კონტე : ” კონკურენცია ფინანსური კუთხით შეუძლებელია , თუმცა … ”

ბიანკონერის თავკაცის ანტონიო კონტეს მოსაზრებით , მის კლუბს არ ძალუძს ფინანსური კუთხით კონკურენციის გაწევა სხვა ევროპული გრანდებისთვის , მაგრამ ეს სრულებითაც არ ნიშნავს იმას , რომ ისინი დაუმარცხებელნი არიან : ” რამდენიმე ფაქტორის გათვალისწინებით და მათ შორის ეკონომიურის , ისეთი კლუბები როგორებიც არიან ” ბარსელონა ” , ” რეალი ” და ” ბაიერნი ” უფრო მაღლა დგანან ვიდრე სხვა გუნდები და მათ შორის ” იუვენტუსიც ” . უტოპიაა ნამდვილად იმის თქმა , რომ ერთ დონეზე ვიმყოფებით მათთან . ვაცნობიერებთ , რომ გზის საწყის ეტაპზე ვიმყოფებით ხოლო ფინანსური საკითხის აღმოფხვრა ფაქტიურად შეუძლებელია . არ შეგვწევს უბრალოდ ძალა დავხარჯოთ იმდენივე , რამდენსაც ” პსჟ ” , ” რეალი ” და ” ბაიერნი ” ხარჯავენ . თამამად ვიტყვი , რომ სამი ოთხი საფეხურით ქვევით ვიმყოფებით . მაგრამ ეს სრულებითაც არ ნიშნავს რაიმეს , ფეხბურთი 11-11 მიმდინარეობს , მსაჯებით და საფეხბურთო წესებით – ორ რაუნდიან ბრძოლაში . შემდეგ ეტაპზე თუ რომელიმე მათგანს შევხვდებით , არავინ იფიქროს რომ დამარცხებულის რანგში დავიწყებთ მატჩს . ნამდვილად შევეცდებით , რადგან გვესმის თუ სადამდე მიგვიყვანა მუხლჩაუხრელმა მუშაობამ . ბუნებრივია უახლოესი წლების მანძილზე გვსურს სრულყოფილებისკენ სწრაფვა გავაძლიეროთ “ .

წყარო : Football Italia