ბუი : “ბრეშია” ჩემი შანსია”

13 years ago გიო დარჯანია

საფეხბურთო კლუბმა “ბრეშიამ” რამდენიმე ახალწვეულთან ერთად ბიანკონერების ახალგაზრდა ნახევარმცველი, ოასიმ ბუიც წარადგინა, რომელიც 2012/13 სეზონს არენდის წესით სწორედ “მერცხლებში” გაატარებს : “ბედნიერი ვარ, რომ ერთი წელი ბრეშიას მაისურით ვიასპარეზებ.როგორც ფეხბურთელი “აიაქსში” გავიზარდე, იანვარში “იუვენტუსმა” მიმიწვია და უარის თქმა უბრალოდ შეუძლებელი იყო.სერია B – ში თავის გამოჩენის საშუალება ჩემთვის დამატებითი პლიუსია, კარგად ვიცნობ ფაუსტო როსის, მასთან ამ კლუბზე არაერთხელ მისაუბრია.დარწმუნებული ვარ, ეს იდეალური ადგილია იმ ახალგაზრდა ფეხბურთელებისთვის, რომლებსაც პროგრესი ესაჭიროებათ.ჩემი პოზიცია ? – ნახევარდაცვის ნებისმიერ წერტილში შემიძლია თამაში, როგორც ტრეკვარტისტად, ისე შუაში და საყრდენად.ყველაზე კომფორტულად კი თავს უშუალოდ მოედნის ცენტრში ან ფლანგზე ვგრძნობ, მთავარია გუნდს მოვუტანო სარგებელი.”