ლიპი: ” დროგბა “მილანისთვის” უკეთესი ვარიანტია “

ლეგენდარულმა იტალიელმა მწვრთნელმა, მარჩელო ლიპიმ, რომელიც ამჟამად ჩინურ “გუანჯუში” მუშაობს, La Gazzetta dello Sport – თან ტურინის “იუვენტუსსა” და დიდიე დროგბაზე ისაუბრა:“თუ ალეშანდრე პატო და რობინიო მართლაც ტოვებენ “მილანს”, ჩემი აზრით, დიდიე დროგბა “როსონერისთვის” უკეთესი ვარიანტია, ვიდრე “იუვესთვის”.  მან ითამაშა ჩემი “გუანჯუს” წინააღმდეგ და შემიძლია ვთქვა, რომ ისევ ფორმაშია. მისი მოედანზე ყოფნა ნამდვილად ბევრ რამეს ცვლის. “მილანისთვის” კოტ-დივუარელი შესანიშნავი დანამატი იქნებოდა როგორც სერია ა-ში, ისე – ჩემპიონთა ლიგაზე. ტექნიკური კუთხით, იგი მშვენიერ ტანდემს შექმნიდა სტეფან ელ შაარავისთან. დროგბას ჩინეთი გულის კარნახით ან საფეხბურთო მოტივით ნამდვილად არ აურჩევია, ამ ქვეყანაში ჩამოსვლის მიზეზი ფინანსური მხარე იყო, ის ხომ თვეში 1 მილიონ ევროს გამოიმუშავებს. დათანხმდება თუ არა ხელფასის განახევრებას იტალიაში თამაშის სანაცვლოდ? ამაზე მე საკუთარი ეჭვები გამაჩნია. რაც შეეხება ელ შაარავის, იგი დელ პიეროს მაგონებს. ორივეს უყვარს მარცხენა ფლანგიდან მოქმედების დაწყება და კარის მიმართულებით მოჭრილი დარტყმის განხორციელება. სტეფანს დელ პიეროს კლასი ჯერ არ აქვს, თუმცა ზრდას აგრძელებს და შესაძლოა შეტევაში უფრო ფეთქეფადიც გახდეს. “იუვენტუსზე” იმის თქმა შემიძლია, რომ ის იტალიაში ყველაზე ძლიერია. შეიძლება თებერვალში მათ გარკვეული პრობლემები შეექმნათ, როცა ჩემპიონთა ლიგა განახლდება, თუმცა ანტონიო კონტესთან ერთად ტურინელებმა ახალი ენერგია იპოვეს, რაც წარმატების მიღწევაში დაეხმარებათ. ეს გუნდი შეიძლება ჩემს “იუვენტუსს” შევადაროთ, მაგრამ მსგავსება კაპელოსა და ტრაპატონის “იუვესთანაც” არსებობს.” – აცხადებს ლიპი.

წყარო: Footbal-italia