კონტე: ” კუთვნილ ადგილს დავუბრუნდით “

ჩემპიონთა ლიგის კენჭისყრის შემდეგ, ევროპის ყველაზე პრესტიჟულ ტურნირთან დაკავშირებით კომენტარი “იუვენტუსის” მთავარმა მწვრთნელმა ანტონიო კონტემაც გააკეთა. ტურინული გრანდის თავკაცი ძალიან მოტივირებულია: ” უპირველეს ყოვლისა, მინდა ვთქვა, რომ ძალიან ბედნიერი ვიყავი, როცა “იუვენტუსის” სახელი ჩემპიონთა ლიგის კენჭისყრაზე კვლავ ვიხილე. ამ კლუბისთვის ეს შესაფერისი ადგილია მისი პრესტიჟისა და ტრადიციების გათვალისწინებით. “იუვენტუსი” აგრძელებს ისტორიის წერას იტალიაშიც და მის ფარგლებს გარეთაც. დაპირისპირება მოგვიწევს მოქმედ ჩემპიონ “ჩელსისთან”. ეს იქნება ორი მომხიბლავი, დაძაბული მატჩი. ინგლისში თამაშს ყოველთვის ახლავს თან რაღაც განსაკუთრებული, ჩვენ მოედანზე გასვლა “სტემფორდ ბრიჯის” ატმოსფეროში მოგვიწევს. იოლი დაპირისპირებები არ გველის არც “შახტართან” და არც “ნორშელანდთან”. ძალიან პირდაპირი შეხვედრები გველოდება. უკრაინული ფეხბურთი პროგრესშია, უბრალოდ შეხედეთ მათ სარეიტინგო ქულებს, “შახტარი” და კიევის “დინამო” მეორე კალათაში იყვნენ განთესილნი. დანიელებთან მძიმე ფიზიკური ბრძოლები გველის და მათი არდაფასება არ შეიძლება. ევროპულ არენაზე გამოსვლისას ყოველი გუნდი უმაღლესი დონისაა. შარშან იტალიის ჩემპიონის ტიტული ტრიუმფალური სვლის შემდეგ მოვიპოვეთ, როცა მარათონული გზა დაუმარცხებლად გავიარეთ. ეს ბევრად უფრო რთული იქნება ჩემპიონთა ლიგაზე, თუმცა ჩვენ უდიდესი მოტივაცია გვაქვს.” – აცხადებს კონტე.

წყარო: “იუვენტუსის” ოფიციალური ვებ-გვერდი