ნედვედი კონტეზე , იბრაჰიმოვიჩზე , კავანიზე და …

პოპულარული ტელეგადაცემა ” თერთმეტის ” მორიგი სტუმარი გახლდათ ” იუვენტუსის ” ფუნქციონერი და წარსულში ლეგენდარული ფეხბურთელი ჩეხი პაველ ნედვედი . პიერლუიჯი პარდოსთან ინტერვიუს დროს მან საკმაოდ საინტერესო თემებზე ისაუბრა . მაგალითად თემა იბრაჰიმოვიჩის შესაძლო დაბრუნებას შეეხო ტურინში , ასევე ანტონიო კონტეს , რომლის მიმართაც პრემიერ ლიგის გუნდები იჩენენ დაინტერესებას …

როგორ ბრძანდებით პაველ ? ბოლო ინფორმაციით თქვენ ბეინასკოს სტუმრობდით . სხვათაშორის ეს ჯიოვინკოს მხარეა …

” დიახ , ის მართლაც ჩვენი პატარა ჯიოვინკოს მხარეა . ეს ერთ ერთი იმ ადგილთაგანია სადაც არცთუ ისე ხშირად ვხვდები ხოლმე და ყოველთვის რაიმე ახალს ვსწავლობ ” .

” იუვენტუსი ” ბოლონიას უპირისპირდება , მაგრამ შაბათსვე ტურინში კონცერტს ” ფინლეი ” გამართავს . წახვალ მასსზე ?

” შაბათს საღამოს დაკავებული ვიქნები და ვნახოთ , იქნებ შემდეგ ჯერზე მოვახერხო ” .

პაველ , მოგწონს დღევანდელი ” იუვენტუსი ” ? მასში იგრძნობა ის ძველი სულისკვეთება და ძალა …

” ორი აზრი არაა . სიმართლე გითხრათ უკანასკნელი შეხვედრის დროს ძალზედ ვნერვიულობდი . ერთი შეხედვითაც კი თვალშისაცემია , რომ კარგ გზაზე ვიმყოფებით ! ეს კონტეს ” იუვენტუსია ” ” .

შენ დირექტორთა საბჭოს წევრი ხარ . როგორ ჩანს ეს გამარჯვებულის მენტალიტეტი და როგორ გადასცემ მას სხვებს ?

” სწორად გაუსვით იმ ფაქტს ხაზი , რომ ეს მართლაც გადადის . სწორედ ამიტომ ამირჩია პრეზიდენტმა . ფაქტია , რომ კონტეში ყველაფერია რისი დანახვაც გვსურდა გუნდში . როგორც ჩანს საწადელს მივაღწიეთ : კლუბი ერთი დიდი ოჯახი გახდა !  ” .

ელოდი რომ ყველაფერი ასე კარგად განვითარდებოდა ? როგორი იყო მინდორზე კონტე ?

” ფეხბურთელობისას , ჩემს უკან ასპარეზობდა და ყოველთვის საჭირო რჩვებს მაძლევდა . როდის წავწეულიყავი წინ და როდის არა . ხოლო მწვრთნელობისას საერთოდ გამაოცა . რასაც ის წვრთნების დროს აკეთებს , ეს საოცარია და მართლაც გარწმუნებს მის სიძლიერეში ” .

როგორ ფიქრობ თავად თუ ხარ მზად მოედანზე გასასვლელად ?

” არ ვიცი . ფიზიკურად მართალია საერთოდ ახლოსაც არ ვარ იმ კონდიციებთან , მაგრამ სურვილი რომ დიდი მაქვს ეს ფაქტია ” .

გუშინ ჯიაკერინის გატანილმა გოლმა , შენი თავი ხომ არ გაგახსენა 2002 წელს ?

” პიანჩენცასთან დაპირისპირება … რა თქმა უნდა მაგრამ მაშინ ბურთი ცოტათი უფრო ადრე გავიტანე ვიდრე ჯიაკმა . მაგრამ ემოციის თვალსაზრისით , ინდენტური იყო . გუშინ ფანტასტიური დღე იყო ” .

პოგბა ? როგორ აირჩიეთ იგი და ვისი გადაწყვეტილება იყო ?

” არა ერთ ადამიანთან ვმუშაობთ , მაგრამ პოლის თამაშის დანახვისთანავე მივხვდით თუ ვისთან გვქონდა საქმე . პლიუს ამასთან მჭიდრო ურთიერთობა მაქვს მინო რაიოლასთან , რომელთანაც აზრებს ვცვლი . ყველაფერს რომ თავი დავანებოთ , თავად კლუბი იყო დაინტერესებული მისი შესყიდვით . თავად , როდესაც პირველად ვიხილე მისი ასპარეზობა , ვთქვი რომ დიდი ფეხბურთელი დადგებოდა ” .

არ მახსენდება მის ასაკში მისნაირი ძლიერი მოთამაშე …

” გეთანხმებით , თუმცა ამ მაისურს თავისი წონა გააჩნია ისევე როგორც სხვა ევროპულ გრანდებს , მაგრამ … 19 წლის ასაკში ის უკვე გამორჩეულია . მას უკვე ეხლა ძალუძს ბიანკონერის ნახევარდაცვაში ასპარეზობა , არადა ეს ძალზედ ცოტას შეუძლია მის ასაკში . ვფიქრობ ის უნიკალურია ” .

იცოდი , რომ ბარძალის და ვიდალის ტრანსფერები გადამწყვეტი იქნებოდა ? არტურო , ის საერთოდ შენ ძალზედ გგავს ხასიათით …

” როდესაც ჩილელს ვყიდულობდით ვხვდებოდით თუ რა მნიშვნელობის მოთამაშეს ვიმატებდით . იგივე სიტუაციაა ბარძალისთან დაკავშირებით . საერთოდაც ვფიქრობ ანდრეას ჯეროვნად არ აფასებენ , იგი დღეისათვის მსოფლიოში საუკეთესო მცველია , რომელიც არასოდეს სცდება – ის ნამდვილი ჩემპიონია ” .

მზად არის კლუბი ფორვარდისთვის 30-40 მილიონის დასახარჯად ?

” ვფიქრობ ჩვენი ტიპის ფორვარდებს , ეფექტურად ვიყენებთ . კონტე გენიალურია ამ მხრივაც . რა თქმა უნდა კარგად გვესმის თუ რა ასპექტებში გვიჭირს და ვმუშაობთ ამ მიმართულებით , მზად ვართ გავაძლიეროთ კონკრეტული პოზიცია , მხოლოდ საჭიროებისამებრ . სურვილი კი ასეთი თანხა დავხარჯოთ არ გაგვაჩნია ” .

უყურე ამაურის თამაშს ? გასულ უიკ ენდზე მან ჰეთრიკი შეასრულა და ჩემპიონატში საერთო ჯამში უკვე ცხრა ბურთი დაუგროვდა . რა არ წაუვიდა მას ტურინში ?

” ნამდვილად არ ვიცი . გუშინ ვუყურე მის ასპარეზობას და შემიძლია თამამად ვთქვა , რომ ეს სწორედ ის ამაური ვიყო ვის მხარდამხარ ვთამაშობდი . მაშინ ვიცოდი , რომ ერთ ერთი საუკეთესო ფორვარდი იყო , რომელმაც იცოდა გოლის გატანა ” .

გსმენია თუ არა ინგლისური კლუბების დაინტერესების შესახებ კონტეს მიმართ ?

” სანამ ტურინში ვარ ანტონიო არ დატოვებს კლუბს . ვხუმრობ რა თქმა უნდა , უბრალოდ მესმის მისი ფასეულობების შესახებ . მანამ სანამ მას სურს ჩვენთან ყოფნა , ის იქნება ჩვენთან ” .

გსურს , რომ იბრა ტურინში დაბრუნდეს  ?

” სიმართლე გითხრათ , ძალიან . იბრა იმ სამეულში შედის სადაც მესი და რონალდო იმყოფებიან . მას თავისუფლად შეუძლია გადამწყვეტ მომენტში მარტომ გადაწყვიტოს მატჩის ბედი . მსურს თუ არა რომ დაბრუნდეს ? დაუფიქრებლად დიახ ” .

პაველ , მოგწონს ჰარლემ შეიკი ?

” არა რა თქმა უნდა , ეს ახალგაზრდებისთვის არის ” .

და რამდენიმე წლის წინ იქნებოდი მზად შეგესრულებინა თავადაც ?

” ახალგაზრდებისთვის ეს მშვენიერი გასართობია . ალბათ მე ნიღაბსაც კი არ გავიკეთებდი ” .

არასოდეს გიფიქრია სამწვრთნელო კარიერა რომ დაგეწყო ?

” არ ვიცი . იმ პერიოდში აუცილებელი იყო დამესვენა , უკვე შემდგომ კი არ შემეძლო მეგობრისთვის – ანდრეა ანიელისთვის უარი მეთქვა . ამიტომ მოხარული ვარ , რომ დავბრუნდი და ის ემოციები განვიცადე , რასაც ფეხბურთელობისას ვიღებდი ” .

პატარაობისას სულ იმაზე ფიქრობდი , რომ ფეხბურთელი გამოხვიდოდი ?

” დიახ , ისეთი პატარა ვიყავი რომელიც დილიდან საღამომდე ფეხბურთს თამაშობდა . დედა ხშირად მეჩხუბებოდა ამის გამო , რადგან შინ ყოველთვის ბოლომდე დასვრილი მაისურით მივდიოდი საფეხბურთო მოედნიდან . თუმცა ნებისმიერ შემთხვევაში არა ჩვეულებრივ დროს ვატარებდი და ვთამაშობდი იმდენს რამდენსაც მოვისურვებდი ” .

მართალია , რომ ერთხელ ბაბუასთან ერთად 20 წუთი ირბინე მატარებელს რომ დასწეოდით ?

” დიახ . სხვათაშორის ბაბუა ჯერ კიდევ ცოცხალი მყავს . დატვირთული მივრბოდით , რადგან მანქანა ჩემს ოჯახს მაშინ არ ჰყავდა , ამიტომ საზოგადოებრივი ტრანსპორტით ვსარგებლობდით ” .

რას გახსენებს ეს ფოტო სურათი ?

” 96 წლის მუნდიალს , რომელშიც სამწუხაროდ დავმარცხდით . მატჩს იტალიელი არბირტრი პაიეროტა სჯიდა , მეტოქე გერმანიის ნაკრები და საბოლოო შედეგი 2-1 . ოლივერო ბირჰოფმა ორი ბურთის გატანა მოახერხა ჩვენს კარში ” .

რა მოგონებები გაკავშირებს ” ლაციოსთან ” ? გულშემატკივრობ მათ დღემდე ?

” ვფიქრობ ლაციოს ბევრ ქომაგს დაავიწყდა უკვე ის კლუბი რაც მათ ჰყავდათ , მაგრამ ყველამ კარგად იცის რომ ყოველთვის 100 % – ით ვიხარჯებოდი ამ კლუბისთვის . არ მეშინია ამ ყოველივეს თქმის , პირიქით მივესალმები მათ და სწორი საქციელია . ეს იყო ლამაზი წლები ძლიერ კლუბთან ერთად , რომელსაც ნებისმიერი მეტოქის დამარცხება შეეძლო ” .

არასოდეს არ ყოფილხარ რომის ცენტრში ?

” ხუთი წლის წინ აღმოვჩნდი პირველად და ძალზედ ნასიამოვნები დავრჩი ” .

შეხვედრილხარ თუ არა პაპს ?

” საბედნიეროდ ორჯერ მოვახერხე და ხელზეც ვაკოცე . შვილის შეძენის შემდეგ , ეს ალბათ ერთ ერთი ყველაზე ემოციური რამ იყო ჩემს ცხოვრებაში . გამორჩეული პაპი იყო და ბედნიერი ვარ , რომ მოვახერხე მისი ნახვა ” .

შემდეგი ფოტო სურათი … 2002 წელი უდინე …

” ამ ფოტოზე რომ იცოდეთ პობორსკის ვხედავ , რომელსაც მატჩის წინ ვესაუბრე და მეხუმრა , რომ ორი ბურთის გატანას მოახერხებდა . მაშინ ბევრი ვიცინეთ ამაზე . რეალურად კი მოხდა რა ? კარელმა მართალაც შესძლო ინტერის წინააღმდეგ დუბლის გაკეთება და შედეგად იუვენტუსსმა , ნერიაძურის მარცხით ისარგებლად და სკუდეტო მოიპოვა ” .

ფოტო სურათი , რომელიც ნაკლებად სასიხარულოა … 2003 წელი , შეხვედრა მადრიდის რეალთან …

” შვეიცარიელი არბიტრი . ვფიქრობ მან სამართლიანად მომცა გაფრთხილება , რადგან წესების დარღვევა აშკარაა . ამ სურათზე ჩანს ჩემი ტრაგედიაც და ასევე ბედნიერებაც , რომელიც ” იუვენტუსის ” ჩემპიონთა ლიგის ფინალში გასვლით არის გამოწვეული ” .

გაცვლიდი ოქროს ბურთს ჩემპიონთა ლიგის თასსზე  ?

” დაუფიქრებლად გავცვლიდი , რადგან ფეხბურთი კოლექტიური სპორტია და სიხარულიც კოლექტიურია შესაბამისად ” .

ეს იყო სკუდეტო კაპელოსთან ერთად . როგორი დამოკიდებულება გაქვს ამ თასებთან ?

” ვფიქრობ რომ სრულებით დამსახურებული სკუდეტოებია , ჩვენ იგი მოედანზე მოვიგეთ ” .

ბოლო სურათი . პაველ ნედვედი სერია ბ-ში . რა გამოცდილება შეგმატა იმ პერიოდმა ?

” წარსულში რომ გავიხედო , ” იუვენტუსსში ” დარჩენა სწორი გადაწყვეტილება იყო . სერია ა-ში დაბრუნება არ იქნებოდა ისეთივე ადვილი , ყველა რომ წასულიყო . ბიანკონერი დღეს არ ისაპარეზებდა ჩემპიონთა ლიგის 1/4 ფინალში , ამიტომ ვამაყობ ყველა ფეხბურთელის გამო ვინც მაშინ დარჩა ტურინში . იგივე ფეხბურთი იყო , იგივე მოედანი , ბურთი და პარტნიორები ” .

მოგწონს ავტომობილები ?

” ადრეულ ასაკში მსიამოვნებდა და გატაცებულიც კი ვიყავი ” ფერარით ” . მყავდა კიდევაც ამ მარკის მანქანა , მაგრამ რატომღაც გარაჟში იდგა სულ . იმიტომ რომ ეს ცოდვა იყო ” .

პაველ , რამდენად ხშირად ფიქრობ კავანის შეძენაზე ?

” ეჰ … მარტო მე მის შეძენას ვერ მოვახერხებ , არადა ძალზედ მომწონს იგი . პირველ რიგში არა იმიტომ რომ გოლების გატანა იცის , არამედ იმიტომ რომ ისევე მუშაობს გუნდზე როგორც ნახევარმცველი . ასეთ მახასიათებლებს ფორვარდში ხშირად ვერ ვიხილავთ . გადაჭრით შეიძლება იმის თქმა , რომ მას ყველაფერი წესრიგში აქვს . ჩვენი ” იუვენტუსისთვის ” ის იდეალური ფეხბურთელი იქნება ” .

ქალაქური ლეგენდები : ამბობენ , რომ ვარჯიშზე ერთი საათით ადრე მოდიოდი და ერთი საათით გვიან მიდიოდი …

” ყველა ისე აქცევს ყურადღებას საკუთარ ფიზიკურ კონდიციებს , როგორც ის თვლის საჭიროს . უძლიერეს ფეხბურთელებთან ვთამაშობდი , ამიტომ სხვებზე მეტად უნდა მევარჯიშა . დიახ , ასე ვიქცეოდი და ვთვლი , რომ სწორსაც ვაკეთებდი ” .

2009 წელი  , 31 მაისი – ” იუვენტუსი ” – ” ლაციო ” 2:1

” ბოლო მატჩი იყო , რომელმაც უდიდესი ემოცია დამიტოვა . ვხედავდი თუ რამდენი ტიროდა და რამდენი იცინოდა და მე ბედნიერი ვიყავი . ეს დიდი სიამოვნება იყო ” .

პაველ , მოგწონს ბარსელონას საფეხბურთო ფილოსოფია ?

” მომწონს როდესაც ისინი მიზანდასახულად მოქმედებენ . მილანში მე ვერ ვიხილე სახიფათო და ასეთი მიზანდასახული კლუბი . ისინი უბრალოდ აგორავებდნენ ბურთს და ასეთ ფეხბურთს შედეგი არ მოაქვს . მათ ხიფათი უნდა შეექმნათ მეტოქის კართან , ხოლო ის რასაც აკეთებდნენ , დროის კარგვაა და მეტი არაფერი ” .

2009 წლის მაისში ინტერს და კერძოდ მოურინიოს ჰქონდა გიჟური იდეა შენ გაფორმებასთან დაკავშირებით . უარი შენ თქვი , თუ რაიოლამ ?

” არა , გადაწყვეტილება თავად უნდა მიმეღო ერთპიროვნულად . არ ვიყავი ამისთვის მზად , ამაზე რაიოლამაც ისაუბრა ” .

მატჩების მსვლელობის დროს , ტიფოზები ხშირად ასრულებენ სიმღერებს შენს საპატივცემლოდ …

” მრცხვენია ასეთ დროს . დღეს უკვე აღარ ვთამაშობ და უმჯობესი იქნება თუ ისინი იმ ბიჭებზე იმღერებენ , რომლებიც მოედანზე იუვენტუსის ღირსებას იცავენ . მიუხედავად ამისა , როდესაც ასე მეგებებიან უბედნიერესი ვარ . მეორეს მხრივ მრცხვენია როგორც უკვე გითხარით , რადგან აღარ ვარ ფეხბურთელი ” .

იყო მომენტი როდესაც შეგეშინდა ინტერის , რომელმაც სტუმრად დაამარცხა ” იუვენტუსი ” ?

” გამაკვირვა ნერიაძურიმ , რომელამც შინ დაგვამარცხა და თან საკმაოდ იოლად . ვფიქრობდი , რომ სწორედ ისინი გაგვიწევდნენ სკუდეტოსთვის კონკურენციას , მაგრამ მათ მალევე გაუშვეს სადავეები ხელიდან ” .

შეგვიძლიათ ვთქვათ , თუ არა რომ ნაპოლის კრიზისი დაეწყო და როგორ იმოქმედებს ეს კავანიზე ?

” ბევრი ქულა დაკარგეს ბოლო პერიოდში და პლიუს ამასთან ევროპა ლიგასაც გამოემშვიდობნენ . ვუყურე მათ დაპირისპირებას , რადგან ეს ჩეხური კლუბის წინააღმდეგ ვითარდებოდა . დღეისათვის მათი საზრუნავი მხოლოდ შიდა გათამაშება იქნება და ვფიქრობ ყველა ღონეს იხმარენ , რომ ამაღლებულ ნოტაზე დაასრულონ იგი ” .

აირჩიე მეტოქე ვისაც ფინალში შეხვდებით …

” სასიამოვნო იქნება ჩემპიონთა ლიგის ფინალში გასვლა და ვინ იქნება მეტოქე ამას შემდეგ შევხედავთ ” .

რევანში მილანის წინააღმდეგ ?

” ვნახოთ რა იქნება 10 წლის შემდეგ .  ცოტათი მოურინიოს რეალი მაფიქრებს ” .

მილანი გასცდება ბარსელონას ?

” დიახ , დიახ , დიახ . ვერ ვხედავ დღევანდელ ბარსელონაში იმ ბრწყინვალებას , რომელიც მილანს შეაჩერებდა ” .

რას ფიქრობ ბუფონზე , წლები ხომ მიდის …

” ბუფონი უკონკურენტოა , ის მსოფლიოში საუკეთესო მეკარეა . არა ერთ ძლიერ მეკარესთან ერთად მითამაშია – ლაციოში მარკეჯანი , პერუცი … ბუფონი … ჩეხი ეროვნულ ნაკრებში , მაგრამ ჯიჯიზე საოცარი პირველი ნომერი არსად მინახავს ” .

დიდი მადლობა ინტერვიუსთვის პაველ …

” თქვენც დიდი მადლობა მოწვევისთვის ” .

წყარო : TuttoJuve.com