პირლო : ” მიზანი ? ტიტულის დაცვა და მუნდიალზე კვალიფიკაცია ”

” მნიშვნელოვანი მატჩი იქნება , თუმცა იმის თქმა ზე გამორჩეული და გადამწყვეტი ნამდვილად გადამატებული იქნებოდა , რადგან ყველაფერს რომ თავი დავანებოთ ეს ჩემპიონატის დასკვნითი ნაწილი არ არის . ფინალური სასტვენის შემდეგ , ორივე კლუბს საკმაოდ ბევრი მართლაც მნიშვნელოვანი დაპირისპირება ელოდება . გამორჩეული შეხვედრაა , მაგრამ ისეთი რომ ასეთ აჟიოტაჟს იწვევდეს არა . საკმაოდ მშვიდ ტემპში ვემზადებით , რასაც ” სიენასთან ” ჩატარებული 90 წუთიც მოწმობს . ნეაპოლიტანელებზე ფიქრი კი მხოლოდ და მხოლოდ ორშაბათიდან დავიწყეთ . რამდენიმე შეხვედრა არა სასურველი გზით წარვმართეთ და მარცხი , მხოლოდ და მხოლოდ ჩვენი ბრალია . ისე კი , ჯერ ჯერობით არცერთ კლუბს არ უჩვენებია , რომ რაიმეთი გვაჯობა . თუმცა მეტოქის არ დაფასება დაუშვებელია , რადგან სწორედ ასე ჩნდება მარცხის რისკი “ – საუბრობს ჟურნალისტებთან ანდრეა პირლო .

” წელიწად ნახევარია ერთად ვთამაშობთ და სწორედ ამაში იმალება ჩვენი წარმატების საიდუმლო . შარშანდელი სეზონის შემდეგ ვიგრძენით , რომ ეს შესაძლებელი იყო . ის რაც შარშან მოხდა არ იყო გადაწყვეტილი , უბრალოდ თითქოს სპონტანურად და უცბად განხორციელდა . ევროპაში სიტუაცია სხვაგვარად გამოიყურება , აქ არაფერი მოგვიგია . არსებობენ კლუბები , რომლებიც გვჯობნიან დღეისათვის , მაგალითად რეალი და მანჩესტერი … თუმცა არა ისე რომ ძალიანაც შორს იყვნენ ჩვენგან . მაგრამ ძლიერები არიან , თან ძალზედ . ყველა პოზიციაზე ჩემპიონები ჰყავთ და ჩვენ კი არა . გვსურს დავრჩეთ ლიგაში და მივიღოთ ამისგან დიდი სიამოვნება . ჯერ ჯერობით ჩვენთვის ეს მხოლოდ დასაწყისია . მაისამდე სკუდეტო უნდა მოვიპოვოთ და რამდენიმე ნაბიჯი გადავდგათ ლიგაში ” .

” წლებს თავისი მიაქვს ყველასთვის , მაგრამ თავს ისევე ვგრძნობ როგორც გასულ სეზონში , რომელიც ერთ ერთი საუკეთესო გახდა ჩემთვის . ერთი პერიოდი იმასაც კი ამბობდნენ , რომ 10-იანს ვიმსახურებდი . ვამაყობ ამით , რადგან ეს ფაქტიურად აღიარებაა . უბრალოდ ვცდილობ იმავე დონეზე შევინარჩუნო ფორმა . მოედანზე არც ლაპარაკობენ და არც ხუმრობენ , იქ მხოლოდ მუშაობენ . სხვა საქმეა გასახდელი , მაგრამ ეს უკვე პირადია . არ მსიამოვნებას ყურადღების ცენტრში ყოფნა , საკმაოდ მკაცრი ეტიკეტი გამაჩნია . ეს ჩემი გადაწყვეტილებაა , მსურს არ ავიღო დიდი პასუხისმგებლობა და ვიცხოვრო სიმშვიდეში . სწორედ ეს არის ჩემი სტილი ” .

” გარკვეული საუბრები ჩემდამი დაინტერესების თაობაზე მოდიოდა და ეს სასიამოვნოა თუ ჩემს ასაკს გავითვალისწინებთ . თუმცა , დარჩენა გადავწყვიტე . კონტრაქტით კიდევ ერთი წელი უნდა დავყო ტურინში და უკვე ამის შემდგომ შევხედოთ მოვლენების განვითარებას . ვითამაშებ იქამდე , სანამდეც ვიგრძნობ რომ შემიძლია უმაღლეს დონეზე საკუთარი საქმის კეთება . მომავლისთვის ჯერ ჯერობით არანაირი პროგრამა არ გამაჩნია . მიზნებს რაც შეეხება … იუვენტუსსთან ერთად ჩემპიონის ტიტულის დაცვა და კვალიფიკაცია მუნდიალზე ნაკრებთან ერთად . ადრეული ასაკიდან ვოცნებობდი მუნდიალზე ასპარეზობას და მის მოგებას . კონკრეტულად ბრაზილიაში არა , რადგან ასეთ დროს ადგილს არანაირი მნიშვნელობა არა აქვს ” .

” კონტე ? დიდებული მწვრთნელია . თუ სხვა ლიგაში განაგრძობს კარიერას , აუცილებელი იქნება ენის კარგად შესწავლა , რადგან მისთვის ვერბალური კონტაქტი გადამწყვეტი ფაქტორია . მაგრამ რატომღაც მგონია , რომ სხვაგან ისევე კომფორტულად არ იგრძნობს თავს როგორც ტურინში , სწორედ აქ არის მისი ადგილი . თუმცა , ის თავისუფლად შესძლებდა სხვა კლუბში მუშაობას ” .

წყარო : La Repubblica