ისლა “ინტერში” მიდის?

ტურინის “იუვენტუსმა” გასულ წელს მაურისიო ისლას და კვადვო ასამოას კონტრაქტის 50% იყიდა, ორივე ფეხბურთელმა სხვადასხვა შედეგი აჩვენა : ასამოა ნაწილობრივ იყო იტალიის ერთ-ერთი საუკეთესო გარემბარი და ცენტრალური ნახევარმცველი, მაგრამ ის აფრიკის თასის შემდეგ ფორმიდან ამოვარდა, ამის გამო მარცხენა ფლანგზე ადგილი დაკარგა, ხოლო რაც შეეხება მაურისიო ისლას : ის ტრამვირებული გადმოვიდა “ბებერ სინიორაში” და ამის გამო ვერა და ვერ შეძლო ფორმის აღდგენა. ტურინის “იუვენტუსმა”, “უდინეზემ” და “ინტერმა” შეთანხმებას მიაღწიეს და სავარაუდოდ 10 მილიონის სანაცვლოდ ისლა მილანურ “ინტერს” მიაშურებს, ხოლო შემოსული 10 მილიონი გაიყოფა ორად და 5-5 მილიონი მიეცემათ კლუბებს. მოგეხსენებათ ახლა “ინტერს” დაცვის მარჯვენა ფლანგზე დიდი პრობლემები აქვს, რადგან ორივე მარჯვენა მცველი ტრამვირებული ჰყავს : გუნდის კაპიტანი ხავიერ ძანეტი და ჯონათანი, ამიტომ ისინი ისლას ტრანსფერზე მუშაობას იწყებენ. ასევე ისლას გადასვლის შანსები გაზარდა მისი აგენტის მცირე კომენტარმა : “ისლას “ინტერში” გადასვლა სავსებით მოსალოდნელია, მას სათამაშო დრო სურს, “ინტერში” ალბათ ის მოედანზე ერთ სეზონში 25 მატჩს მაინც ჩაატარებს.”

წყარო : TuttoMercatoWeb