მაროტა : ” გუნდი მატჩიდან მატჩამდე პროგრესირებდა ”

გთავაზობთ ჯუზეპე მაროტას მცირე ინტერვიუს , რომელიც ბიანკონერის გენერალურმა დირექტორმა ტელეარხ Rai Sport -ს მისცა …

ჩემპიონთა ლიგა …

” მოხარულნი ვართ მიღწევებით და სასიამოვნოდ გაკვირვებულნი პროგრესის ასეთი სწრაფი ტემპით . დღევანდელი დღე კიდევ იმით არის გამორჩეული ( ინტერვიუ 6 დეკემბერს ჩაიწერა ) , რომ ანდრეა ანიელი საკუთარ დაბადების დღეს აღნიშნავს . მივულოცე თუ არა ? დიახ , გუშინვე დონეცკში ” .

მომავალი მეტოქე ჩემპიონთა ლიგაში …

” მატჩიდან მატჩამდე გუნდი კიდევ უფრო ძლიერი ხდება . ფილოსოფია მარტივია , ვემზადებით ყოველი მომდევნო დაპირისპირებისთვის , სადაც უკლებლივ ყველა შეხვედრა გადამწყვეტი და მნიშვნელოვანია . თავდაპირველად იყო პრობლემები , რომელიც გამოუცდელობის ბრალია . ჯგუფური ეტაპის მეორე ნახევარი კი , სწორი მიდგომით , ხელმძღვანელობით და გამარჯვების მენტალიტეტის დამსახურებით , პირველ პოზიციაზე დავამთავრეთ . ეს ეტაპი ისე გავიარეთ , რომ მარცხის გემო არ გვიწვნია და ამასთანავე უკანა ხაზის საიმედო ასპარეზობის შედეგად , მშვენიერი ბალანსით . მეტოქეები ? გამორჩეული გრანდის – ” რეალის ” გარდა , ყველა გუნდი ერთ დონეზე იმყოფება . პირველი პოზიციით კმაყოფილნი ვართ , რადგან ეს მოგვცემს საშუალება საპასუხო მატჩი შინ გავმართოთ ” .

სატრანსფერო პოლიტიკა …

” ვფიქრობ უტოპიაა იმაზე ფიქრი , რომ იანვრის სატრანსფერო ფანჯრის პერიოდში ვიპოვნით მოთამაშეს , რომელიც მნიშვნელოვნად გააძლიერებს ჩვენს ხელთ არსებულ შემადგენლობას . ნუ გავიწყდებათ , რომ უკვე 12 -მა იუვენტინომ გამოიჩინა  თავი . სწორედ ამან უნდა დაგვაფიქროს , მაშინ როდესაც ფეხბურთელის ყიდვაზე მიდგება საქმე . თუმცა , მეეჭვება არსებობდეს ბევრი კლუბი , რომლებიც მილიონერებთან პროდუქტიულად წარმართავენ მოლაპარაკებებს ამა თუ იმ მოთამაშის თაობაზე . ვფიქრობ , უპირატესობა ახალგაზრდებში ინვესტიციას უნდა მივანიჭოთ , ისეთებში როგორებიც მარონე და პოგბა არიან . სწორედ მათნაირ ფეხბურთელებში განხორციელდება თანხის დაბანდება . სწორედ ეს პოლიტიკაა ” იუვენტუსის ” მომავალი , მითუმეტეს ასეთ რთულ დროს რაც იტალიაში დგას . ხელთ არსებული სახსრები ახალგაზრდულ სექტორს უნდა მოხმარდეს ” .

კონტეს დაბრუნება …

” ბედნიერები ვართ ჩემპიონთა ლიგის მერვედ ფინალში გასვლით , რადგან ეს მისცემს კონტეს დაუვიწყარ ემოციას , რასაც ეს ტურნირი წარმოადგენს . მწვრთნელის არ ყოფნა ჩვეულ პოზიციაზე მატჩის დროს უკლებლივ ყველას გვწყიტავდა გულს და საბედნიეროდ , ეს არასასიამოვნო სიტუაცია დასასრულს მიუახლოვდა . კლუბი სრული შემადგენლობით , გაორმაგებულად მუშაობდა მისი არ ყოფნის დროს და ეს ჩვენს მიღწევებს კიდევ უფრო გამორჩეულს ხდის . უმჯობესი იქნება თუ დავივიწყებთ ” შახტარზე ” გამარჯვებას . ახალი მეტოქე გველოდება , რომელსაც უნდა ვუფრთხილდეთ . მოტივაციის მხრივ მათ პრობლემები ნამდვილად არ ექნებათ ” .

წყარო : Juventus.com