კითხვები, შანსები და ჯგუფში ჩარჩენის საფრთხე

რთული არ არის გაათვიცნობიერო ის ემოციები, რომლებიც “ნორდშელანდთან” გასვლითმა ფრემ ბიანკონერების გულშემატკივრებში გამოიწვია.დანიურ კლუბთან დაკარგულმა ორმა ქულამ ტურინის “იუვენტუსის” შემდეგ ეტაპზე გასვლა კითხვნის ნიშნის ქვეშ დააყენა, თუმცა შანსები ჯერ კიდევ არის.

პარალელურად დონეცკში მიმდინარე მატჩმა კიდევ ერთხელ დაგვანახა, რომ “შახტარი” – თითქოს ჯგუფში მესამე ადგილისთვის მებრძოლი გუნდი, არაფრით ჩამოუვარდება ჩემპიონთა ლიგისა და იტალიის ჩემპიონატის მოქმედ ჩემპიონებს და მეტიც, ახლა უკრაინელები ჯგუფიდან პირველ ადგილოსნის სტატუსით გასვლის რეალური კანდიდატები არიან.

ამ მომენტისთვის, ჯგუფში შემდეგი ვითარებაა :

დონეცკის “შახტარი” – 7 ქულა

ლონდონის “ჩელსი” – 4 ქულა

ტურინის “იუვენტუსი” – 3 ქულა

“ნორშდელანდი” – 1 ქულა

შემდეგ ტურში არისტოკრატები უკრაინელებს ლონდონში დაუხვდებიან, ანჯელო ალესიოს შეგირდები კი აპენინებზე მიიღებენ ნორშდშელანდს.რეალობას თვალი უნდა გავუსწოროთ და თამამად ვთქვათ, რომ დანიელებს ტურინში ქულის მოპოვების უმცირესი შანსიც კი არ აქვთ, ბებერი ქალბატონი სამ ქულას აიღებს, რაც შეეხება “შახტარს”, კუნძულზე არწაგების შემთხვევაში უკრაინელები ფაქტიურად გაინაღდებენ ფლეიოპს.

მეოთხე ტურის შემდეგ ჯგუფში პოტენციური ვითარება ასეთია :

“შახტარი” – 10 ( 8 ფრის შემთხვევაში )

“იუვენტუსი” – 6

“ჩელსი” – 4 ( 5 ფრის შემთხვევაში )

ამ შემთხვევაში, ჯგუფიდან გასასვლელად “იუვენტუსს” დი მატეოს შეგირდების სახლში დამარცხება ეყოფა, დონეცკში გასამართი შეხვედრა ბოლო ტურში მხოლოდ ფორმალობაღა იქნება.მეხუთე ტურის შემდეგ, იმის გათვალისწინებით, რომ უკრაინელები დანიაში სამ ქულას იგდებენ ხელთ, პოტენციურად ვითარება ასეთია :

“შახტარი” – 13 ( 11 ფრის შემთხვევაში )

“იუვენტუსი” – 9 ქულა

“ჩელსი” – 4 ( 5 )

მაგრამ რა იქნება მაშინ, თუ “ჩელსი” “შახტართან” სახლში აიღებს სამ ქულას.

“შახტარი” – 7 ქულა

“ჩელსი” – 7 ქულა ( პირველი ადგილი 2 ბურთით მოგების შემთხვევაში ან ანგარიშით 1:0 )

“იუვენტუსი” – 6 ქულა

ამ შემთხვევაში, “იუვენტუსმა” საკუთარ მოედანზე ლონდონელები უნდა დაამარცხოს, თუმცა ეს ჯგუფიდან გასვლას ტურინელებს არ უნაღდებს – “ჩელსი” ხომ ბოლო ტურში დანიელებთან გეგმავს სამ ქულას.ბიანკონერები ვალდებულნი იქნებიან დონეცკში, სიცივესა და ყინვაში შედეგზე ითამაშონ და პლეიოფში გაინაღდონ ადგილი.

“შახტარი” – 10 ქულა

“იუვენტუსი” – 9 ( 7 ქულა ფრის შემთხვევაში და მესამე ადგილი )

“ჩელსი” – 7 ( 8 ქულა ფრის შემთხვევაში და მეორე ადგილი )

თუ ბებერი ქალბატონი ლონდონელებს დაამარცხებს, შემდეგ დონეცკში ფრეც კი მისაღები იქნება, “ჩელსისთან” კი დადებითი ბალანსი ექნება.

“შახტარი” – 11 ქულა

“იუვენტუსი” – 10 ქულა

“ჩელსი” – 10 ქულა

თუ მეხუთე ტურში “იუვე” – “ჩელსი” ფრედ დასრულდება, “ბიანკონერებს” უკრაინაში მხოლოდ გამარჯვება დააკმაყოფილებთ, არისტოკრატები კი დანიელებს მოუგებენ და ამ შემთხვევაში, მესამე ადგილზე “შახტარი” აღმოჩნდება.

“ჩელსი” – 11 ქულა

“იუვენტუსი” – 10 ქულა

“შახტარი” – 10 ქულა

აქვე გეტყვით, მეხუთე ტურში მარცხი “ჩელსისგან” “იუვენტუსს” პირდაპირ გაუნაღდებს მესამე ადგილს, ანუ ევროპის ლიგის ბილეთს.

ამდენი გაუგებრობა და უამრავი კითხვის ნიშანი კი რა თქმა უნდა, “ნორდშელანდთან” ფრედ დასრულებულმა მატჩმა გააჩინა.