ექსკლუზიური ინტერვიუ ანტონიო კონტესთან

საშობაო არდადეგებამდე ანტონიო კონტემ საკმაოდ ვრცელი და საინტერესო ინტერვიუ მისცა Tuttosport – ის ჟურნალისტს ვიტორიო ორეჯიას : ” პირველ რიგში მინდა ვისარგებლო შემთხვევით და მივულოცო ყველას დამდეგი შობა . 2012 წელი ნამდვილად გამორჩეული იყო ჩვენთვის . გავიმარჯვეთ სერია ა-ში და თან ისე , რომ ერთ შეხვედრაშიც კი არ დავმარცხებულვართ , ვიასპარეზეთ იტალიის თასის ფინალში და მოვიპოვეთ იტალიის სუპერ თასი . მიმდინარე სეზონში კი ვლიდერობთ კალჩოში , ჩემპიონთა ლიგის 1/8 ფინალის საგზური მოვიპოვეთ და ამასთანავე ვითამაშებთ იტალიის 1/4 ფინალში … ვფიქრობ საკმაოდ კარგ შედეგებს მივაღწიეთ “ …

შარშანდელი ჩემპიონობა …

” როდესაც ნოემბერ დეკემბერში ” მილანთან ” ერთად სტაბილურად მივდიოდით მხარ და მხარ , ყველა იმას მეკითხებოდა , თუ რა გზით იქნა ეს პროგრესი მიღწეული , პასუხი მარტივია : მუშაობა და კიდევ ერთხელ მუშაობა . სიმართლე გითხრათ ეს მიღწევადი გახდა მოწადინებულობის და პროფესიონალიზმის ხარჯზე , თითოეული ფეხბურთელის და ხელმძღვანელის მხრიდან ” .

იტალიის თასი და სუპერ თასი …

” სერია ა-ში რომ არ მიგვეღწია გამარჯვებისთვის , ვფიქრობ ფინალი სხვა სცენარით წარიმართებოდა . ” ნაპოლი ” გაცილებით მოტივირებული ვიდრე ჩვენ , თუმცა … მსაჯს რომ იმ ეპიზოდში შეეჩერებინა შეხვედრა , როდესაც მარკიზიოზე დაირღვა თამაშის წესები , მაშინ … სუპერ თასსზე მიღწეული წარმატება კი ლოგიკური იყო , რადგან მთელი შეხვედრის განმავლობაში იგრძნობოდა ჩვენი დომინირება . ამაზე ორი აზრიც არ არის ” .

ორთაბრძოლა ” მილანთან ” , ” ინტერთან ” და მუნტარის გოლი …

” თქვენც კარგად იცით , რომ მუნტარის არ ჩათვლილ გოლს , მალევე მოჰყვა მატრის გაუქმებული ბურთი . მთავარი მეტოქე გასულ სეზონში პირადად ჩემი ალეგრი იყო , უფრო მეტიც ალბათ მტერი , თუმცა არა პირდაპირი გაგებით რა თქმა უნდა . მასმედიაში კი ნამდვილი ომი მიდიოდა , რომელიც ერთ მიზანს , რომელიმე კონკრეტული კლუბის დესტაბილიზაციას ისახავდა მიზნად . მაგრამ მე არასოდეს გამომიყენებია სიტყვა ” მაფიოზი  ” და არ მიწოდებია იგი გალიანისთვის , რომელსაც როგორც მენეჯერს ძალიან დიდ პატივს ვცემ . თავის დროზე მორატიც მტერი იყო , რომელთანაც მასმედიის საშუალებით ომი მიმდინარეობდა , მაგრამ ურთიერთ პატივისცემას არასოდეს ვივიწყდებდით ” .

კონტე და ფეხბურთი …

” ეხლაც რომ ფეხბურთელი ვიყო ისეთ მწვრთნელს ვისურვებდი როგორიც ანტონიო კონტეა . ის ფეხბურთს სხვაგვარი კუთხით დამანახებდა . მწვრთნელი წონა გუნდში 10 % , 20 % ან უფრო მეტია . ყველაფერი იმაზეა დამოკიდებული რამდენად კარგად მოარგებს და გააგებინებს გუნდს საკუთარ იდეებს . ფეხბურთი ” ლეჩეს ” ახალგაზრდულ გუნდში საკუთარი სიამოვნების გამო დავიწყე , თუმცა უკვე აქ ვიყავი მწვრთნელი , ჩემი ძმის გუნდში , რომელიც დაწყებით კლასში იყო იმ პერიოდში . მივაღწიე თუ არა მიზნებს ? როგორც ფეხბურთელმა დიახ . მომიწია ისეთ ვარსკვლავებთან ერთად ასპარეზობა , როგორებიც იყვნენ ზიდანი , ბაჯო , დელ პიერო . ხუთჯერ მოვიპოვე სკუდეტო , ერთხელ ლიგის თასი და გავხდი ” იუვენტუსის ” კაპიტანი . საუკეთესოების სათავეში ვიმყოფებოდი . როგორც მწვრთნელი არა – ყოველთვის იმას ვფიქრობ მოვხდე იქ , სადაც ფეხბურთელობის პერიოდში შანსიც არ მქონია . არასოდეს შევჩერდები და გავაგრძელებ პროგრესირებას , ტექნიკურად , ტაქტიკურად , ფსიქოლოგიურად და მენეჯერული კუთხით . როდესაც სახლში ვარ , ყოველთვის ვირჩევ ისეთ წიგნს , რომელიც დამეხმარება პროფესიული კუთხით . დღეისათვის ანდრეა აგასის ბიოგრაფიულ წიგნს ვკითხულობ , მაინტერესებს თუ რა გზით მიაღწია მან ასეთ მწვრვალებს . ვსწავლობ ასევე ინგლისურ ენას რაც სიმართლე გითხრათ რთულად გამომდის , თუმცა უცხოელებთან ურთიერთობის დამყარებაში ეს იდეალური საშუალებაა . მსურს სწორი სიტყვები შევარჩიო რათა მოტივაცია გავუზარდო გასახდელში ყოფნისას . ვთვლი , რომ მწვრთნელი ცოტ ცოტა ყველაფერს უნდა ფლობდეს და არა ერთი რაიმე გამორჩეულით იწონებდეს თავს ” .

მომავალი ” იუვენტუსის ” შემდეგ …

” ვნახოთ … ეს ჯერ კიდევ ოცნებებია . კარიერის დასრულების შემდეგ არ დავმშვიდობებივარ კლუბს , რადგან მწვრთნელის რანგში მსურდა დაბრუნება . იმედი მაქვს , გრძელი და წარმატებული გზა მელის ” იუვენტუსში ” . შემდგომ არ გამოვრიცხავ კარიერის სხვა ქვეყანაში გაგრძელებას , თუმცა გამორჩეულად ქვეყნის ეროვნულ ნაკრებში მუშაობის სურვილი მაქვს ” .

პირადი ტრაგედია მწვრთნელის რანგში …

” პირველი წელი მწვრთნელის რანგში დიდ სიხარულთა და ემოციებთან არის დაკავშირებული , რაც ალბათ მხოლოდ ჩემპიონთა ლიგის თასი თუ შეედრება ფეხბურთელის რანგში მოპოვებული . არაფერი და არავინ არ არსებობს ისეთი , რომელიც ამ ემოციას რაიმე სახით დაანგრევს ან დაამწუხრებს , მიუხედავად იმ მტკივნეული პერიოდისა და სიტუაციისა რაც გამოვიარე . დღეისათვის შემიძლია გადაჭრით იმის თქმა , რომ გაცილებით ძლიერი გავხდი . ორი აზრი არაა , ეს ჯოჯოხეთი იყო და აუცილებელია ნამდვილად გარკვეული კორექტირებების შეტანა სამართალში . შეხედეთ ” ნაპოლის ” . ძალიან მეცოდებიან ნეაპოლიტანელები და არ ვთვლი სამართლიანად იმ ყოველივეს რაც მათ დაატყდათ თავს . როგორც პრეზიდენტმა ანდრეა ანიელიმ განაცხადა , აუცილებელია სპორტული სამართლის რეფორმირება . მედალი მსურს გადავცე ” ნაპოლის ” მოთამაშეებს , რადგან ჩემამდე მოვიდა ინფორმაცია თითქოს მათ წინადადებები შესთავაზეს , რაზეც უარი განაცხადეს . ჩემს სიტუაციას რაც შეეხება , განვმეორდები უფრო მეტად ძლიერი პიროვნება გავხდი . დიდი შანსი იყო ეს ყოველივე კატასტროფული შედეგით დასრულებულიყო , მაგრამ კლუბის ერთიანობამ ყველაფერი დადებით მხარეზე გადაწონა . რთულ სიტუაციაშიც ანდრეა ანიელი არ იცვლიდა იმ კურს , რომელიც თავიდანვე დაისახა . პრეზიდენტმა მაიძულა მერწმუნა საკუთარ თავში და და კლუბსაც იგივე განცდა შეუქმნა ჩემს მიმართ . ჩემის მხრივ არასოდეს მიგრძნობინებია გაფუჭებული ხასიათი ფეხბურთელებისთვის ” .

წარსულიდან მომავალში …

” გაცილებით ძლიერია დღევანდელი გუნდი შარშანდელისაზე , რადგან ერთ წლიანმა მუშაობამ , იმ პერიოდში როდესაც კლუბს მთავარი მწვრთნელი მთელი ოთხი თვე აკლდა , გამოიღო პროდუქტიული შედეგი . კლუბი დიდებულად ასპარეზობდა ეს რომ დავუშვათ არ ყოფილიყო ასე , პირველი ვიქნებოდი ვინც ანიელის მწვრთნელის შეცვლას მოსთხოვდა ” …

სატრანსფერო საკითხები …

” არ ვიცი საიდან გაჩნდა დროგბაზე ინფორმაცია . მასსზე არასოდეს არ მისაუბრია , თუმცა ექსტრა კლასის ფორვარდზე რომ ვსაუბრობთ ეს ფაქტია . მან ჩემპიონთა ლიგის თასი აღმართა რაც საკმარისად მეტყველებს მის პროფესიონალიზმე და დონეზე . მის მახასიათებლებს არ დაგიმალავთ და კლუბისთვის სასიკეთოდ გამოვიყენებდი . როგორ ვარწმუნებ ანიელის ამა თუ იმ ფეხბურთელის დამატებას ? კი არ ვარწმუნებ არგუმენტებს ვუდებ და აქამდე ის ბედნიერი იყო , თუმცა შეიძლება კიდევ უფრო ბედნიერი გახდეს . ის ეგოისტური სვლები რასაც კლუბი სატრანსფერო ბაზარზე იყენებს , წარმატებულია თუმცა არსებობს სხვა საშუალებებიც … მე უფრო მეორე ვარიანტს მივანიჭებდი უპირატესობას . კარგად ვიცით თუ რა გვჭირდება და როდის უნდა ჩავერთოთ საქმეში . არ გვაქვს იმის ფუფუნება რომ 50 მილიონი ევრო დავხარჯოთ სატრანსფერო ფანჯრის პერიოდში . თუმცა , ჩვენს პროექტებზე შესაძლებელია 35-40 მილიონი ევროს დახარჯვა ” .

” სელტიკი ”

” მათ უკვე ” უკბინეს ” ბარსელონას . თავდაჯერებულობამ შეიძლება დაგვღუპოს , ამიტომ მიწაზე უნდა ვიყოთ და ღრუბლებში არ უნდა დავფრინავდეთ .  გამარჯვება ჩემპიონთა ლიგის გათამაშებაში ? არ ვჩერდებით იმისთვის , რომ მივაღწიოთ ამას . ამასთან ერთად არ ვწყვიტავთ ამაზე ოცნებას , ეს დანაშაული იქნებოდა . ჩვენ აქ ვართ და ვიბრძოლებთ ბოლო წამამდე ” .

და ბოლოს … დელ პიერო …

” ალესანდროს ხელმძღვანელობა ურთულესი იყო , მაგრამ ეს შევძელი . დამეხმარა ის ფაქტი , რომ ტიფოზები მასსაც და მეც ერთნაირად გვცემდნენ პატივს . ეს ხომ ამასთანავე ჩემი სულ რაღაც მეორე ჩემპიონატი იყო . მადლობა მინდა გადავუხადო რადგან საჭირო დროს დელ პიერო ყოველთვის გვიწვდიდა დახმარების ხელს , მიუხედავად იმისა რომ ხშირად რჩებოდა სათადარიგოთა სკამზე . ის იმ ოქროს ხანის წევრი იყო , რომელიც ლიპის ეპოქაში შეიქმნა . პადოინიც , კასერესიც , ჯიაკერინიც და მარონეც , მათ არასოდეს გამოუხატავთ პრეტენზია , ისინი უბრალოდ გამოდიოდნენ მოედანზე და მაქსიმუმს იღებდნენ გუნდისთვის ” .

წყარო : Tuttojuve.com