კუალიარელა : ” დარწმუნებული ვარ საკუთარ ძალებში ”

სეზონის ერთ ერთი ყველაზე გამორჩეული მომენტების ავტორს , არცთუ ისე ხშირად ეძლევა მოედანზე გამოსვლის საშუალება , თუმცა ეს ყოველივე მის საბრძოლო სულისკვეთებაზე ოდნადავაც არ მოქმედებს . ფაბიოს განსაკუთრებულად ” ჩელსის ” კარში გატანილი ბურთი ახსოვს : ” ტელევიზორის საშუალებით ვადევნებდი თვალს ამ გათამაშებას და დიდი სურვილი მქონდა , თავადაც მომესინჯა ძალები . ოცნების ასრულება წელს მოვახერხე და ჯერჯერობით უნდა ითქვას , რომ ყველაფერი გეგმის მიხედვით მიმდინარეობს . ლონდონელთა კარში გატანილი ბურთი ? გამოსვლისთანავე , აქტიურად ჩავერთე შეხვედრაში და მოვახერხე კიევაც თავის გამოჩენა . არასოდეს დამავიწყდება სადებიუტო მატჩი ევროპაში . ეს ბურთი გამორჩეულ ადგილს იკავებს ჩემს გულში . ვფიქრობ , სწორედ ეს იყო გადამწყვეტი შეხვედრა , რადგან მან გვარწმუნა საკუთარ ძალებში . წარმოიდგინეთ თან , რომ ჩვენს წინააღმდეგ პირველივე დაპირისპირებაში წარსდგებოდა კლუბი , რომელიც მოქმედი გამარჯვებული იყო . მიუხედავად იმისა , რომ პირველებმა გავუშვით ორი ბურთი , საკუთარ თავში არ დაგვიკარგავს რწმენა ” . 

ურთიერთობა ანტონიო კონტესთან : ” მწვრთნელი ხშირად ვარირებს ფორვარდებით , ჩვენ გვესმის მისი მუშაობის სტილი . გამომდინარე იმ მეტოქიდან , რომელსაც ვხვდებით , ანტონიო პერსონალურ გადაწყვეტილებებს იღებს . მშვიდად ვართ , რადგან როგორც უკვე გითხარით ვიცით მისი მუშაობის მანერა . რაც შემეხება მე , საკუთარ თავში დარწმუნებული ვარ . როდესაც მოედანზე რთული დაპირისპირების დროს შედიხარ , აცილების მომენტი 70 % – ია . ხშირად გამომდის პროდუქტიული თამაში , რაც დიდ სიამოვნებას მანიჭებს ” .

წყარო : Calcionews24