“იუვენტუსი” დროგბასადმი ინტერესს ადასტურებს

როგორც ჩანს, მიმდინარე სატრანსფერო ფანჯარაზე “იუვენტუსს” დიდიე დროგბას ხელში ჩაგდებისთვის ბრძოლა გადაწყვეტილი აქვს. ამ ყველაფერს კლუბის გენერალური დირექტორი, ბეპე მაროტა ადასტურებს. აღნიშნულ ტრანსფერზე იგი La Domenica Sportiva – ს ესაუბრა: ” დიახ, ჩვენ დაინტერესებული ვართ დიდიე დროგბათი. შევნიშნეთ მისი ხელმისაწვდომობა ბაზარზე, მაგრამ ახლა უნდა გადავამოწმოთ, რამდენად ჯდება იგი ჩვენს ფინანსებში. ამ თემაზე ანტონიო კონტეს დაველაპარაკებით. რაც შეეხება სტევან იოვეტიჩს, ის შესანიშნავი მოთამაშეა და ჩვენს ინტერესს იწვევს თავისი სამომავლო პერსპექტივების, ასაკისა და კლასის გათვალისწინებით, თუმცა “ფიორენტინასთან” ამ ფეხბურთელის ტრანსფერზე მოლაპარაკებები არასდროს გვიწარმოებია და ამ ეტაპზე ამას ჯერჯერობით არ ვაპირებთ.” – განაცხადა მაროტამ. Gazzetta dello Sport – ის მტკიცებით, ტურინელები მზად არიან კოტ’დივუარელს 2014 წლის ივნისამდე 5.5 მილიონიანი კონტრაქტი შესთავაზონ.

წყარო: Football-Italia