გამარჯვება , ეს არის ერთადერთი რასაც მნიშვნელობა აქვს – ეს ” იუვენტუსია ”

ჩემპიონთა ლიგის 1/4 ფინალურ სტადიზე ჩვენი საყვარელი კლუბი უკვე წლებია არ გასულა . ბოლოს ეს შორეულ 2005/06 სეზონში იყო როდესაც ფაბიო კაპელოს მართლაც , რომ ვარსკლავური ” იუვენტუსი ” ძალზედ ადვილად დამარცხდა და თითქმის უბრძოლველად ” არსენალთან ” . დროის და სხვა ფაქტორების გათვალისწინებით დღევანდელ დღეს ყოველი იუვენტინო მოუთმენლად ელოდა . კლუბი კვლავინდებურად იბრძვის უმაღლესი მწვერვალისთვის …

ისტორია რომელიც ანტონიო კონტეს მოსვლის შემდეგ დაიწყო გრძელდება . ოცნება … როგორც ამას ანტონიო უწოდებს პირველივე დღიდან , როდესაც კონტრაქტი გააფორმა საკუთარ კლუბთან … მართლა საკუთართან რადგან კონტე ხომ სულით ხორცამდე იუვენტინოა . ქარიზმატული და მუდამ გამარჯვებისკენ ორიენტირებული ადამიანი , რომელმაც საკუთარ შეგირდებს ის სული შთაბერა რასაც ” იუვენტუსი ” ჰქვია … გაიხსენეთ ის პერიოდი , როდესაც სერია ა სულ რაღაც რამდენიმე ტურის დაწყებული იყო . ბიანკონერის თამაში ყველაში დიდ სიმპატიას იწვევდა . დიახ თვალშისაცემი იყო გარკვეული ნაკლები , მაგრამ კონტე გუნდს პროდუქტიულად წვრთნიდა და თამაშიდან თამაშამდე უფრო და უფრო მეტ პატივისცემას იმსახურებდა . მაგრამ მათ თავი არასოდეს დაუკარგავთ და კითხვაზე იბრძვის თუ არა ბიანკონერი სკუდეტოსთვის , ყველა ერთხმად პასუხობდა : ” სკუდეტო ? ეს არის ოცნება , რომლისკენაც მივიხვწვით “ . მაისის ბოლოს კი კონტემ და კომპანიამ ოცნება რეალობად აქციეს . ახალი სეზონი , ახალი იმედები , ახალი ტრანსფერები … გუნდი კვლავინდებურად პირველია ჩემპიონატში და ჯერ ჯერობით დაუმარცხებლად მიიწევს ევროპაში წინ და წინ . იცით რა არის საერთო ამ ორ სეზონს შორის ? კითხვაზე ჩემპიონთა ლიგის თასი , ტურინელები კვლავინდებურად ერთხმად პასუხობენ : ” ოცნება გრძელდება “ … იოლი ცხოვრებაში არაფერია და ოცნების ასასრულებლად იტალიის მოქმედ ჩემპიონს ” ბაიერნის ” დამარცხება მოუწევს . რაოდენ ადვილია ამისი დაწერა , იმდენად რთულია მოედანზე განხორციელება . ჩვენს წინააღმდეგ ევროპული ფეხბურთის ისეთივე გრანდი წარსდგება , როგორც თავად ” იუვენტუსია ” . იგი ისეთივე მრისხანე და დაუნდობელია . გერმანული მანქანა , რომელსაც არავის და არაფრის არ ეშინია , იგი მიზან მიმართულად და ცივ სისხლიანად მოქმედებს და მის წინააღმდეგ ასპარეზობა ყოველთვის რთულია . რა ფორმაშიც არ უნდა იყვნენ გერმანელები ისინი ერთ სანტიმეტრსაც კი არ დაგითმობენ უბრძოლველად … ქება დიდებას იმსახურებს ჩვენი მეტოქე , რომელიც დღეისათვის ფანტასტიურ ფორმაში იმყოფება . საკმაირისია გადავხედოთ სტატისტიკას და ისინი ყველაფერს ჩემი სიტყვების გარეშედაც კი გვეტყვიან . ყველაზე დასაფასებელი კი მათში სწორედ ის სულისკვეთება და ჟინია , რაც ასე ძალიან გვიყვარს ჩვენს კლუბში . სწორედ ამიტომ ავლევებენ ამ ორ გუნდს შორის პარალელებს და სწორედ ამიტომ იქნება ეს დაპირისპირება ყველაზე გამორჩეული სანახაობა ჩემპიონთა ლიგის 1/4 ფინალურ სტადიაზე . მიუხედავად ზემოთჩამოთვლილი დადებითი ასპექტებისა გერმანული გუნდის , ” იუვენტუსი ” ყოველთვის მაღლა აწეული თავით გამოდის მოედანზე , არც მას აშინებს მეტოქე და ფეხბურთელები რომლებიც შავ თეთრი მაისურით გამოდიან , მსაჯის საფინალო სასტვენამდე იცავენ საკუთარი გუნდის და სრულიად იტალიის ღირსებას . ანტონიო კონტე … დღევანდელი გუნდის ნამდვილი სიმბოლო . ალბათ უმეტესობა თქვენთაგანი კითხვაზე თუ ვის შეადარებდით დღევანდელი ხასიათით ” იუვენტუსს ” , სწორედ მთავარ მწვრთნელს დაასახელებდით . მოტივატორი , ფსიქოლოგი , ტაქტიკოსი … საკუთარი საქმის ნამდვილი პროფესიონალი , მაგრამ მე ყველაზე მთავარი არ მითქვამს … ის იუვენტინოა და მან იცის იმ შავ თეთრი მაისურის ფასი , რომელიც მოედანზე თითოეული მილიმეტრისთვის იბრძვის და მან იცის რა ოფლის ფასად უნდა დაუჯდეს თითოეულს უფლება , რომ იგი ჩაიცვას . ამიტომ დარწმუნებულნი უნდა იყოთ იმაში , რომ როდესაც მოედანზე 11 იუვენტინოა კონტეს მიერ გამოყვანილი , ისინი იბრძვიან ღირსებისთვის … ისინი იბრძვიან ჩვენთვის , რადგან სიხარული მოგვანიჭონ გამარჯვებით !!! გამარჯვება , ეს ერთადერთია რისთვისაც ” იუვენტუსი ” შეიქმნა , ჩვენ მოედანზე ფეხბურთელებთან ერთად მხოლოდ ამ მიზნით გავდივართ ! ოცნება გრძელდება !!!