გომესზე კონკურენცია იზრდება

ტურინის “იუვენტუსს” მიუნჰენის “ბაიერნის” გერმანელი ფორვარდი მარიო გომესის 25 მილიონ ევროდ უნდა, ხოლო ლონდონის “ჩელსი” ედინსონ კავანის შეძენას ეცდება. პრობლემა ამ ორ კლუბს შორის იმაშია, რომ “ჩელსი” ელოდება, რომ კავანის ფასმა 63-მა მილიონმა ცოტა მაინც დაიკლოს, თუ არ დაიკლებს ისინი გეგმა B-ზე ანუ მარიო გომესის გაფორმებაზე გადავლენ. ფეხბურთელის აგენტი კი არ მალავს, რომ მარიოს გუნდის დატოვება უნდა. როგორც ცნობილია ჟოზე მოურინიო ფერნანდო ტორესისა და დემბა ბას გაყიდვას აპირებს და ამ ორ ფორვარდს ორი ფორვარდით შეცვლის, მათი ვინაობა ცნობილია : ანდრე შურლე (“ბაიერ ლევერკუზენი”) და მარიო გომესი (“ბაიერნი) ან ედინსონ კავანი (“ნაპოლი”). ბრიტანული პრესა იტყობინება, რომ მარიო გომესის აგენტი ლონდონში უკვე იმყოფებოდა სადაც მოლაპარაკებები გამართა, მაგრამ ჯერ პასუხი უცნობია. ტურინის “იუვენტუსი” 25 მილიონზე მეტის გადახდას მოთამაშეში არ აპირებს, მაგრამ თუ ანტონიო კონტე გომესის გაფორმებას მოითხოვს ეს თანხა ნამდვილად გაიზრდება.

წყარო: Sunday Times