Sky : ” იუვენტუსსმა ” პოლის კონტრაქტის 50 % შეიძინა

სატრანსფერო ფანჯრის დახურვამდე სულ ცოტა დრო რჩება , მაროტა/პარატიჩის დუეტი კი როგორც ჩანს აქცენტს არა ზამთრის გაძლიერებაზე , არამედ ზაფხულისაზე აკეთებს . საქმე იმაშია , რომ უკანასკნელი რამდენიმე საათის მანძილზე აქტიურად მიმდინარეობდა მოლაპარაკებები ბელფოდილის ტრანსფერზე . ტურინელებს ერთი ხანობა ისიც კი სურდათ ახალგაზრდა ფორვარდი ფაბიო კუალიარელაში გაეცვალათ , მაგრამ თავად ფაბიომ არ ისურვა სეზონის ბოლომდე გუნდის დატოვება და მოლაპარაკებებიც ჩიხში შევიდა , თუმცა როგორც ჟურნალისტები ამბობენ სეზონის ბოლოს ყველაფერი თავიდან დაიწყება . პარმას შემდგომ მაროტა და კომპანია ” სამპდორიას ” მიადგნენ , ხოლო სალაპარაკო თემა რა თქმა უნდა ანდრეა პოლი იყო და არა მარტო ის . მანამ სანამ პოლის შევეხებოდეთ , უნდა ვთქვათ რომ ბეპე მაქსიმალურად ცდილობს მომავლისთვის გენუელთა ახალგაზრდა ნიჭიერი თავდამსხმელი იკარდი დაიბევოს , რომელზედაც თვალი არა ერთმა ევროპულმა გრანდმა დაადო . რაც შეეხება ანდრეა პოლის , Sky – ს ცნობით მაროტამ შეიძინა მისი კონტრაქტის 50 % , ნახევარმცველი სეზონის ბოლომდე სამპაში დარჩება , სეზონის ბოლოს კი კარიერას ტურინულ გრანდში განაგრძობს . აქვე უნდა ითქვას , რომ იტალიის 30 გზის ჩემპიონმა ორი ახალგაზრდა საკორი და პეპიჩი გაიფორმა – პირველი ნახევარმცველია , ხოლო ჩერნოგირიელი პეპიჩი ამპლუით მეორე ფორვარდია და ისინი პრიმავერას გააძლიერებენ .

პ.ს. სატრანსფერო ფანჯარა დაიხურა და ბოლო ინფორმაციით , ანდრეა პოლის ტრანსფერის დარეგისტრირება ვერ მოხერხდა დროულად , თუმცა მხარეებმა უკლებლივ ყველა წინადადებაზე მიაღწიეს შეთანხმებას და ივლისში , როდესაც ზაფხულის ფანჯარა გაიხსნება ახალგაზრდა ფეხბურთელს აღარაფერი შეუშლის ხელს მოირგოს შავ თეთრი მაისური .

წყარო :tuttosport.com