” იუვენტუსი ” ჩემპიონთა ლიგასა და სკუდეტოს შორის …

თუ ” ჩელსისთან ” შეხვედრაში დაფიქსირებული ფრე , პოზიტიურად იყო აღთქმული საზოგადოების მიმართ , საპირისპირო სიტუაცია სუფევს ” შახტარის ” შემთხვევაში . ტურინში უკვე საგანგაშო ზარებია და დიდი ეჭვები კლუბის მომავლის შესახებ ევროპულ არენაზე . გამომდინარე იქიდან , რომ კლუბმა ვერ მოახერხა საწყის ორ ტურში სამი ქულის მოპოვება , გაურკვეველს ხდის ისევე როგორც გულშემატკივრებში , ასევე ფეხბურთელებშიც ჩემპიონთა ლიგის მომდევნო პრესპექტივას . თუ აქამდე ბიანკონერი თავისუფლად ფიქრობდა , მინიმუმ მეორე პოზიციიდან მერვედ ფინალში გასვლას , დღეისათვის უამრავი კითხვის ნიშანია უკვე გაჩენილი და გუნდს მართლაც , რომ მუხლჩაუხრელად მოუწევს მუშაობა . 11 სანუკვარი ქულაა მოსაგროვებელი , რომელიც 99 % – ით ეხმარება კლუბს გავიდეს მომდევნო ეტაპზე .

ამასთან ერთად აუცილებელია ყურადღება გავამახვილოთ ძალების გადანაწილებასთან დაკავშირებით . ერთი პერიოდი იყო იმის პრობლემაც , თუ როგორ შეეცვალათ ანდრეა პირლო მისსავე პოზიციაზე , რასაც სხვა საკითხებიც დაემატა . სხვათაშორის ” შახტართან ” მატჩში , გუნდს სწორედ ის დირიჟორი აკლდა , რომელსაც მთელი მსოფლიო იცნობს , მას საერთოდ არაფერი არ გამოსდიოდა მოედანზე . მასთან ერთად სხვა ნახევარმცველებიც აორთქლდნენ , რომლებიც ფუნდამენტალურ როლს ასრულებენ ახალ იუვენტუსის სქემაში .

გასულ მატჩში ჩელსისთან , არტურო ვიდალის ტრავმამ , ორ საკვანძო ეპიზოდში იჩინა თავი . ლონდონელებმა პირველი ბურთი სწორედ ჩილელის მოედნიდან იძულებით გასვლის შემდეგ გაიტანეს , სანამ მას სამედიცინო დახმარებას უწევდნენ . ხოლო მეორე ეპიზოდში , როდესაც ოსკარმა არა ჩვეულებრივი ბურთი გაიტანა , იგი ტრავმის გამო ძლივს ჩამოდიოდა მცველების დასახმარებლად . შესვენების შემდეგ მან ასე თუ ისე გააგრძელა უკეთესად თამაში , რაც სავარაუდოდ ტკივილ გამაყუჩებლების დამსახურებაა .

მის შემდეგ არტურო მაქსიმალურად გამოიყენება სამწვრთნელო შტაბის მიერ . კიევოსთან ჩატარებული შეხვედრის შემდგომ , ვიდალი 180 წუთს ატარებს მოედანზე ფიორენტინასთან და რომასთან დაპირისპირებებში . ამიტომ საკმაოდ რთულია ასეთ პირობებში ადამიანს მოსთხოვო იყოს პროდუქტიული და გამოიყურებოდეს გაცილებით ენერგიულად.

მომენტში როცა აუცილებელი იყო ორი უმნიშვნელოვანესი შუახაზელის მოქმედებები , ისინი სადღაც გაქრნენ . გუნდს არ გააჩნდა არანაირი პრესინგი , რაც ასე ძლიერია დღევანდელი ” იუვენტუსისთვის ” . მეტოქის ნახევარმცველები ცალკე შექებას იმსახურებენ , მათ კარგად გამოიყენეს იტალიელთა სისუსტეები ამ კონკრეტულ საღამოს .

ნახევარ საათიანი სრული ტოტალური პრესინგის შემდეგ მეტოქეს დამსახურებული ბურთი გააქვს და აი იტალიის 30 გზის ჩემპიონზე კიდევ თამამად უნდა ითქვას , რომ ბედმა გაუღიმა და საჭირო დროს ისეთი გოლი გაიტანეს , რომელმაც შეიძლება ითქვას მარცხისგანაც კი იხსნა კლუბი . დავუშვათ ბონუჩის ის ბურთი აეცილებინა , ტურინელებს მოუწევდათ სათამაშო ტემპის მომატება , არადა პირველივე წუთებიდან ჩანდა მშვენივრად , რომ გუნდი ” გამოწურული ” იყო .

ერთის მხრივ კარგია , რომ კლუბმა იცის რეაგირების მოხდენა შექმნილ სიტუაციაზე და სავარაუდოდ სწორედ ამის დახმარებით საპასუხო მატჩში ტურინელები მოახერხებენ სამი ქულის მოპოვებას , მაგრამ უშუალოდ ამ საღამოს დაფიქსირებული რეზულტატი ნეგატიური სიგნალია . ამიტომ იყო აუცილებელი რომასთან პირველივე ტაიმში განეხორციელებინათ როტაცია , როდესაც ანგარიში 3-0 იყო . ამის ნაცვლად კი შტაბმა მოედნიდან გაიყვანა დე ჩელიე , მარკიზიო და მატრი  . რომლებმაც წინა ტურში 15 – 15 წუთი იასპარეზეს ფლორენციაში . ვიდალი და პირლო კი სრულად დარჩნენ მოედანზე .

ბიანკონერის შუა ხაზს , რომ გადავხედოთ დავრწმუნდებით რომ მარკიზიო შეუცვლელი ფიგურაა – პირლო თავისუფალი მხატვარი , რომლის გარშემოც შენდება თამაში – ხოლო ვიდალი ფეხები და სიმსუბუქე , რომლის წყალობითაც იუვე სწრაფად ახერხებს დაცვიდან წინა ხაზში გადანაცვლებას . სწორედ ამან მოუტანა კლუბს გასულ სეზონში სკუდეტო .

ამიტომ არ უნდა გაგვიკვირდეს ის ფაქტი , რომ შახტართან მატჩში ვიდალი არ იყო ჩვეულ ფორმაში . ბარძალი , ბონუჩი და კიელინი ჩვეულად საიმედოები იყვნენ , მაგრამ გამომდინარე იქიდან , რომ ზონებს შორის დიდი ხრამი ჩნდებოდა პერიოდულად შეცდომებს უშვებდნენ . ხოლო ფლანგებს რაც შეეხებათ ასამოა და ლიხტშტაინერი უფრო მეორე ტაიმში დაემსგავსნენ იმ მოთამაშეებს , რომლებიც ვიცით .

ერთი სიტყვით გადაღლილი იუვენტუსი ის ნამდვილად არ არის , როგორიც ვიცით . ნახევარმცველები უფრო საკუთარ საჯარიმოსთან მოქმედებენ და ჩნდება უზარმარზი ხრამი თავდამსხმელებს შორის , რომლებიც მოწყვეტილნი უყურებენ მოედანზე თამაშს . დიახ , იყო ეპიზოდი როდესაც გუნდს თითქოს შეეძლო მოგება , მატრის რომ გაეტანა და ჯიოვინკოს მოქმედებებს შედეგი მოჰყოლოდა , მაგრამ მეტოქესაც ხომ ჰქონდა სამი ოთხი მომენტი ? განსაკუთრებით მსაჯის მიერ კომპენსირებული დრო გაიხსენეთ .

იმ შემთხვევაში თუ სამწვრთნელო შტაბი არ მოიფიქრებს რაიმეს და არ გადაანაწილებს ძალებს ზუსტად , მაშინ უკვე ახალი წლისთვის ჩვენ საკმაოდ სავალალო სურათი შეგვექმნება …