მოურინიო: ” “იუვენტუსი” ერთიანი გუნდია “

მადრიდის “რეალის” პორტუგალიელმა დამრიგებელმა, ჟოზე მოურინიომ, ტურინის “იუვენტუსზე” ისაუბრა და იტალიის 30-გზის ჩემპიონის გულშემატკივრებისთვის საკმაოდ საინტერესო კომენტარიც გააკეთა: ” გამოგიტყდებით და გეტყვით, რომ “იუვენტუსი” არ მომწონს, რადგან მათი მეშინია. ტურინელებს ჩემპიონთა ლიგის მოგება შეუძლიათ. ეს სასწაულად შეკრული და ორგანიზებული გუნდია. ის, რომ წინა ხაზში ეგრედწოდებული “ტოპ მოთამაშე” არ ჰყავთ, მათ ეხმარებათ კიდეც. ის ფაქტი, რომ ჩვენ ბომბარდირთა ცხრილში “იუვეს” მოთამაშეს ვერ ვხედავთ, ნიშნავს იმას, რომ გოლის გატანა ნებისმიერ ფეხბურთელს შეუძლია. კარიმ ბენზემას ან გონსალო იგუაინისნაირი მოთამაშის არყოლა მათთვის პრობლემას არ წარმოადგენს, რადგან “იუვენტუსი” ერთიანი გუნდია. ტურინული კლუბი ჩემს 2004 წლის “პორტუს” მაგონებს. თუ ვინმეს დაავიწყდა, ნება მომეცით, გავიხსენო, რომ “პორტუმ” იმ წელს ჩემპიონთა ლიგა მოიგო.” – განაცხადა მოურინიომ.

წყარო: Football-Italia