პლატინი : ” არ ვეთანხმები ანიელის კალჩოს კრიზისის საკითხში ”

Corriere dello Sport – თან საუბარში , მიშელ პლატინიმ არ აუარა გვერდი იტალიურ ფეხბურთს და კონკრეტულად ” იუვენტუსს ” : ” იუვემ საოცარი პროგრესი განიცადა და მათი დომინირება იტალიაში არანაირ ეჭვებს არ ბადებს . დარწმუნებული ვარ განვითარება გაგრძელდება , რადგან ტურინელებს ევროპაშიც სურთ მოწინავე პოზიციებზე ყოფნა . უფრო მეტს გეტყვით , უკვე წლევანდელ სეზონში კონტეს გუნდმა ყველაზე მეტი თავისტკივილი გაუჩინა ჩემპიონთა ლიგის ამჟამინდელ მფლობელს “ . უეფას პრეზიდენტი ზოგადად იტალიურ ფეხბურთსაც შეეხო : ” მოხიბლული ვარ ახალგაზრდა ესპანელი და იტალიელი მოთამაშეებით , მათგან რამდენიმე ნამდვილად გახდება უახლოეს პერიოდში გამორჩეული ვარსკვლავი . პირველ რიგში ეს ისკოს და ინსინიეს ეხებათ . ჩემს პერიოდში კალჩო პირველ პოზიციაზე იდგა , დღეს კი სიმართლე გითხრათ არ ვიქნები ისეთივე კატეგორიული როგორც ანიელია , რომელიც სერია ა-ს ტოპ მოთამაშეების გარდამავალ გათამაშებად მიიჩნევს . ისე კი , რაც უეფას პრეზიდენტი გავხდი , უფრო მეტად იტალიელების დაჯილდოება მიწევს ვიდრე გერმანელების ” .

წყარო : Corriere dello Sport