პოგბა : ” პირლო გენიალური ფეხბურთელია ”

” რა ენაზე მესაუბრება კონტე ? იტალიურად , მხოლოდ იტალიურად ! რა ენაზე ბრაზობს იგი ? რა თქმა უნდა იტალიურად ( იღიმის ) რა იყო მიზეზი ამ ორი დაგვიანების ? არ ვიყავი მართალი . ძალზედ ვწუხვარ ამის გამო . ბოდიშს ვიხდი , რადგან ვიცი რომ არ გამოვიჩინე სათანადო პატივისცემა კონტეს და თანაგუნდელების მიმართ . ეს არ იყო წინასწარ დაგეგმილი რამ , უბრალო ცხოვრებისეული პრობლემებია თავი და თავი , თუმცა დამნაშავე ვარ და ამას ვაღიარებ . კარგად მესმის , რომ გარკვეული შეცდომების შემდეგ უფრო ვიზრდებით და ეს აუცილებლად გამომადგება ფსიქოლოგიური კუთხით . დახურულია თუ არა ეს საკითხი ? ვფიქრობ , რომ კი . აღარ ვაპირებ დაგვიანებას ! ვნანობ თუ არა ტურინში გადაბარგებას ? რა თქმა უნდა არა . ” იუვენტუსი ” დიდი გუნდია და რაღაცით ” იუნაიტედს ” ჰგავს , მათ სერიოზული გავლენა გააჩნიათ საფეხბურთო სამყაროზე . განსხვავება ის არის , რომ მაფასებენ საკუთარი დამსახურებების გამო : ფეხბურთელებს სჯერათ ჩემი , ისევე როგორც მწვრთნელს და მეძლევა თამაშის საშუალება . არის თუ არა ” იუვე ” ის რასაც ვეძებდი ? დიახ . კონტემ დამარწმუნა , რომ მის გუნდში მეასპარეზა და დღემდე ამ განცდას მინარჩუნებს . საკუთარი მუხლჩაუხრელი შრომით და პროგრესით უნდა დავარწმუნო იმაში , რომ ვიმსახურებ სასტარტო შემადგენლობაში ასპარეზობას ” …

” რომელმა პარტნიორებმა გამაკვირვეს ყველაზე მეტად ? ბუფონმა , მარკიზიო და პრინციპში ყველამ , აქ ხომ ნამდვილი ჩემპიონები არიან , თუმცა პირლო … ანდრეა ნამდვილად გენიოსია . საოცარი რამ იყო ინტერთან მატჩში , საკუთარ საჯარიმოში როდესაც იყო ბურთით და მის გარშემო სამი ნერიაძურის მოთამაშე მოქმედებდა . ვფიქრობდი ჩემთვის მოიშორე , მოიშორე ! ,ამ კი პირიქით , მშვიდად გააგრძელე ასპარეზობა და განმუხტა სიტუაცია . გავიცინე და მეზობელს ვუთხარი , რომ ის მართლაც გენიალური იყო , გენიალური ! ხუმრობს თუ არა იგი გასახდელში ? დიახ , და უფრო მეტიც , პირლო გასახდელშიც განაგრძობს ჩვენს გაოცებას . როდესაც ყველანი სერიოზული გამომეტყველებით იმყოფებიან , ის ამ დროს რაღაც მხიარულ ისტორიას ჰყვება ხოლმე და ყველას გვაცინებს ” .

არის თუ არა ფერგიუსონი ხისტი პიროვნება ? არა . ძირითად შემთხვევაში მშვიდია და უყვარს ხუმრობა გასახდელში . რა თქმა უნდა ტელევიზორში ის სერიოზული ჩანს , თუმცა გასახდელში კარგად ესმის ვის როგორ უნდა დაეხმაროს ” .

კონტე ? ამ მხრივ ის გაცილებით სერიოზულია , ვარჯიშებზე მაქსიმალურ კონცენტრაციას ითხოვს . და ეს მე მომწონს , რადგან ის ჩემპიონია და სურს მუდამ გაიმარჯვოს და გასწავლის თუ როგორ უნდა მიაღწიო ამას . ვფიქრობ , ასეთ სპეციალისტთან ბევრ რამეს გავიუმჯობესებ ” .

რა უნდა გავიუმჯობესო ? აბსოლიტურად ყველაფერი ( იღიმის ) . ყურადღებით უნდა ვიყო , ჩაჭრის მომენტში , მეტად აგრესიული ართმევაში და ჭკვიანურად უნდა ვანვითარებდე შეტევებს . დადებითი მხარე ? ალბათ პლასტიკურობა , ჩემი ფეხები იდეალურად უდგება დაცვასაც და შეტევასაც , თუმცა გასაუმჯობესებელია მახასიათებლები .

დამირეკა თუ არა ბალოტელიმ , როდესაც იუვენტუსის მაისურით გამოვიჩინე თავი ? არა , რადგან ჩვენ ახლო მეგობრები ნამდვილად არ ვართ . თუ შევხდებოდით ხოლმე ერთმანეთს უბრალოდ ვესალმებოდით და მაქსიმუმ ყავა დაგველიოს . რამდენიმეჯერ მინოსთან ( მინო რაიოლა , ორივე მოთამაშის აგენტია ) ერთად  , ვისადილეთ . მინოს რჩევა ? ვიყო სერიოზული და ყოველთვის ვისწრაფვოდე სრულყოფილებისკენ . ნაპოლისთან გატანილი ბურთის შემდეგ მითხრა , რომ ეს ჯერ კიდევ დასაწყისია და წინ გრძელი კარიერა მელოდება და არ მოვუსმინო შექებებს . ვუსმენ რა თქმა უნდა მის რჩევებს , რადგან სხვა თუ არაფერი ისეთ გამორჩეულ ფიგურებთან აქვს ნამუშევარი როგორებიც ნედვედი და იბრაჰიმოვიჩი არიან .

რა განსხვავებაა ოლდ ტრაფორდსა და იუვე არენას შორის ? არცთუ ისე ბევრი . იქაც და აქაც გიჟური ატმოსფეროა .აქ მაგალითად მსიამოვნებს ის ფაქტი , რომ ტიფოზები ჩემს საპატივცემლოდ მღერიან . უჩვეულოა . რა ვიგრძენი პირველად ? გაკვირვება . ბედნიერება ! რეალურად კი იმუხტები იმ ენერგიით რასაც გულშემატკივრები გაძლევენ . მათი მხარდაჭერა , გაცილებით მეტის გაკეთების სტიმულს გვაძლევს ”  – ეს იყო ინტერვიუ  ” იუვენტუსის ” ფრანგ ლეგიონერთან , პოლ პოგბასთან .

წყარო : Tuttosport