კონტე – 2011/12 წლის საუკეთესო მწვრთნელი

ფლორენცია – პრემია 2011/12 წლის ” ოქროს სკამი ” , წილად ერგო ანტონიო კონტეს !!! მეორე პოზიციაზე ვინჩენცო მონტელა გავიდა , რომელმაც 11 ხმა დააგროვა , ხოლო მესამეზე უდინეზეს თავკაცი ფრანჩესკო გვიდოლინი 8 ხმით . საერთო ჯამში გამოკითხვაში მონაწილეობა 62 – მა სპეციალისტმა მიიღო  და აქედან 32მა საუკეთესოდ ბიანკონერის მთავარი მწვრთნელი დაასახელა : ” დიდი მადლობა მინდა გადავუხადო უკლებლივ ყველას , ვინც მხარი დამიჭირა და პრიზის მოპოვებაში დამეხმარა . ეს გახლავთ აღიარება , რომლისკენაც უკლებლივ ყველა სპეციალისტი მიიღწვის . ეს გახლავთ სტიმული მომავალი გამარჯვებებისთვის . მადლობა კოლეგებს , მათი აღიარება ნამდვილად ბევრს ნიშნავს ჩემთვის და ასევე მინდა ვისარგებლო შემთხვევით ფეხბურთელების ასოციაციაციასაც გადავუხადო მადლობა სერია ა-ს საუკეთესო მწვრთნელის პრემიისთვის . სხვათაშორის ” ბარიში ” მუშაობის პერიოდში ” ვერცხლის სკამი ” მოვიპოვე , ასე რომ პროგრესირება უნდა გაგრძელდეს ” .

კონტემ კომენტარი ვინოვოზე დანიშნულ ადრეულ წვრთნას გაუკეთა , რომელიც ადგილობრივი დროით 8 საათზე გაიმართება …

” ადრეული სესია , რომელიც პირველად ნამდვილად არ ხორციელდება . რამდენიმე ფიზიკური და ათლეტური ტესტი ჩაბარდება , როგორც იყო დაგეგმილი . ეს ყოველივე სადამსჯელო ქმედება არ გახლავთ . არ არის ნამდვილად იმისი საბაბი , რომ ბიჭები დავსაჯო . პირიქით , მათი დახმარებით მოვიპოვე სკუდეტოც და ეს პრიზიც , რომელიც ეხლა ხელში მიჭირავს . წელიწად ნახევრის განმავლობაში გუნდმა გიგანტური ნაბიჯი განახორციელა . რატომ ვკითხე ვინ იყო მზად რომაული მატჩის წინ ? დიდი პასუხისმგებლობით , რომ შეხვედროდნენ ამ დაპირისპირებას ” .

კონტემ არ აუარა გვერდი ტოტის უხეშ თამაშს პირლოს წინააღმდეგ …

” მივულოცე ულამაზესი გოლი , რომელიც გაგვიტანა . ჩვენთან დაპირისპირებისას მან ერთი ლამაზი და ერთი ბინძური სვლა გააკეთა . იმედი მაქვს თავიდან ნახავს ამ ეპიზოდს თუმცა ნებისმიერ შემთხვევაში ბოდიში უკვე მოიხადა და ისედაც პირლოსთან მეგობრობს ” .

ჩემპიონთა ლიგა …

” პირველი შემთხვევაა როდესაც ყველა ფრონტზე ვიბრძვით , ნუ ეხლა უკვე იტალიის თასის გამოკლებით . ჩემპიონთა ლიგის გათამაშებას არანაკლები ფიზიკური და მორალური ენერგია მიაქვს . თუმცა ამასთანავე საკუთარ პროექტზე ვზრუნავ , რომელიც მიზნად მხოლოდ და მხოლოდ გამარჯვებებს ისახავს . წელს მნიშვნელოვნად მოვუმატეთ . ეს ყველას კარგად მოეხსენება და გულშემატკივრებმა უნდა იცოდნენ მთავარი , გამარჯვებების მოპოვება აშენების გარეშედაც არის შესაძლებელი ” .

” ნაპოლიმ ფრედ ითამაშა შინ ? მე საკუთარ გუნდზე ვარ კონცენტრირებული . ვფიქრობ იმაზე , რომ რაც შეიძლება მალევე უნდა დავუბრუნდეთ გამარჯვების გზას . მარცხი შესაბამისად უნდა გადავიტანოთ და არა სახეზე ღიმილით , შეუძლებელია მარცხში რაიმე პოზიტივს ხედავდე . როგორ გავაჩეროთ მესი ? იარაღით ალბათ … ( იცინის ) ხუმრობით უპასუხა ჟურნალისტების კითხვას ანტონიომ , რომელიც ეფუძნებოდა მილანის მრისხანე კონკურენტს ჩემპიონთა ლიგის გათამაშებაში . ისეთი მრისხანის , რომ ბერლუსკონიმ ალეგრის ურჩია კიდეც , რომ მესის წინააღმდეგ პერსონალური მეთვალყურეობა დააწესონ : ” საბედნიეროდ ანდრეა ანიელი არასოდეს არ მაძლევს რჩევებს . ხაზი მინდა გავუსვა , საბედნიეროდ არ მაძლევს ” .

წყარო : Tuttosport