კონტესთან ახალი კონტრაქტის გაფორმება იგეგმება

აპენინური მედიის ინფორმაციით , ბიანკონერის ხელმძღვანელობამ აქტიურად დაიწყო მუშაობა ახალი კონტრაქტის გასაფორმებლად ანტონიო კონტესთვის . მოქმედი ხელშეკრულება ძალაში 2015 წლამდე იქნება . აქვე უნდა აღინიშნოს , რომ თავდაპირველი ხელშეკრულების გაფორმების შემდეგ , ხელმძღვანელობამ მალევე გადახედე პირობებს და ანტონიო სერია ა-ს სპეციალისტებს შორის ანაზღაურების მიხედვით პირველ ადგილზე გაიყვანა , დაუნიშნა რა სამი მილიონი ევრო წელიწადში . წარმატებული სვლა გრძელდება და ” იუვენტუსის ” თავკაცის მიმართ ინტერესი უკვე სერიოზულ სახეს იღებს სხვადასხვა კლუბებისგან , ამიტომაც ანიელის და კომპანიას სურთ 20 მილიონ ევროდ დააზღვიონ მისი ახალი კონტრაქტი – დაზღვევა სხვათაშორის სპეციალისტების საკითხში პირველი შემთხვევა არ არის . მოურინიო ინტერში 10 მილიონად იყო თავის დროზე დაზღვეული , მაგრამ მადრიდში გადასვლისას ნერიაძურის არ მოუთხოვია ესპანელთაგან არანაირი კომპენსაცია და აი ვილაშ ბოაშის შემთხვევაში არისტოკრატებმა 15 მილიონი ევრო გადაუხადეს ” პორტოს ” . კულუარებში არსებული ინფორმაციით ახალ ხელშეკრულებას ძალა 2017 წლამდე ექნება , ხოლო ანტონიო წელიწადში 5 მილიონ ევროს მიიღებს , მაგრამ ახალგაზრდა სპეციალისტს ძალზედ ედიდება 20 მილიონიანი პუნტქი და ამიტომ ამასთან დაკავშირებით მოლაპარაკებები მომავალშიც გაგრძელდება .

წყარო : Sportmediaset