ლეონარდო ბონუჩი – დროგბათი აღფრთოვანებული ” იუვენტინო ”

ლეონარდო ბონუჩი გახლდათ სტუმარი გადაცემაში Mondo Gol , რომელიც ტელეარხ Sky Sport 1 – ზე გადის . ერთი საათის განმავლობაში იტალიის ნაკრების და ტურინის ” იუვენტუსის ” ცენტრალური მცველი , გადაცემის წამყვანების კითხვებს პასუხობდა . გთავაზობთ ყველაზე საინტერესო ეპიზოდებს …

ლეო , შენ დღეისათვის ერთ ერთი ყველაზე საინტერესო სქემის , სამ კაციანი დაცვის უკან დახეული რეჟისორი ხარ …

” ვფიქრობ ეს ყოველივე მთავარი მწვრთნელის დამსახურებაა , მან ზუსტად გამოიყენა ჩემი საფეხბურთო მახასიათებლები , ისევე როგორც დანარჩენი მოთამაშეების და შეიტანა იგი 3-5-2 მოდულში . ეს გვალძევს საშუალებას გაცილებით აგრესიულ სტილში ვიასპარეზოთ და შევქმნათ უამრავი მომენტი მეტოქის კართან ” .

სუფთა სისხლის მცველი ხარ ? როდესაც ხედავ უკან დახეულ ნახევარმცველებს …

” დაცვაში ასპარეზობა 18 წლიდან დავიწყე და იმის თქმა , რომ სულით ხორცამდე ამ პოზიციის მოთამაშე ვარ შეუძლებელია ” .

ადრე ნახევარდაცვაში თამაშობდი ?

” დიახ . უშუალოდ დაცვის ზონის წინ ვასპარეზობდი . ნუ პირლოს მსგავსი ნამდვილად არ ვყოფილვარ რადგან ის უნიკალურია , მაგრამ ვცდილობდი მეკონტროლებინა ბურთი ” .

ვინ შეცვალა შენი როლი მოედანზე ?

” კარლო პერონიმ , რომელიც ” ვიტერბეზეს ” თავკაცი იყო . შემდგომ იყო ინტერი , სადაც გადაწყდა კიდევაც ეს ყოველივე ” .

თუმცა , რა უფრო ჯობია სამი კაცით ასპარეზობა უკანა ხაზში თუ მაინც ოთხით ?

” გასულ მარტამდე მუდამ ოთხ კაციან დაცვით სქემაში ვასპარეზობდი და თავს კომფორტულად ვგრძნობდი . ბარიში სადაც არ იყო მიზანი გრძელი გადაცემების კეთება , გადასარევად ვიყავი . ვფიქრობ ეს წამეხმარა ტურინში გადასვლაზე და მეჩვენებინა ის თამაში იმ სქემაში , სადაც თავს კარგად ვგრძნობდი ” .

იყო ეპიზოდი როდესაც აქ ოქროს ბურთზე წავიდა საუბარი . როდესაც თემა ბეკენბაუერს შეეხო , რიკარდო ტრევიზანიმ თქვა , რომ ყველაზე მეტად მას ბონუჩი ჰგავს . ხოლო პაოლო კონდომ ასეთად პიკე მიიჩნია . შენი აზრით ტრევიზანო მართალია ?

” ბეკენბაუერი ეს არის ეპოქა ფეხბურთში , თავად კი არცთუ ისე დიდი ხანია რაც უმაღლეს დონეზე დავიწყე ასპარეზობა . თავად ყოველთვის ნესტას ვეთაყვანებოდი , თუმცა ბეკენბაუერის მსგავსება ბევრმა შენიშნა ჩემში და ამიტომაც ტრევიზანომ … ტვიტერზე გულშემატკივრებიც იგივე შინაარსის კომენტარებს ტოვებენ . სასიამოვნოა ასეთი შედარება , მაგრამ ასეთ დონეზე მისაღწევად შრომა და შრომაა საჭირო ” .

აკვირდები თუ არა უცხოურ ფეხბურთს ?

” ცოტაოდენ . განსაკუთრებით პრემიერ ლიგას ” .

გყავს თუ არა ფავორიტი გუნდი ?

” არა , თუმცა მანჩესტერ იუნაიტედის ისტორიით ყოველთვის მოხიბლული ვიყავი ” .

შენი რეკორდი ავტო გოლებით მატჩში …

” ერთი ” .

ბალოტელის თაობაზე . ხომ არ კარგავთ ერთმანეთს ?

” იშვიათად ვეკონტაქტებით ერთმანეთს , ალაგ ალაგ შეტყობინებებს ვუგზავნით ერთურთს. მარიო განსხვავებული ტიპაჟია , პრიმავერაში თამაშის დროსაც მის გარშემო მაინც და მაინც დიდი კომპანია არ ყოფილა , საკმაოდ ჩაკეტილი პიროვნებაა და არ არის ისეთი როგორიც შორიდან ჩანს ” .

მას იტალიაში სურს დაბრუნება და ” იუვენტუსი ” ერთადერთი ტოპ კლუბია რომელსაც არც კი უცდია მასთან დაახლოება …

” თუ ჩვენ ჯარისკაცებსა და პროფესიონალებზე ვსაუბრობთ , ის იდეალური მაგალითი ამისა ნამდვილად არ არის  … ( იცინის ) ”

სამი გამორჩეული მატჩის დასახელება გთხოვეთ და პირველი უდინეზე – იუვენტუსის შეხვედრა თქვი , რომელიც 2002 წლის 5 მაისს გაიმართა და რატომ ?

” მაშინ სახლში ვიმყოფებოდი , მამაჩემი და ჩემი ძმა ლაციო – ინტერს უყურებდნენ სხვაგვარად . ისინი ინტერისტები არიან , ხოლო მე იუვენტინო . მაშინ ეს გახლდა პიკი ჩვენი დაპირისპირების ” .

ხშირრად მიხსენებენ იმ ინტერვიუს , რომლის დროს ჯერ კიდევ ბარის მოთამაშე ვიყავი . თითქოს ინტერისტა ვიყავი და ფანატების გამო იუვენტინო გავხდი . მაშინ ვთქვი , რომ ნერიაძურის გამორჩეული ადგილი უჭირავს ჩემს გულში , რადგან სწორედ მათ მომცეს საშუალება მეთამაშა დიდი ფეხბურთი . მორატის და აუზილიოს განსაკუთრებულ მადლობას ვუხდი დღემდეგ , რადგან განვმეორდები და სწორედ მათი პერსონალური დამსახურებაა ის , თუ რასაც მივაღწიე და ვინც ვარ მე ” .

სავარაუდოდ პობორსკის გოლმა დიდად გაგახარა ?

” დიახ , ვიტერბოს მოედანზეც კი ავღნიშნავდი მას ” .

როგორია ტიფოზის კუთხიდან უყურებდე დელ პიეროს გოლებს და შემდგომ უკვე მასთან ერთად აღნიშნავდე სკუდეტოს ?

” ენით აუღწერელი ემოციაა . ალე ჩემი კუმირია და წარმოუდგენლად ბედნიერი ვარ , რომ მასთან ერთად გავატარე მოედანზე ორი წელი . მივხვდი , რომ დიდ ჩემპიონთან ერთად იგი დიდი პიროვნებაც არის . ყველაფერი მოიგო , თუმცა მაინც სწყურია ფეხბურთის თამაში ” .

მეორე შეხვედრა ეს არის კალიარი – იუვენტუსი , სადაც 60 მეტრიან დიაგონალზე განახორციელე გადაცემა , რის შემდეგაც მეტოქის კარში ბურთი ვუჩინიჩმა გაიტანა . ბევრ მცველს ამის გაკეთება ნამდვილად არ ძალუძს . მოხერხდება ზედიზედ მეორეჯერ სკუდეტოს მოპოვება ?

” დიახ , წელსაც უნდა მოვიპოვოთ ტიტული ”

უფრთხი ” ლაციოს ” , ინტერს და ნაპოლის ?

” შიში ნამდვილად არ არის და აი პატივისცემა რა თქმა უნდა ” .

არის კლუბი რომლის მიმართაც გამოხატავ ანტიპატიას , როგორც მარკიზიო ?

” ( იცინის ) საფეხბურთო ენაზე , რომ ვისაუბროთ მარკიზიო 100 % – ით მართალია , რადგან ნეაპოლიტანელების წინააღმდეგ გამართული მატჩი ყოველთვის გამოირჩევა სიხისტით და დაძაბულობით . მაგრამ ეს ანტიპატია მოედანზე რჩება 90 წუთის მანძილზე ” .

რას ფიქრობ კარიერის მიწურულს საზღვარგარეთ თამაშზე ?

” ყოველთვის ვამბობდი , რომ ასეთი გამოცდილება საინტერესოა ჩემთვის . ესპანური და ბრიტანული ლიგა ყველაზე ძლიერია დღეისათვის . მაგრამ დღესდღეობით ” იუვენტუსსში ” თავს ძალზედ კომფორტულად ვგრძნობ და ამ კლუბის მაისურს კიდევ დიდხანს ვატარებ ” .

” რეალი ” თუ ” ბარსელონა ”  ?

” ბარსელონა ” .

მინდა შენგან , როგორც მცველისგან მოვისმინო თავდამსხმელებზე აზრი . დიდიე დროგბა …

” ვთვლი , რომ მსოფლიოში ერთ ერთი საუკეთესო ფორვარდია ” .

მთავარი მახასიათებელი ?

” ფიზიკური კონდიციები , ძალა და ტექნიკური არსენალი . ყველაფერი აქვს და მას მარტო შეუძლია ერთპიროვნულად გადაწყვიტოს მატჩის ბედი ” .

ლორენტე ?

” ამხანაგური მატჩის დროს შევხვდით ერთმანეთს და ვიტყვი , რომ გამორჩეული ფორვარდია , რომელსაც ბრწყინვალე მახასიათებლები აქვს . ვთვლი , რომ ის იდეალურად მოერგებოდა ჩვენს კლუბს ” .

ლისანდრო ლოპესი . სავარაუდოდ ყველაზე იდეალური ვარიანტი კონტეს სქემისთვის არ მეთანხმები ?

” არცთუ ისე ბევრი მინახავს მისი ასპარეზობა . მაგრამ ბოლო პერიოდში მასსზე იმდენს საუბრობენ იმდენი რგოლი კეთდება , რომ დიახ მშვენიერი ფორვარდია მართლაც . მისი გაფორმების შემდეგ ისევ ოთხი ფორვარდი გვეყოლება , როგორც ბენდტნერის დროს , რომელმაც სამწუხაროდ მძიმე ტრავმა მიიღო . ვთვლი , რომ გუნდისთვის ეს წარმატებული ნაბიჯი იქნებოდა ” .

ორი სხვა ფიგურა – გაბიადინი და იმობილე , ისინი შესაძლოა დაბრუნდნენ ტურინში , რა აზრის ხარ მათზე ?

” ჩირომ გამაკვირვა , მას კარგი ფიზიკური მახასიათებლები აქვს და გამარჯვების დაუოკებელი წყურვილი . მახასიათებლები , რომლებიც პატივსაცემია ბომბარდირისთვის . გაბიადინი  – სხვა ასევე კარგი ახალგაზრდა თავდამსხმელი . შევხდით ერთმანეთს ბოლონიასთან დაპირისპირების დროს . მატჩის ბოლოს პარატიჩისთან გავჩერდი და ვუთხარი , რომ კარგი ფორვარდია , რომელსაც კარგი მოტივაცია გააჩნია . ისინი არ ნებდებიან და იხევენ არცერთი სანტიმეტრით უკან ” .

რომელი ამ 5 ფორვარდიდან იქნებოდა შენი უმთავრესი მიზანი ?

” დიდიე დროგბა ” .

ვინ არის ” ანტი იუვე ” ?

” ” ლაციო ” და ნაპოლი , ისინი ყველაზე მეტად იმსახურებენ ამ წოდებას . ნეაპოლიტანელებს ჰყავთ გუნდი , რომელიც დატესტილია დროის თვალსაზრისით , ხოლო ლაციალემ იმ ტაქტიკას მიაკვლია , რომელიც აძლევს საშუალებას კლოზეს , ერნანეს და მაურის საკუთარი თავის სრულად წარმოჩენაში . მას რომ მათ წინააღმდეგ მობილიზებულნი უნდა ვიყოთ . იუვეს მართალია არავისი არ ეშინია , თუმცა პატივისცემა ყველას მიმართ აქვს . და ჩვენ ყოველთვის მაქსიმუმით ვმუშაობთ ” .

მზად კალჩიოკომისიის თემაზე სალაპარაკოდ ?

” ფრთხილად ვეკიდები ამ თემას , რადგან ეს საკითხი გარდამტეხი გახდა ჩემს კარიერაში . პროფესიონალური კუთხითაც და პიროვნულადაც ” .

რაიმეზე ხომ არ განიცდი ან გაბრაზებული ხარ ?

” არანაირი სიბრაზე ეხლა , ადრე ალბათ კი . მივხვდი შემდეგ , რომ ვინც მართალია იმ მხარეზე ვარ და უბრალოდ გავაგრძელე ცხოვრება ჩემი გზით ” .

ფეხბურთის გარდა მოგწონს რაიმე სახის სპორტი ?

” ფორმულა 1 ის დიდი ფანატი ვარ . განსაკუთრებით წელს , ფინალში … ალონსოს ვგულშემატკივრობ , მაგრამ სამწუხაროდ … ”

რომელ ფეხბურთელს მოიწვევდი სადილად ?

” ზიდანს ” .

ფეხბურთიდან შორს მდგარი ფიგურებიდან ?

” მონტი ” .

საუკეთესო მოგზაურობა ?

” საქორწილო მოგზაურობა მეუღლესთან , პეპესთან და მის მეგობარ გოგონასთან და კიდევ ერთ წყვილთან . ვესტუმრეთ ლას ვეგას , ბორა ბორას და შემდგომ ნიუ იორკში გავჩერდით ” .

ადრეულ ასაკში , ვინ გინდოდა რომ ყოფილიყავი  ?

” ვინც გავხდი პრინციპში , ფეხბურთელი ” .

მოგვიყევი იმ ეპიზოდზე , როდესაც იარაღით ხელში მძარცველი დაგადგა .

” ინსტიქტური რეაქცია იყო . როდესაც მოვიდნენ არ მიფიქრია ცოლზე და ბავშვზე . ალბათ გავრისკე და არ იყო ასეთი რამ საჭირო . მაგრამ მოხდა ის რაც მოხდა ” .

ვინ გაიმარჯვებს წელს პრემიერ ლიგაში ? იუნაიტედი თუ სიტი ?

” ალბათ იუნაიტედი ” .

ტრევიზანოს მტკიცებით ჩემპიონთა ლიგის ფინალში ” იუვენტუსი ” და ” ბარსელონა ” იასპარეზებენ . შენ როგორ თვლი ?

” ასევე ” .

თქვენს ახალგაზრდებზე რას იტყვი ? ვის გაუწევ რეკომენდაციას ?

” პოგბა და მარონე უკვე არიან გუნდში . ახალგაზრდა რომელიც ჩვენთან ერთად ვარჯიშობს და ვფიქრობ უზარმაზარი პოტენციალი გააჩნია არის ბელტრამე . გადასარევი სისწრაფე და ფიზიკური მონაცემები აქვს ” .

ეთანხმები მესის მორიგ ოქროს ბურთს ?

” დიახ , მან რეკორდული მაჩვენებელი აჩვენა გატანილი ბურთების . ვფიქრობ საკმარისია ეს იმისთვის , რომ ოქროს ბურთი გადასცე ” .

შენი პირადი სამეული …

” მესი , პირლო და ინიესტა ” .

საუკეთესო ფორვარდი , ვისაც შეხვედრილხარ და შენს მიერ გატანილი გამორჩეული გოლი ?

” გოლი შახტარის წინააღმდეგ ჩემპიონთა ლიგის გათამაშებაში . ფორვარდად კი კლოზეს დავასახელებ ” .

მესამე შენს მიერ არჩეული მატჩი პალერმო – იუვენტუსია , 2011 წლის 7 აპრილი …

” დიახ , რადგან ეს გარდამტეხი გახდა ჩემპიონობისთვის ბრძოლაში . მაშინ სწორედ მე გავყინე ტაბლოზე ანგარიში . ამას არასოდეს დავივიწყებ ” .

რას ფიქრობ ” უდინეზესთან ” დაპირისპირებაზე ?

” აქტიურად ვიმუშავებთ ამ სამი დღის მანძილზე . ფრიულის ბინადრებს დი ნატალე ჰყავთ , რომელსაც გასული წლების ბზინვარება გააჩნია და ის მუდამ სახიფათოა . ორი უკანასკნელი მატჩის შემდეგ კალჩოში , მოგვიწევს დაბრუნება . ამასთან ერთად საკუთარ არენაზე ვიასპარეზებთ , სადაც მუდამ გამარჯვებაზე ვართ კონცენტრირებულნი ” .

შენი შვილი ფეხბურთელი გახდება ?

” დედას არ სურს , ხოლო მამა გაურკვევლობაშია . ასე რომ დაველოდოთ მოვლენების განვითარებას ” .

წყარო : TuttoJuve