კონტე : ” სრული სვლით სკუდეტოსკენ ”

ანტონიო კონტეს განცხადებით , ჩემპიონთა ლიგაში განცდილი წარუმატებლობა არანაირად არ აისახება მის კლუბზე შიდა ჩემპიონატში : ” ჩვენს თავდაჯერებულობას პრობლემები არ შექმნია . ნაკლებად ვიზიარებ იმ მოსაზრებას თითქოს ლაციოსთან და მილანთან დაპირისპირებები ყველაზე გამორჩეულია , რადგან თითოეული შეხვედრა სამი ქულისთვის ბრძოლაა “ . განაცხადს მიღმა დარჩნენ კიელინი , ბენდტნერი , ანელკა და ჯიოვინკო : ” არანაირი იერარქია არ სუფევს კლუბში . უბრალოდ არჩევანს საუკეთესოებზე ვაჩერებ ანუ იმ ფეხბურთელებზე , რომლებიც ყველაზე უკეთ არიან ამ წამისთვის მზად . რთული დაპირისპირება გველის ასევე რთულ არენაზე . არ დაგვავიწყდეს , რომ ” ლაციო ” საკმაოდ შორს გავიდა ევროთასებზე . სწორედ მათ დაგვამარცხეს იტალიის თასის ნახევარფინალში , ასე რომ ჩვენი კლუბები ერთმანეთს წლევანდელ სეზონში ყველაზე მეტჯერ დაუპირისპირდნენ . მილანი – ნაპოლი ? არ ვაქცევთ ყურადღებას მეტოქეების ასპარეზობას და კონცენტრაციას მხოლოდ საკუთარზე ვახდენთ . სწორედ ამაშია ჩვენი ძალა . ისინი ვინც იმარჯვებენ ისტორიას წერენ , დანარჩენები კი უბრალოდ კითხულობენ მას . მაცარის და ალეგრის ადგილზე მე ” Come Back ” – ის იმედი მექნებოდა . დარჩენილ მატჩებში უნდა გაგრძელდეს გამარჯვებების მოპოვება , თუმცა შესაძლოა მეტოქეებსაც დაუცდეთ ფეხი ” .

ორივე კლუბი , რომელიც დღეს საღამოს დაუპირისპირდება ერთმანეთს , გასულ კვირას გამოეთიშა ევრო თასებს . ტურინელები ორი მატჩის ჯამში ” ბაიერნთან ” 0-4 ზე დამარცხდნენ , ხოლო რომაელებმა ფენერბახჩესთან განიცადეს წარუმატებლობა 1-3 .

” წლევანდელ სეზონში ჩვენი მიზანი იყო სკუდეტოს მოპოვება და ჩემპიონთა ლიგაში დაბრუნება . ვფიქრობ იმ გზაზე ვიმყოფებით დღეისათვის , რომლითაც მივაღწევთ საწადელს . რატომ უნდა დავემწუხრებინეთ და გავეტეხეთ ბაიერნთან მარცხს აუცილებლად ? გვესმოდა , რომ 1/4 ფინალში გასვლა უკვე დიდი მიღწევა იყო . საკმაო სამუშაო გავწიეთ წლევანდელ სეზონში და ნამდვილად არ მიჩნდება ის განცდა თუ რატომ უნდა გვეპარებოდეს ეჭვი საკუთარ ძალებში ” .

დილის გაზეთები გადაჭრელებული იყო ინფორმაციით ალექსის სანჩესთან დაკავშირებით …

” ეხლა რომ ვისაუბროთ სატრანსფერო საკითხებზე , ამითი ფეხბურთელებს მივაყენებთ შეურაწყოფას , რომლებიც ყველაფერს აკეთებენ საკუთარი გუნდისთვის . მხოლოდ დღევანდელზე მსურს კონცენტრირების მოხდენა . ვიმარჯვებთ როგორც ერთი მთლიანი და ვმარცხდებით , როგორც ერთი მთლიანი . იმედი მაქვს გულშემატკივრები სათანადო დონეზე დააფასებენ ჩვენს მიერ გაწეულ შრომას ” .

წყარო : ტურინის ” იუვენტუსის ” ოფიციალური ვებ გვერდი