ბენდტნერი: ” ვამაყობ, რომ აქ მოვხვდი “

ნიკლას ბენდტნერი “იუვენტუსის” ფეხბურთელის სტატუსით პირველ კომენტარს აკეთებს. დანიელი ფორვარდი “ბებერი ქალბატონის” რიგებში ჩარიცხვით კმაყოფილი ჩანს…

” პირველ რიგში, ძალიან ბედნიერი ვარ, რომ აქ მოვხვდი. იგრძნობა თუ რამხელა ტრადიციების მატარებელი და როგორი დიდებული გუნდია “იუვე”. ერთი სული მაქვს, როდის ვნახავ გუნდის სტადიონს და შემდეგ თანაგუნდელებსა და ფანებს გავეცნობი. ჩემთვის ეს წინ გადადგმული ნაბიჯია, იტალიის უძლიერეს გუნდში მოვხვდი, სადაც მოთხოვნებთან ერთად, კონკურენციაც ძალიან დიდია. ეს პროფესიულ წინსვლაში დამეხმარება. ”

“ ვიცი, რომ იტალიური გუნდები ტაქტიკურად ძალიან განსწავლული არიან. რას მოვუტან “იუვეს”? დიდ ენთუზიაზმს. ვაპირებ გულით ვითამაშო და კარგი შედეგი ვაჩვენო. საუბრის ნაცვლად, ყველაფერს მოედანზე გაჩვენებთ. მინდორზე მაქსიმუმს გავაკეთებ. ”

” რაც შეეხება მიზნებს, მინდა ჩემი წვლილი შევიტანო გუნდის წარმატებაში. შესანიშნავი იქნება, თუ “სკუდეტოს” მოგებას ისევ შევძლებთ, აქ სწორედ იმისთვის ვარ, რომ რაღაც საოცარის თანამონაწილე გავხდე, როგორიც არის კიდეც “იუვე”. ”

“ “ჩემპიონთა ლიგაში” რთული მატჩები გველის. კოპენჰაგენში თამაში ჩემთვის სასიამოვნო იქნება, იქ ბევრი მეგობარი მყავს. ყველა შეხვედრის მიმართ დიდი მოლოდინი მაქვს. იმედია, შემდეგი ეტაპის საგზურს მოვიპოვებთ. ”

“ რას ვეტყვი ფანებს? აქ მოსვლით ბედნიერი ვარ, ვამაყობ, რომ “იუვენტუსის” მაისური მეცმევა. ვეცდები შესაძლებლობების მაქსიმუმი ვაჩვენო და ბევრი გოლი გავიტანო.”