კონტე: ” “ბაიერნი” ფავორიტია “

ანტონიო კონტე მიუნხენის “ბაიერნს” ფავორიტად მიიჩნევს, მაგრამ თავისი შეგირდების იმედი აქვს და ხვალინდელ დაპირისპირებასაც შესაბამისი გაწყობით ხვდება. 43 წლის სპეციალისტმა საკუთარი კომენტარი დღევანდელ პრესკონფერენციაზე გააკეთა: ” ვიცით, რომ “აუტსაიდერები” ვართ, რადგან ერთ-ერთ უმთავრეს მეტოქესთან დაპირისპირება გვიწევს, მაგრამ ჩვენ აქ შემთხვევით არ მოვხვედრილვართ. შევეცდებით არანორმალურად ძლიერი “ბაიერნის” სუსტი წერტილები გამოვიყენოთ. ეს იქნება შესანიშნავი, ბრძოლით აღსავსე მატჩი. მოხარულნი ვართ, რომ დავბრუნდით ჩემპიონთა ლიგის ფინალურ ეტაპზე, რასაც წლების მანძილზე ვიყავით მოკლებულნი. ვეცდებით, ჩვენი თამაში ვითამაშოთ. ხვალ უძლიერესი გუნდის წინაშე წარვსდგებით, რომელიც საკუთარ ჩემპიონატში ისეთ კლუბს უსწრებს 20 ქულით, როგორიც დორტმუნდის “ბორუსიაა”. თუმცა, ეს არ ნიშნავს იმას, რომ ჩვენ დავნებდებით. გვაქვს უდიდესი სულისკვეთება, რაც წარმატების მიღწევაში უნდა დაგვეხმაროს. ეს შეხვედრა ძალიან ბევრ რამეს დაგვანახებს.” – განაცხადა ანტონიო კონტემ.

წყარო: Football-Italia