ბუფონი: ” ვეცდებით ჩვენი თამაში ვითამაშოთ “

11 years ago აკაკი მეტრეველი

“იუვენტუსის” კარის დარაჯმა, ჯანლუიჯი ბუფონმა, ხვალინდელ მატჩთან დაკავშირებით გამართულ პრესკონფერენციაზე საკუთარი კომენტარი გააკეთა: ” მე ბრწყინვალე მცველებთან ერთად მიწევს მუშაობა, რაც ყველამ კარგად იცის. ეს საუკეთესო დაცვის სამეულია, ვისთან ერთადაც ოდესმე მითამაშია. კონტემ დიდი სამუშაო გასწია სამმცველიანი სისტემის დაბრუნებით. ამით მან მოთამაშეებს შესაფერისი მოვალეობები დააკისრა, რაც ჩემს თანაგუნდელებს პროგრესირებაში დაეხმარა. წელიწადნახევრის წინ კლუბმა გამოავლინა “ინტუიციის გრძნობა”, როცა ანდრეა პირლო ტურინში ჩამოიყვანა. ბევრი მაღალი დონის ფეხბურთელის მხარდამხარ მითამაშია, მაგრამ პირლო იმ რამდენიმე მოთამაშეში შედის, რომლებსაც სხვებთან შედარებით რაღაც მეტი აქვთ. “ბაიერნთან” ორმატჩიანი დაპირისპირება ასე თუ ისე დაბალანსებული იქნება. გამარჯვებულის ვინაობა შესაძლოა ინდივიდუალურმა ეპიზოდებმა გადაწყვიტოს. ვაცნობიერებთ, რომ პროგრესი კიდევ საჭიროა, მაგრამ ამ ეტაპზე მიუნხენში ყოფნა შესანიშნავი ფაქტია და ვეცდებით ჩვენი თამაში ვითამაშოთ.” – განაცხადა ბუფონმა.