კონტე : ” ბრძოლა ბოლო წამამდე ”

” კარგი გამოცდა გველოდებოდა წინ , რომელიც წარმატებით გავიარეთ . მიუხედავად იმისა , რომ მოედანზე დაძაბული ატმოსფერო იყო , ფეხბურთელებმა ზედმიწევნით კარგად შეასრულეს ჩემი დავალებები . პირველი ტაიმის შემდეგ , მოთამაშეებს გამარჯვებისკენ და ანგარიშის გაზრდისკენ მოვუწოდე . თუმცა , საფეხბურთო წესები ასეა და ვერაფერს ვიზავთ . მანამ სანამ საბოლოო შედეგი კითხვის ნიშნებს ტოვებს , მეტოქეს სიტუაციის შეცვლის საშუალება ეძლევა . დასანანია , რომ დღეს არ ვიყავით ბოლომდე ზუსტნი , რადგან 2-0 ის შემთხვევაში ნეაპოლიტანელებს გაურთულდებოდათ საქმე . მეორე ნახევარში კი მეტოქე გაცილებით აქტიური იყო და კარგად იყენებდა კონტრ იერიშებს . საერთოდ კი ბუნებრივია ასეთ ვითარებაში , ფეხბურთელების თავში იყო აზრი შეენარჩუნებინათ მატჩზე სადავეები “ – საუბრობს ჟურნალისტებთან ანტონიო კონტე .

” ექვსი ქულა ბრწყინვალე ჰადიკაპია , მაგრამ არ დაგვავიწყდეს 11 შეხვედრა დაგვრჩა ჩასატარებელი და თან ვინებთან ? მილანი , ლაციო , ინტერი … შემდეგ ტურში კი საერთოდ ჩემპიონატის აღმოჩენასთან – ” კატანიასთან ” გველის შეხვედრა . გაცილებით ცივ სისხლიანები უნდა ვიყოთ და გავაკეთოთ ყველაფერი , რათა გავიმეოროთ შარშანდელი მიღწევა . შეცდომის დაშვების დრო აღარ არის , უნდა გვახსოვდეს საკუთარი მიზანი და ვეცადოთ პირველები მივიდეთ ფინიშის ხაზთან ” . 

” მიმდინარე სეზონში ” იუვენტუსი ” საკმაოდ გადაიღალა ფიზიკური და სულიერი  კუთხით . ამიტომ მინდა მივმართო ყველას , რომ დავრჩეთ ერთიანნი , რადგან თითოეული მათგანი დაგვჭირდება ჩემპიონატის ბოლომდე . გვსურს კიდევ ერთხელ მოვიპოვოთ სკუდეტო და ვიასპარეზოთ ჩემპიონთა ლიგის გათამაშებაში . ჩვენს მხარეს სამი უპასუხო გოლია , მაგრამ მშვიდად იქამდე არ ვიქნები სანამ მსაჯის საფინალო სასტვენის ხმას არ გავიგებ ოთხშაბათს ” . 

წყარო : ტურინის ” იუვენტუსის ” ოფიციალური ვებ გვერდი