კონტე : ” ტიტულს კიდევ შვიდი ქულა გვაშორებს ”

“ მორიგი ნაბიჯი გადავდგით და მივუახლოვდით სკუდეტოს , მაგრამ მათემატიკური კუთხით კიდევ შვიდი ქულა გვაშორებს ტიტულს “ . ეს გახლავთ ანტონიოს პრაგმატიზმი , ადამიანის რომელმაც იცის თუ რამდენი შეიძლება დაუჯდეს კლუბს , ეხლა რომ მოდუნდეს . მთელი მატჩის მანძილზე იგი დაუღლელად ხელმძღვანელობდა კლუბს : ” ჩვენს წინააღმდეგ ძლიერი კლუბი ასპარეზობდა და საკმარისი იყო ერთი შეცდომა დაგვეშვა , ყველაფერი თავდაყირა დადგებოდა . ვინც იცის ფეხბურთი , ესმის რომ ასეთ მატჩებში მაქსიმალური კონცენტრაციაა საჭირო ” .

” ამ მატჩის წინ ბევრი საუბრობდა , რომ ნახევარმცველების დასვენებაა აუცილებელი , რომ ისინი გადაიღალნენ , მაგრამ როგორც ხედავთ დღეს თითოეულ მათგანს მივეცი საშუალება პირველივე წუთებიდან ჩართულიყვნენ შეხვედრაში . მნიშვნელოვანი არ არის ფორვარდების რაოდენობა მოედანზე , მნიშვნელოვანია თუ რამდენი ფეხბურთელი იღებს მონაწილეობას შემტევ ოპერაციებში . კლაუდიო და მირკო შესანიშნავად კომბინირებენ . მარკიზიომ ბრწყინვალედ შეითავსა ახალი ფუნქცია , მოქმედებდა წინა ხაზში ეფექტურად მაშინ როდესაც ვუჩინიჩი ზონებს შორის ასპარეზობდა . ხელიდან გაშვებული შანსი ? იმ ეპიზოდში გული თუ არ დამარტყავდა არ მეგონა , მაგრამ მარკიზიომ საბოლოო ჯამში ისე კარგად იასპარეზა , რომ ვპატიობ ამას ” .

” ბაიერნი ? დეპრესიაში ყოფნისთვის ვერანაირ საბაბს ვერ ვხედავთ , რადგან ევროპის რვა საუკეთესო კლუბს შორის ვიმყოფებით  და ეს შესანიშნავია . გასული წლიდან მოყოლებული ვლიდერობთ კალჩოში და როცა გუნდი ასე ფეერიულად ასპარეზობს და მაინც დეპრესიაში უნდა ჩავარდეს ბაიერნთან მარცხის გამო , მაშინ საფეხბურთო სამყაროში არაფერი გამეგება ” .

წყარო : ტურინის ” იუვენტუსის ” ოფიციალური ვებ გვერდი