კონტე – ახალი ეპოქის დასაწყისი ?

” იუვენტუსი ” პრეტენზიას მეორე სკუდეტოზე აცხადებს ზედიზედ . პირველი რაუნდი დასასრულს მიუახლოვდა და დაგროვებული ქულები შიშის ზარს სცემს მეტოქეს : 41 ქულა 17 შეხვედრაში , იტალიის სუპერ თასი და პირველი ადგილი ჩემპიონთა ლიგის ქვე ჯგუფში , რომლიდანაც ბიანკონერიმ მოქმედი ჩემპიონი ” ჩელსი ” დატოვა ტურნირის მიღმა . და ეს ყველაფერი კონტეს მიერ მოპოვებული პირველი სკუდეტოს შემდეგ , სეზონში რომელშიც გუნდს მარცხი არ უგემია . ეს მაშინ როდესაც ბიანკონერის არ ჰყავს სივორის , პლატინის და ზიდანის დრონის შემსრულებლები – გასული ეპოქის შემქნელები …

კონტემ ყველაფერი გენიალურად გააკეთა და გუნდი ერთ მუშტად შეკრა , დაუბრუნა გამარჯვების მენტალიტეტი და სწრაფვა სრულყოფილებისკენ . განახორციელა პროდუქტიული სამუშაო ისეთ ჩემპიონებთან ერთად როგორებიც არიან პირლო და ბუფონი . პლიუს მის განკარგულებაში რამდენიმე მართლაც გამორჩეული მოთამაშე მარკიზიო , ვუჩინიჩი , კიელინი და ჯიოვინკო არიან , თუმცა რაც ყველაზე მეტად ანსხვავებს ამ კლუბს სხვებისგან ის სულია რაც ანტონიომ შემატა . სათადარიგოთა სკამზე დაბრუნებით ახალგაზრდა სპეციალისტი პროგრესირების ტემპს კიდევ უფრო დააჩქარებს და უფრო ზუსტ მიმართლებას მისცემს . დღევანდელ ” იუვენტუსს ” აბსოლიტურად ყველაფერი აქვს , რაც წინაპირობას ჰქმნის ახალი გრანდიოზული ეპოქის დაწყებას . ეპოქის რომელიც ორად გაჰყოფს ადამიანებს , ერთ მხარეს გულშემატკივრები ხოლო მეორე მხარეს მტრები . იუვენტინოებისთვის კონტე მართლაც გამორჩეულია , მაგრამ მოდით დროებით ტრაპატონის და ლიპის პერიოდი მიმოვიხილოთ .

შავ თეთრ ისტორიაში ზენიტის ხანგრძლივობა დროის თვალსაზრისით , ყველაზე დიდი ბონიპერტის მმართველობის პერიოდში იყო . 1971 წლიდან 1986 წლამდე .მთელი 15 წელი ! მილანელოდან გაგდებული ტრაპატონი თავის პირველ 10 წელიწადში 6 სკუდეტო მოიპოვა , სამი ევროპის თასი მათ შორის ეიზელში გამართული და ტრაგიკულად დასრულებული . მის გუნდში ისეთი გამოჩენილი მოთამაშეები ასპარეზობდნენ როგორებიც იყვნენ ჯენტილე , ძოფი , კაბრინი , შირეა , ტარდელი , კაუზიო , ბეტეგა , პაოლო როსი ! 1982 წლის მუნდიალის შემდეგ მათ კიდევ პლატინი და ბონეკი დაემატნენ , რომელიც სამი წლის მანძილზე ზედიზედ გახდა ბომბარდირი . ფანტასტიური შემადგენლობა და ” იუვენტუსი ” წარმოუდგენლად ძლიერი ხდება ! მომდევნო 10 წლიანი ესტაფეტა კი ლიპის ხელში გადავიდა , რომელმაც ფაქტიურად იგივე პერიოდში 5 სკუდეტო და ოთხჯერ იასპარეზა ჩემპიონთა ლიგის ფინალში , თუმცა ზუსტად ეს გახდა მისთვის მთავარი პრობლემა , მხოლოდ და მხოლოდ ერთხელ 1996 წლის სეზონში მოახერხა ” აიაქსის ” დამარცხება . ეს ის გუნდი იყო რომლის რიგებშიც დელ პიერო , ვიალი , ბაჯო , რავანელი , დეშამი , ისევ და ისევ კონტე , ტიურამი , ვიერი , ნედვედი და განსაკუთრებით ზინედინ ზიდანი თამაშობდნენ .

ორი გიგანტი – თქვენ თავადაც კარგად ხვდებით თუ რისი გაკეთება მოუწევს ანტონიოს , რომ წლების შემდეგ ისევე გავიხსენოთ ეს ყოევლივე , როგორც ეხლა ვისაუბრეთ მოკლედ ტრაპატონიზე და ლიპიზე . მას მართლაც რომ მუხლჩაუხრელად მოუწევს მუშაობა , რადგან ასეთი დიდი და განუმეორებელი ისტორია უმაგრებს ზურგს , თუმცა ყველაზე მთავარი ის არის რომ მან ეს კარგად იცის და სწორედ ამიტომაც უყვარს იგი ბიანკონერის ტიფოზერიას ! იგი ნამდვილი იუვენტინოა , რომელიც მოსვლის დღიდან უნერგავს ფეხბურთელებს შავ თეთრი მაისურის სიყვარულს და თავდადებას !