ბუფონი ახალი კონტრაქტისა და ჩემპიონთა ლიგის შესახებ საუბრობს

მოგეხსენებათ, ტურინის “იუვენტუსის” კაპიტანს, ჯანლუიჯი ბუფონს, კლუბთან არსებული ამჟამინდელი ხელშეკრულების ვადა 2013 წლის ივნისში ეწურება, თუმცა მსოფლიოს საუკეთესო მეკარე მშვიდადაა და მოვლენების დაჩქარებას არ ცდილობს, რადგან ჯიჯი ითვალისწინებს ხელმძღვანელობის დღევანდელ მდგომარეობას, რომელსაც მიმდინარე სატრანსფერო ფანჯარაზე საქმეები თავზე საყრელად აქვს.  “ბიანკონერის” პირველი ნომერი ჩემპიონთა ლიგის თემასაც ეხება: “კონტრაქტის გახანგრძლივების თაობაზე არ ვნერვიულობ. კლუბის პრეზიდენტთან ყოველთვის გულახდილი და პირდაპირი ურთიერთობა მქონდა. ამიტომ, ხელმძღვანელობას განვუცხადე, რომ აჯობებს, ამ ეტაპზე სხვა მნიშვნელოვან საკითხებზე იყონ გადართულნი, შემდეგ კი, როცა შესაბამისი დრო მოვა, ახალი კონტრაქტის თაობაზე მივაღწევთ შეთანხმებას. რაც შეეხება ჩემპიონთა ლიგას, გასახდელში ამაზე ვსაუბრობთ ხოლმე, რადგან რამდენიმე წლის შემდეგ ევროპულ ელიტაში დაბრუნება გვინდა.  ვიცით, რომ არის ორი ან სამი გუნდი, რომელიც ჩვენზე ძლიერია, თუმცა საკუთარი სიძლიერის ჩვენება ნებისმიერ მეტოქესთან შეგვიძლია.” – აცხადებს ბუფონი.

წყარო: Football-Italia