ლორენტე : ” წასვლის შემთხვევაში ნაწყენი არავინ არ უნდა დარჩეს ”

ფერნანდო ლორენტე დაუბრუნდა მწვანე მოედანს და ” ესპანიოლთან ” მატჩში მნიშვნელოვანი ბურთის გატანაც მოახერხა საკუთარი გუნდისთვის . მატჩის შემდგომ მან იმ თემებზე ისაუბრა , რაც პრესაში მთელი სატრანსფერო ფანჯრის პერიოდში აქტიურად იწერებოდა : ” გული მწყდება , როდესაც ამდენ ნეგატიურ ადამიანს ვხედავ ჩემს გარშემო . ყოველთვის მაქსიმუმს ვდებდი მოედანზე გასვლისას საკუთარი გუნდისთვის და იმ შემთხვევაში თუ კარიერას იანვრის სატრანსფერო ფანჯრის პერიოდში სხვაგან გავაგრძელებ , ბილბაოს ჩემს გულში განსაკუთრებული ადგილი ექნება . ეს ის კლუბია , რომელმაც ყველაფერი მომცა . მაგრამ განვმეორდები და წასვლის შემთხვევაში არავინ არ უნდა გამიბრაზდეს . ეს პირადი მოტივების გამო იქნება და გულშემატკივრებმა უნდა გამიგონ “ . La Gazzetta dello Sport – ის ინფორმაციით , ფერნანდოს კარიერის გაგრძელება ტურინულ გრანდში სურს და ეხლა უკვე ესპანურ მხარეს მოუწევს გადაწყვეტილების მიღება : ან გაყიდოს იგი ზამთარში და გარკვეული თანხა მაინც აიღოს ან ივნისში ყოველგვარი კომპენსირების გარეშე შეელიოს .

წყარო : Tuttojuve