მაროტა : ” გვსურს დაუმარცხებელი მოდელი შევქმნათ ”

ჯუზეპე მაროტამ დაამშვიდა ბიანკონერის გულშემატკივარი და განაცხადა , რომ პოლ პოგბა , არტურო ვიდალი და ანტონიო კონტე არ დატოვებენ კლუბს , თუმცა რაც შეეხება სატრანსფერო ფანჯარას , ბიანკონერი მაინც და მაინც ასტრონომიულ თანხებს არ დახარჯავს . Juventus Channel- თან საუბარში ” იუვენტუსის ” გენერალურმა დირექტორმა სხვა საინტერესო თემებთან ერთად , პრიმავერას გამარჯვებაზეც ისაუბრა …

” ეს გახლავთ კულმინაცია და ის ეპიზოდი რასაც საფუძველი სამი წლის წინ ჩაეყარა . ყოველი ჩვენთაგანი უზომოდ ამაყი და ბედნიერია მიღწეული წარმატებით “.

” ჩვენს განკარგულებაში 78 ფეხბურთელი ირიცხება იტალიაში და მის ფარგლებს გარეთ – მათი ნახევარი იუვეს სრულფასოვანი წევრია , ხოლო მეორე ნახევარი თანამფლობელობაში იმყოფება . სერია ბ-ში 18 ფეხბურთელი გვეკუთვნის , ხოლო სერია ა-ში ისეთი ნიჭიერი მოთამაშეები ამაგრებენ ჩვენს რიგებს როგორებიც არიან მანოლო გაბიადინი და ჩირო იმობილე . სეზონის დასრულებისთანავე დავსხდებით მაგიდასთან და გავარკვევთ მათ მომავალს . სწორედ მაშინ გადაწყდება , რომელი მათგანი დაბრუნდება ტურინში “.

” ტურინში 2010 წელს ანდრეა ანიელის სურვილის შემდეგ მოვედი . იგი ბიანკონერის დიდი გულშემატკივარი გახლავთ , რომელმაც საკუთარი კლუბისთვის ბევრი რამ გააკეთა . არსებობს მხოლოდ გამარჯვებული ფსიქოლოგიის მქონე კლუბი , ხოლო დამარცხებული გამქრალია დღის სინათლიდან . ანტონიოს გუნდში მოყვანით კი ბევრი რამ დავამტკიცეთ , ანდრეას სურდა კლუბს სათადარიგოთა სკამზე ყოფილი ფეხბურთელი და კაპიტანი ჰყოლოდა ” .

” უკანასკნელი სამი წლის მანძილზე 30-მდე ფეხბურთელმა გაიარა ჩვენს ხელში , იყო შეცდომები მაგრამ გადავწყვიტეთ გვერწმუნა კონტეში , რომელსაც ძლიერი სამწვრთნელო მახასიათებლები გააჩნია , რითაც ის დღეისათვის უდაოდ გამორჩეულ ფიგურად ითვლება საფეხბურთო სამყაროში ” .

” კონტეს კლუბთან იდეალური ურთიერთობა გააჩნია . ის არა ერთი წლის განმავლობაში იქნება ბიანკონერის თავკაცი , რადგან მიზნები რომელთა განხორციელება ჩვენ გვსურს რეალურად დიდია  ” .

ჯუზეპემ ასევე იმ იუვენტინოებზე ისაუბრა , რომელთა მიმართაც სხვადასხვა ევროპული გრანდები გამოთქვამენ ინტერეს …

” პოგბა ? მხოლოდ მე არ მიმუშავია მის საქმეზე . ჩემს უკან პარატიჩი , როსი და კერუბინო დგანან . მას მოქმედი კონტრაქტი გააჩნია ჩვენთან და ფრანგი ორი აზრი არაა გუნდის მომავალია . პოლი უკვე ეხლა ასპარეზობს ტოპ კლუბში . მისი გასხვისება არც კი განიხილება . ვიდალი კი კლუბის კიდევ ერთი ჭკვიანური სვლა იყო . ანტონიომ მასში ის პოტენციალი რაც იყო კიდევ უფრო მრავლის მომცველი გახადა და სულ სხვა ეტაპზე აიყვანა . ჩვენი სურვილია შევინარჩუნოთ იგი . იუვე არ შეელევა საკუთარ ლიდერებს , რადგან მიზნები როგორც უკვე ითქვა უმაღლესია ” .

” პირლოზე კი რა უნდა ითქვას , გამოჩნდა შანსი და მცირე განხილივის შემდეგ დაუყონებლივ შევუდექით საქმეს . მილანმა და ანდრეამ გადაწყვიტეს სხვადასხვა გზით წასულიყვნენ , მაშინ როდესაც ჩვენ კონტაქტზე გასვლის შემდგომ მალევე გამოვნახეთ საერთო ენა . პირლო ჩემი დროის სიმბოლოა აქ და ეხლა , მას ზურგს არა ერთი დიდი ტიტული უმაგრებს , მიუხედავად იმისა , რომ არცთუ ისე ახალგაზრდაა ” .

” მახსოვს რამდენს გვაკრიტიკებდნენ მისი გაფორმების გამო , მაგრამ როგორც ხედავთ კრიტიკა უსაფუძვლო იყო . პირველი რამდენიმე დღე ვერ ვიძინებდი მისი გაფორმების შემდგომ … ”

” ბარძალი დაუფასებელი იყო ? არ შემიძლია არ დავეთანხმო ამ აზრს , იგი დაუფასებელი იყო მთელი მსოფლიოს მიერ . ვფიქრობ ის საუკეთესო იტალიელი მცველია დღეისათვის ! საკუთარი საქმის ნამდვილი პროფესიონალი და სერიოზული პიროვნება . ბარძალი უდაოდ დიდი ნიჭით დაჯილდოებული მოთამაშეა ” .

ტოპ ფეხბურთელი …

” სიმართლე მდგომარეობს იმაში , რომ კარგი საფეხბურთო შედეგი რთული შესარწყამია ფინანსებთან . უეფა მაქსიმალურად ცდილობს ფინანსური ფეირ პლეით დაწიოს ისედაც უაზროდ გაბერილი სატრანსფერო თანხები , რომელიც კლუბებმა დახარჯეს ბოლო პერიოდში . ასეთი მიდგომის გამო , რამდენიმე მათგანი საერთოდ ქრება . ჩვენი მიზანი ასეთია – პატივი ვცეთ ეკონომიურ სიტუაციას და არ ვთქვათ უარი გამარჯვებებზე , რომელიც ამ კლუბისთვის სასიცოცხლოდ აუცილებელია ” .

” ჩემპიონთა ლიგა კი მხოლოდ ინვესტიცია არ არის , ეს გახლავთ გეგმის შექმნის ფუნდამენტი . ის ვინც სპორტით არის დაკავებული , ყოველთვის მოქმედებს წინასწარი დაწერილი გეგმით . გვსურს წაუგებელი მოდელი შევქმნათ , რომელიც ყველაფერს მოიგებს ” .

“ ბავშობის კუმირები ? ვარეზეს პროვინციაში გავიზარდე და როდესაც საფეხბურთო თემებს შეეხო ჩემი ცხოვრება , გადავწყვიტე მილანის და ინტერის წვრთნებს დავსწრებოდი . ყოველთვის მესიმპატიურებოდა ნახევარმცველის ამპლუა – ასე რომ ჩემი კუმირი ერთის მხრივ იყო რივერა და მეორეს მხრივ სუარესი . მაგრამ არ მავიწყდებიან ისეთი ფეხბურთელები როგორებიც იყვნენ სივორი , ჰალესი და დელ სოლი . ეს ჩემი პროტეჟეა . მაგრამ ვერ მოვახერხე გავყოლოდი მათ , რადგან ჩემი კარიერა მალევე დასრულდა ” .

” ფეხბურთელი  , რომელმაც ჩემზე წარუშლელი შთაბეჭდილება მოახდინა ? იცით ასეთ დროს მეკარეს , მცველს და ნახევარმცველს ყველა ივიწყებს და უპირატესობას ფორვარდებს ანიჭებენ . რა თქმა უნდა შემეძლო მედევნებინა და დამეფასებინა პელე , რომლის ასპარეზობის ხილვაც ცოცხლად შევძელი . მაგრამ სიმართლე ითქვას მარადონაზე გენიალური ფეხბურთელი არავინ იყო , მასში იმდენი ემოცია იდო , მისი მოძრაობები კი ხელოვნების ნიმუშია ” .

” როგორია ბეპე მაროტა საფეხბურთო საქმიანობის მიღმა ? ფეხბურთის დამხარებით თავისუფალი დრო ნაკლებად მაქვს . ასე რომ ეს დიდი პატივია ჩემთვის . ერთის მხრივ ფეხბურთისადმი დიდი მადლიერი ვარ , მან ბევრი რამ მომცა და მეორეს მხრივ ეს ჩემი საქმეა . იმას რასაც რამდენიმე წლის მანძილზე მივაღწიე ოცნების ახდენასავით არის . მეორეს მხრივ მომწონს ხელოვნება , ლიტერატურა და კიდევ არა ერთი რამ რაც სიამოვნებას მანიჭებს . სამყარო გვაოცებს გათენებიდან დაღამებამდე და იმედი მაქვს შემდგომ წლებში ავინაზღაურებ იმ ყოველივეს რაც ეხლა გავუშვი ხელიდან ” .

წყარო : ტურინის ” იუვენტუსის ” ოფიციალური ვებ გვერდი