ჰაინკესი : ” ვიღვიძებ და ვიძინებ ბებერ ქალბატონზე ფიქრით … ”

” იუვე ისეთივე ლეგენდარული კლუბია , როგორც მადრიდის ” რეალი “ . მათი ისტორია , ტრადიციები და ელემენტარულად ის , თუ რა ჭაობიდან ამოვიდნენ და დაბრუნდნენ უძლიერესთა შორის ადასტურებს ამ ყოველივეს ” – დადებითი ეპითეტებით ამკობს მოწინააღმდეგეს იუპ ჰაინკესი , რომლის სიტყვები მხოლოდ ზრდილობის გამო არ არის წარმოთქმული : ” გუნდი რომელიც ერთის მხრივ ტიპიური იტალიური საიმედო დაცვით გამოირჩევა და მეორეს მხრივ აქვს უსაზღვრო ფანტაზია და დიდი შემტევითი ძალა . ისინი საიმედოდ კეტავენ ყველაფერს , მაღლა აწეული პრესინგის ხარჯზე , რომელსაც დაცვის და ნახევარდაცვის ხაზები ზუსტად და დროულად ახორციელებენ . კონტეს ხელი შეუიარეღებელი თვალითაც კარგად ჩანს . იგი ტემპერამენტიანი სპეციალისტია ” .

გერმანული პრესის მოსაზრებით ყველაზე მეტად ბუნდეს ლიგის ლიდერები პირლოს უნდა უფრთხოდნენ , თუმცა ჰაინკესი ასე არ ფიქრობს , მისი აზრით დანარჩენი მოთამაშეებიც არა ნაკლებ სახიფათონი არიან : ” პირლო გუნდის ტვინია , მაგრამ მის გვერდით მარკიზიო და ვიდალი ასპარეზობენ და პლიუს სხვადასხვა ეროვნული ნაკრების წევრი . ტურინელებს მაღალი დონის შემსრულებლები ჰყავს , ისევე როგორც ჩვენ ამიტომაც გულშემატკივრებს საოცარი მატჩი ელით , სადაც გამარჯვების მოპოვება თანაბრად ძალუძს ორივე კლუბს ” .

მატჩი რომელზედაც ჰაინკესი 24 საათის განმავლობაში ფიქრობს : ” სიმართლე ითქვას ვიღვიძებ და ვიძინებ ბებერ ქალბატონზე ფიქრით ” – ხუმრობს იგი …  ” რადგან ბოლომდე მსურს მისი შესწავლა . არა ერთი მატჩი ვიხილე მათი მონაწილეობით , თუმცა ერთია როცა ტელევიზორთან მოკალათებული აკეთებ ამას მშვიდ გარემოში და მეორეა როდესაც ეს გუნდი უკვე შენს წინააღმდეგ გამოვა მოედანზე . ჩემპიონატში ყველაფერი გეგმაზომიერად მიმდინარეობს და ჰამბურგის წინააღმდეგ ყველაფერი ზედმიწევნით კარგად შევასრულეთ , თუმცა ჩემპიონთა ლიგის გათამაშება გაცილებით რთული ტურნირია და მოგვიწევს მაქსიმალური კონცენტრაციით ყოფნა ” .

წყარო : Juventus.com