ზემანი : ” მეტოქემ ყველა კომპონენტში დაგვჯაბნა ”

” ვისი ბრალია ? ვცდილობდით საკუთარი კარნახით წაგვემართა შეხვედრა , მაგრამ პირველივე წუთებიდან არაფერი გამოგვდიოდა . ტურინელები მთელი ერთი თავით მაღლა იდგნენ ჩვენზე სრული 90 წუთის განმავლობაში . ორი აზრი არაა , ეს იყო ჩვენი მხრიდან საშინელი ასპარეზობა , არც კარს ვიცავდით და თავს შეტევითაც მაინც და მაინც არ ვიკლავდით “ – ქებას არ იშურებს მეტოქის მიმართ ” რომას ” მთავარი მწვრთნელი ზდენეკ ზემანი , რომელიც საკუთარი კლუბის პრობლემებზეც ღიად საუბრობს : ” ჯერ ჯერობით ვერაფრით ვერ ვახერხებთ საკუთარი რითმის დაჭერას : თუ არ დავიწყებთ თავდაცვას ყველანი ერთად და შეტევაში გაცილებით სწრაფად მანევრირებას ასეთ სურათს მრავლად მივიღებთ . მცველები საკმაოდ უკან არიან ჩაწეულნი , მაშინ როცა ფორვარდები მოედნის ცენტრში მოქმედებენ და შესაბამისად ისეთი რადიუსის თავისუფალი ზონები რჩება , რომ მეტოქეს ხელ ფეხი ეხსნება . ვმუშაობთ ხარვეზების გამოსასწორებლად . სამი გაშვებული ბურთი 7 წუთში კი ნებისმიერ მეტოქეს გატეხავდა ” …

” ჩემი საფეხბურთო ფილოსოფია მოძველებულია ? როდესაც გუნდი ზუსტად ისე დაიწყებს ასპარეზობას , როგორც ეს ჩაფიქრებული მაქვს , უმჯობესი იქნება დასკვნებს თუ შემდგომ გამოვიტანთ . დღეს კი აბსოლიტურად არ მიხილავს ის , რასაც წვრთნების დროს ვხეწავდით . ალბათ , ” იუვენტუსმა ” იმ დონეზე შეგვაშინა , რომ ვერ განვახორციელეთ ჩაფიქრებული სვლები ” .

” მოხარული ვარ დედაქალაქში ყოფნით . დღესაც კი 100 % – ით ვარ დარწმუნებული , რომ კლუბი მიაღწევს დადებით და პროდუქტიულ შედეგს . ასეთი მატჩები აუცილებელია , რათა ვისწავლოთ საკუთარ შეცდომებზე . როდესაც ” იუვენტუსის ” წინააღმდეგ ყოველგვარი მოტივაციის და სწორი განწყობის გარეშე გადიხარ , საქმე საწყის ეტაპზევეა მომთავრებული . ვმოძრაობდით ნელა და ვერ ვახერხებდით საჭირო სისწრაფის პოვნას . ბიანკონერის კი თავის მხრივ ჰქონდა უპირატესობა , ფეხბურთელები ერთმანეთს თვალდახუჭული იცნობენ ” .

” ტოტის მოედნიდან გაყვანა დაკავშირებულია მატჩის სცენართან , ჩვენ უკვე აღარ შეგვეძლო რაიმეს შეცვლა და შესაბამისად კაპიტანს დასვენების საშუალება მივეცი . ტურინის ტიფოზერია  ? სიმართლე გითხრათ აგრესიული გამონათქვამები არ მომისმენია , შესაძლოა ყურები დახშული მქონდა ” .

წყარო : Tuttosport

პ.ს. ცენზურის ნებისმიერი სახით დარღვევის შემთხვევაში მომხარებელი მიიღებს 3 დღიან ბანს . გმადლობთ ყურადღებისთვის …