კონტე : ” შევეცდებით სიტუაციის გამოსწორებას ”

ტელეკამერებთან გამოჩენისას ანტონიო კონტე ისეთივე დაღლილი გამოიყურებოდა , როგორც მისი ფეხბურთელები . გამარჯვება მოპოვებულია , რომელმაც დამატებითი სამი ქულა მოუტანა იტალიის 30 გზის ჩემპიონს . ეხლა კი ბიანკონერი ” ბაიერნთან ” გასამართი საპასუხო მატჩისთვის მოემზადება : ” დავიცალე და ამავე დროს აღფრთოვანებული ვარ ამ გამარჯვებით . თითქოს ისე ჩანდა თავდაპირველად , რომ შეხვედრაში სადაც ვდომინირებდით , კარებში ვურტყამდით , საგოლე მომენტებს ვქმნიდით –  არ დასრულდებოდა სასურველი შედეგით რადგან მათი მეკარე მოწოდების სიმაღლეზე იდგა , რომელსაც ძელიც ეხმარებოდა ეტაპობრივად . შემდგომ მათი დარტყმული 40 მეტრიდან ჩვენი კარის ბადეში ეხვევა . კმაყოფილი ვარ ფეხბურთელების გარჯით , მაგრამ გაშვებული ბურთის შემდგომ უკეთაც შეეძლოთ ასპარეზობა . გავიმარჯვეთ ერთ კონკრეტულ შეხვედრაში და რაიმე დიდ მიღწევაზე საუბარი არ უნდა იყოს , უბრალოდ მორიგი აგური დავადეთ შენობას . ვუჩინიჩი ? საშინლად იასპარეზა , მაგრამ ორი ბურთი გაიტანა და წარმოგიდგენიათ კარგად თამაშის შემთხვევაში რისი მაქნისია იგი ? იმედი მაქვს ” ბაიერნთან ” წინასამატჩოდ ეს ბურთები წარმატების მომასწავლელი იქნება . გერმანელებმა 20 ქულით მოიპოვეს ჩემპიონობა და ეს შექებას იმსახურებს . რობენის მოედანზე გამოსვლა პირველ დაპირისპირებაში ძვირად დაგვიჯდა , რადგან კროოსის დროს ასე თუ ისე ვახერხებდით ზეწოლის შეჩერებას . აღმოფხვრა რთული იქნება , მაგრამ შევეცდებით იმ განცდით რომ რისკზე წასვლა მოგვიწევს ” .

წყარო : Juventus.com