძვის, სად სურს კარიერის გაგრძელება პირადად ნანდოს, ჯერჯერობით საიდუმლოდ რჩება.

ბებერი ქალბატონის ხელმძღვანელობის გულის მოგებას კი მანოლო გაბიადინი “ბოლონიაში” ჩატარებული კარგი სეზონით ეცდება.იტალიის ეროვნული ნაკრების დებიუტანტი უკვე ორშაბათიდან სტეფანო პიოლის განკარგულებაშია და რუსობლუსთან ერთად ვარჯიშობს, მისი მთავარი მიზანი კი არც მეტი არც ნაკლები, მარკო დი ვაიოს ჩანაცვლებაა.ამ დავალების შესასრულებლად მას კიდევ ერთი ბიანკონერო დაეხმარება, კრისტიან პასკუატო, ეს უკანასკნელი ბოლონიაში “იუვენტუსსა” და “უდინეზეს” შორის გაფორმებული თანამფლობელობით აღმოჩნდა.გავრცელებული ინფორმაციით, ბერგამოს “ატალანტამ” გაბიადინის უფლებათა პაკეტის 50 % – ის სანაცვლოდ 4,5 მილიონი ევრო მიიღო.

ნიკოლა ლეალის მომავალი კი ჯერაც გაურკვეველია.იყო ინფორმაცია იმის შესახებ, რომ მაროტა ახალგაზრდა კიპერის გაშვებას არენდის წესით გეგმავდა, მაგრამ “კროტონესთან” მოლაპარაკებები წარუმატებლად დასრულდა, “ვირტუს ლანჩანოსგან” მიღებული წინადადება კი თავად ტურინულმა მხარემ დაბლოკა.საქმე იმაშია, რომ ჯანლუიჯი ბუფონმა ვარჯიშზე მცირე დაზიანება მიიღო, რის გამოც იგი “პარმასთან” შეხვედრას გამოტოვებს, მარკო სტორარის უპირველესი შემცვლელი კი სწორედ ახალგაზრდა ნიკოლაა.

ტუტოსპორტის მტკიცებით კი, მარცხენა ფლანგის გაძლიერების კიდევ ერთი კანდიდატურა ალი სისოკოა.”ლიონის” ფეხბურთელის საფრანგეთიდან აბარგება ფაქტიურად გარდაუვალია, მის მიმართ ინტერესს კი არაერთი ევროპული გუნდი იჩენს, მათ შორისაა ბებერი ქალბატონიც.არ არის გამორიცხული, ფრანგულ მხარეს ჯუზეპე მაროტამ რეტო ციგლერი დაუთმოს და პლიუს, სისოკოს სანაცვლოდ გარკვეული თანხაც დაუმატოს.

წყარო : Tuttojuve; Tuttosport