ბარძალის წინასამატჩო პრესსკონფერენცია

ტრადიციულ წინასამატჩო პრესსკონფერენციაზე , რომელიც ” სელტიკთან ” მოახლოებულ დაპირისპირებას მიეძღვნა ანტონიო კონტესთან ერთად ჟურნალისტებს ანდრეა ბარძალიც შეხვდა …

ანდრეა მიგაჩნიათ , თუ არა რომ წლევანდელი სეზონი თქვენთვის საუკეთესოა კარიერაში ? და რამდენად იგრძნობა მწვრთნელის გავლენა იმაში , რომ დაცვის ხაზიდან შენ ყველაზე მეტჯერ გიწევს მოედანზე გასვლა , სერიოზულ მატჩებშიც . არ დაქირებულხარ პარტნიორებისგან ამ ყველაფრის კომპენსირებაზე , რომლებიც ხან ტრავმირებულნი არიან , ხან დისკვალიფიცირებულები და უბრალოდ არ გაძლევენ დასვენების საშუალებას ?

” მატჩების რაოდენობას რაც შეეხება , ეს მწვრთნელი გადასაწყვტია და დავუშვათ სეზონში 60 თამაში რომ იყოს ჩასატარებელი და მან მომცეს საშუალება უკლებლივ ყველაში მივიღო მონაწილეობა , ბედნიერი ვიქნები , რადგან ეს ნიშნავს იმას , რომ ვიმყოფები კარგ ფიზიკურ ფორმაში . სწორედ ამიტომ არ ვგრძნობ არანაირ წნეხს , პირქითაც კი . რაც შეეხება სეზონს , რთულია გვერდიდან შეხედო საკუთარ თავს და თქვა არის თუ არა ეს სეზონი საუკეთესო , მცველისთვის უბრალოდ აუცილებელია სტაბილურობა . უბრალოდ ვარ საკმაოდ კარგი და საიმედო დაცვის წევრი , რომელმაც არ უნდა შეწყვიტოს პროგრესირება . არცთუ ისე ცუდი სეზონები მაქვს ჩატარებული , მაგრამ ალბათ ” პალერმოში ” თამაშისას ისეთი დაკვირვებით არ მიყურებდნენ . ტურინში ასპარეზობისას კი პრესის ასეთი ყურადღება სავსებით ბუნებრივი რამ არის . ნებისმიერ შემთხვევაში ამ კითხვაზე პასუხს უფრო კარგად თქვენ გასცემთ . პირადად მე კი კარგად მომეხსენება , როდის ვთამაშობ ცუდად და როდის კარგად . ყველას გვაქვს საგრძნობლად მომატებული და ეს თვალშისაცემია . დარწმუნებული ვარ კიდევ უფრო მეტი შეგვიძლია , მუხლჩაუხრელ შრომას საოცარი შედეგები მოაქვს . რაც უფრო მეტად მემატება ასაკი , გაცილებით გამოცდილი ფეხბურთელი ვხვდები და ვრწმუნდები , რომ რაც მეტს იმუშავებ  უფრო მეტს მიაღწევ . შესაძლოა ადრეულ ასაკში ფეხბურთელები უფრთხილდებიან საკუთარ თავს , მაგრამ მხოლოდ მაქსიმუმის გაღების შემდეგ გადიხარ ფორმის პიკზე . შესაძლოა წვრთნები რეალურად არ ასახავს ფეხბურთელის ავ კარგიანობას , მაგრამ უმაღლესი მიზნების მისაღწევად , ნებისმიერ მომენტში უნდა იხარჯებოდე 100 % – ით ” .

რას ფიქრობთ გალიანის სიტყვებზე , რომელიც დღეს დილით თქვა – ” იუვენტუსსმა ” სკუდეტო მოიპოვა …  და კიდევ , ანდრეა გაგვანდე საუკეთესო იტალიური და ევროპული დაცვის საიდუმლო …

” ყველაზე მთავარი არის ორგანიზებულად მოქმედება , ამას ყოველთვის ვხეწავთ მაშინაც კი როდესაც მცირე დრო არის დარჩენილი მომდევნო მატჩამდე . შეთამაშების ფაქტორიც გასათვალისწინებელია . მიმდინარე სეზონში არა ერთხელ შეიცვალა ცენტრალური სამეული , პლიუს ფლანგელი მოთამაშეები , მაგრამ ამას ერთიანობისთვის და მოედანზე მწყობრად თამაში ბზარი არ გაუჩენია . ეს გახლავთ იმ დიდი სამუშაოს შედეგი რასაც ფეხბურთელები მოედანზე ახორციელებენ ნახევარმცველების და თავდამსხმელების დიდი დახმარების ხარჯზე . ისინი ყველანი გვეხმარებიან და დარწმუნებული ვარ აქამდე სწორედ ამის ხარჯზე მოვედით , გუნდი ერთიანია და აქ ყველა მზადაა ერთმანეთს დაეხმაროს , გამომდინარე აქედან მცველები გაცილებით აგრესიულები ვხვდებით და აქტიურად მივდივართ შეტევაში პარტნიორების დასახმარებლად . მთელი იდეა ამაში დევს , რომელსაც ვხეწავთ და ძალიან დიდი იმედი გვაქვს მომავალშიც ასეთივე წარმატებული იქნება ჩვენი გზა ” .

წყარო : TuttoJuve