სატრანსფერო ციებ ცხელება

 სატრანსფერო ფანჯრის დახურვამდე სულ ცოტა დრო რჩება და ბიანკონერი მაქსიმალურად ცდილობს ლისანდრო ლოპესის გაფორმებას . ბოლო ინფორმაციით ” ლიონმა ” უარი განაცხადა ტურინელთა ბოლო წინადადებაზე , რომლის თანახმადაც მაროტა 2 მილიონს იხდიდა არგენტინელის არენდაში და სეზონის ბოლოს 4 მილიონ ევროდ სრულად გამოისყიდიდა კონტრაქტს . ფრანგები დაჟინებით აცხადებენ , რომ მხოლოდ 8 მილიონ ევროდ შეელევიან ფორვარდს , მაგრამ ამასთანავე კარგად აცნობიერებენ , რომ ” იუვენტუსის ” დაინტერესების შეჩერება საკმაოდ რთულია და თუ გავითვალისწინებთ იმასაც რომ ლისანდროს 2014 წელს უსრულდება მათთან კონტრაქტი და შეუძლია მალე საერთოდ უფასოდ დატოვოს ” ლიონი ” , მაშინ მაროტას და კომპანიას დღეისათვის საკმაოდ კარგი შანსები გააჩნიათ მის შესაძენად . დღეს კიდევ ერთხელ შესდგება შეხვედრა , რომელზედაც საბოლოო გამოსყიდვის თანხა 5 მილიონ ევრომდე გაიზრდება და ასევე ზეწოლისთვის გამოიყენებენ თავად ფეხბურთელის სურვილსაც კარიერის ” იუვენტუსსში ” გაგრძელების თაობაზე .

ტურინელები ამასთანავე დაცვის ხაზის გაძლიერებაზეც ზრუნავენ და აქტიურად აწარმოებენ მოლაპარაკებებს ” სიენასთან ” მათი პორტუგალიელი უკანა ხაზელის , ნეტოს შესაძენად . ბიანკონერის არენდის წესით სურს მისი აყვანა და დაუყონებლივ იხდის 1 მილიონ ევროს , ხოლო სეზონის ბოლოს 7 მილიონ ევროდ გამოსყიდვის უფლებასაც დაიტოვებს .

Tuttosport – ის მტკიცებით სტეფან იოვეტიჩის თაობაზე გალილეო ფერარის ბინადრები უკვე ამ წუთიდან იწყებენ აქტიურ მუშაობას . პრინციპში ალბათ არასწორია იმის თქმა , რომ დღეიდან რადგან ჩერნოგორიელს ” იუვენტუსსმა ” თვალი უკვე დიდი ხანია დაადგა და ზაფხულის სატრანსფერო ფანჯრის პერიოდში ახლოსაც იყო მის შეძენასთან , მაგრამ ფლორენციულ კლუბთან არსებული არა სასიამოვნო ურთიერთობის გამო მოლაპარაკებები ჩიხში შევიდა . დღეისათვის კი სიტუაცია დასტაბილურებისკენ არის წასული და მაროტა მზად არის იოვეტიჩთან დაასახლოვებლად ფაბიო კუალიარელა გაასხვისოს იებში , რომელიც ძალზედ ესიმპატიურება ფიორეს თავკაცს ვინჩენცო მონტელას .

წყარო : Calcionews24, Tuttojuve