მარონე : “ნაპოლი” გულზე არც მე მეხატება”

იტალიურ პრესასთან საუბარში ტურინის “იუვენტუსის” ახალგაზრდა ნახევარმცველმა, ლუკა მარონემ კლაუდიო მარკიზიოს მხარი აუბა და “ნაპოლისთან” დაკავშირებით საკუთარი მოსაზრება დააფიქსირა : “კლაუდიოს აბსოლუტურად ვეთანხმები.სპორტული გადმოსახედიდან, ერთადერთი გუნდი, რომელიც გულზე არ მეხატება “ნაპოლია”, ბევრმა მარკიზიოს სიტყვები არასწორად მიიღო, თუმცა სინამდვილეში ეს ჭეშმარიტი პროფესიონალური ანტიპატიაა და არა უპატივცემულობა ნეაპოლური გუნდის მიმართ.ჩემპიონობა ? – არც “ლაციოს” გვეშინია და არც “ნაპოლის”, მერე რა, რომ რომაელებმა სხვაობა ჩვენამდე შეამცირეს.ბოლო მატჩებში არ გაგვიმართლა, თუმცა ყველაფერი ჩვენს ხელთაა და სიტუაციას მალევე გამოვასწორებთ.რაც შეეხება ჩემს მომავალს, ხელმძღვანელობისა და მწვრთნელის გადაწყვეტილებით გუნდში ვრჩები, მათ უნდათ სწორედ “იუვენტუსში” გავიზარდო.დიდ გუნდში ათი შეხვედრის ჩატარება გაცილებით მეტს ნიშნავს, ვიდრე საშუალო დონის გუნდში მუდმივი პრაქტიკა.ჩემი პოზიცია ? – რა თქმა უნდა ნახევარმცველი ვარ, მაგრამ ლეონარდო ბონუჩის პოზიცია დაცვის ცენტრში ძალიან მომწონს, მაგრამ მეტი სითამამე და სიხისტე მმართებს.იმის გათვალისწინებით, რომ სამ ტურნირზე ვმონაწილეობთ, იმედი მაქვს, მოედანზე დაახლოებით 15 – ჯერ მაინც გამოვჩნდები.”

წყარო : Spaziojuve