კონტე : ” საინტერესო დაპირისპირება გველის ”

ბიანკონერის მეტოქე მიუნჰენის ” ბაიერნია ” . ჰაინკესის კლუბი დომინირებს გერმანიაში და იმსახურებს პატივისცემას ევროპაშიც . კონტეს კარგად მოეხსენება იმ სირთულეების შესახებ , რასაც მათთან გადაეყერება , მაგრამ იმასაც კარგად აცნობიერებს , რომ ამ სტადიაზე ნებისმიერი მეტოქე რთულად დასაძლევი იქნებოდა : ” თავიდანვე ვაცნობიერებდით , რომ წარმოუდგენლად რთული დაპირისპირებები გველოდებოდა 1/4 ფინალში . ლონდონის ” ჩელსის ” შემდეგ , ჩვენ შევხვდებით გასული წლის კიდევ ერთ ფინალისტს , რომელიც ევროპაში საკმაო ავტორიტეტით სარგებლობს . გერმანელები ხომ წლების მანძილზე აგროვებდნენ ამ გამოცდილებას და ყოველთვის ჩემპიონთა ლიგის ერთ ერთ უმთავრეს ფავორიტთა შორის იმყოფებიან . ამასთანავე შეუძლიათ მშვიდად მოემზადონ ამ მატჩისთვის , რადგან შიდა გათამაშებაში 20 ქულიანი ჰანდიკაპი გააჩნიათ . დაძაბული მატჩი იქნება , რომლისთვისაც მომზადებას მშვიდ ატმოსფეროში გავაგრძელებთ . ჩვენ განვაგრძობთ ოცნებას და გვსურს თითოეული წამით დავტკბეთ . გასულ წელს ევროპის უპრესტიჟულეს გათამაშებაში შინ დივანზე მოკალათებულნი ვუცქრედით , დღეს კი ერთ ერთი მთავარი მოქმედი პირები ვართ ” . 

შემდგომ საუბარი უკვე შიდა ასპარეზს და ” ბოლონიასთან ” დაპირისპირებას შეეხო …

” შევხვდებით კლუბს , რომელიც კარგ ფიზიკურ კონდიციებშია . მათ რიგებში ისეთი ფეხბურთელები გამოდიან , როგორებიც არიან დიამანტი და ჯილარდინო . არიან ასევე კონე , პერესი , ტაიდერი , გაბიადინი , ჩვენი სორენსენიც – რომლის თამაში მესიმპატიურება … ერთი სიტყვით მათ რიგებში წარმატებული მოთამაშეები ირიცხებიან , რომლებსაც ძალუძთ პრობლემების შექმნა ჩვენთვის . ხვალ ძალზედ რთული და მნიშვნელოვანი შეხვედრა გაიმართება იუვესთვის . ორგანიზებულ გუნდის წინააღმდეგ გავალთ მოედანზე , რომელიც კარგად იყენებს 4-2-3-1 ტაქტიკურ სქემას , პლიუს ჰყავთ ჭკვიანი თავკაცი პიოლის სახით და სავსე არენა . პოგბა ? აქ გადმოსვლით მან საგრძნობლად მოუმატა . დეშამს ვესაუბრე და ვუთხარი , რომ პოლს დიდი კარიერა ელოდება წინ ” .

წყარო : Juventus.com