ლორენტე : ” იანვარში ” ატლეტიკს ” აუცილებლად დავტოვებ ”

აპენინური პრესის ინფორმაციით , ტურინის ” იუვენტუსი ” მზად არის იანვრის სატრანსფერო ფანჯრის პერიოდში 4-7 მილიონ ევრომდე შესთავაზოს ბილბაოს ატლეტიკს ბასკი ფორვარდის , ფერნანდო ლორენტეს სანაცვლოდ , რომელიც აუცილებლად დატოვებს კლუბს უახლოეს პერიოდში : ” რატომ მივდივარ ? ფეხბურთში ასეთი რამ ხშირად ხდება . სიმართლე იმაში მდგომარეობს , რომ ეს ძალზედ მტკენს გულს , რადგან მშობლიურ ადგილთან განშორება ადვილი არ არის , თუმცა ცხოვრება ასეთია . ძალზედ ვწუხვარ , რომ ახალი წლის შემდეგ აღარ ვიასპარეზებ ” სან მამესზე ” . ყველაფერი ჩემი აგენტების ხელშია . მხოლოდ და მხოლოდ პროფესიონალური სახის ინტერესები მაქვს : მსურს ვარჯიშობდე და ვთამაშობდე . სად ვიასპარეზებ ? უბრალოდ ვფიქრობ ფეხბურთზე და ჩვენს ლიგაზე “ – განაცხადა ბასკმა Tuttosport – თან საუბარში . მოარული ხმების თანახმად ლორენტე კარიერას ტურინში განაგრძობს , თუმცა თუ ” ატლეტიკმა ” ბოლომდე გამოიყენა ხელშეკრულება , მაშინ ფერნანდო ” იუვენტუსს ” სრულიად უფასოდ უკვე ზაფხულში შეუერთდება . სხვადასხვა წყაროების მტკიცებით ფორვარდსა და კლუბს შორის უკვე არსებობს სიტყვიერი შეთანხმება .

წყარო : Calcionews24